ଏମ୍ବ୍ରୋଏଡରୀ ହୋଇଥିବା କପଡ଼ାର ପୋଷାକ ପିନ୍ଧିବାକୁ ପ୍ରାୟ ସମସ୍ତେ ପସନ୍ଦ କରନ୍ତି। ତେବେ ଏହି କଳାକୁ ଏକ ଭିନ୍ନ ରୂପ ଦେଇଛନ୍ତି ରିଚମଣ୍ଡ, ଭର୍ଜିନିଆର ହିଲାରୀ ଓ୍ବାଟର୍ସ ଫେୟଲ ନାମକ ଜଣେ କଳାକାର। ସେ ଶୁଖିଲା ପତ୍ର ଉପରେ କରୁଛନ୍ତି ଏମ୍ବ୍ରୋଏଡରୀ। ଏଥିପାଇଁ ସେ ଶୁଖିଲା ପତ୍ର, ଛୋଟିଆ ଛୁଞ୍ଚତ୍ ଓ ସୂତା ବ୍ୟବହାର କରନ୍ତି। ଏହି କାମ ପାଇଁ ଅସୀମ ଧୈର୍ଯ୍ୟର ଆବଶ୍ୟକତା ରହିଥାଏ। କାରଣ ସତର୍କତାର ସହ ଏହି ସୂକ୍ଷ୍ମ କାମ ନ କଲେ ପତ୍ର ଛିଣ୍ଡି ଯିବାର ଆଶଙ୍କା ଥାଏ। ବେଶ୍ ନିଖୁଣ କାରିଗରିର ଝଲକ ଦେଖିବାକୁ ମିଳେ ତାଙ୍କର ଏହି ଲିଫ୍ ଏମ୍ବ୍ରୋଏଡରୀରେ।
