ପାକିସ୍ତାନର ପେସର ହାସନ ଅଲି ତାଙ୍କ ବୋଲିଂରେ ବହୁତ ପ୍ରଭାବିତ କରିଛନ୍ତି କିନ୍ତୁ ଉଇକେଟ ନେବା ପରେ ଉତ୍ସବ ପାଳନ କରିବାର ଶୈଳୀ ଅନ୍ୟମାନଙ୍କଠାରୁ ସମ୍ପୂର୍ଣ୍ଣ ଭିନ୍ନ। ତାଙ୍କ ଶୈଳୀକୁ ମଧ୍ୟ ଲୋକମାନେ ପସନ୍ଦ କରନ୍ତି। ଉଇକେଟ୍ ନେବା ପରେ ସେ ନଇଁପଡି ଦୁଇ ହାତକୁ ସଂପୂର୍ଣ୍ଣ ଖୋଲି ଦିଅନ୍ତି। ତେବେ ହାସନ ପିନ୍ଧିଥିବା ଲକେଟ୍କୁ ନେଇ ଏବେ ଚର୍ଚ୍ଚା ଜୋର ଧରିଛି। ଲର୍ଡସରେ ଖେଳାଯାଇଥିବା ପାକିସ୍ତାନ-ଇଂଲଣ୍ଡ ସିରିଜର ଦ୍ୱିତୀୟ ଦିନିକିଆରେ ହାସନ ଇଂଲଣ୍ଡ ବିପକ୍ଷରେ ପାଞ୍ଚଟ ଉଇକେଟ ନେଇଥିଲେ। ସେ ୯.୧ ଓଭର ବୋଲିଂ କରି ୫୧ ରନ ଦେଇ ପାଞ୍ଚଟି ଉଇକେଟ ନେଇଥିଲେ। ତେବେ ଏହି ମ୍ୟାଚ୍ରେ ପାକିସ୍ତାନ ହାରି ଯାଇଥିଲା। ଏହି ପରାଜୟ ସହିତ ଦଳ ସିରିଜ ମଧ୍ୟ ହରାଇଥିଲା। ଏହି ମ୍ୟାଚ ସମୟରେ ଅନେକ ଲୋକ ହାସନଙ୍କ ଲକେଟ୍ର ଫଟୋ ସୋସିଆଲ ମିଡିଆରେ ଶେୟାର କରିଥିଲେ।
ମ୍ୟାଚ୍ରେ ଇଂଲଣ୍ଡର ଇନିଂସ ପରେ ହାସନ ଅଲି କ୍ୟାମେରା ଆଗରେ କଥା ହେଉଥିଲେ, ସେତେବେଳେ ତାଙ୍କ ବେକରେ ଏକ ଲକେଟ୍ ପଡ଼ିଥିବାର ଦେଖାଯାଇଥିଲା। ଏହି ଲକେଟ୍ଟି ହାସନଙ୍କ ସେଲିବ୍ରେସନ୍ ସମୟର ବୋଲି ସୋସିଆଲ ମିଡିଆରେ ଚର୍ଚ୍ଚା ହେଉଛି। ୨୭ ବର୍ଷୀୟ ହାସନ ଏପର୍ଯ୍ୟନ୍ତ ତାଙ୍କ କ୍ୟାରିୟରରେ ୧୩ ଟି ଟେଷ୍ଟ, ୫୬ଟି ଦିନିକିଆ ଏବଂ ୩୬ଟି -୨୦ ଅନ୍ତର୍ଜାତୀୟ ଖେଳିଛନ୍ତି । ସେ ଟେଷ୍ଟରେ ୫୭ ଉଇକେଟ, ଦିନିକିଆରେ ୮୮ ଏବଂ ଟି -୨୦ ଅନ୍ତର୍ଜାତୀୟ ଫର୍ମାଟରେ ୪୮ ଉଇକେଟ ନେଇଛନ୍ତି।
