କାଲିଫର୍ନିଆ,୧୧।୧୧: ଆମେରିକାର ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପଙ୍କ ବିଜୟ ପରେ ଏକ୍ସ ମାଲିକ ଏଲନ ମସ୍କଙ୍କ ସମ୍ପତ୍ତିରେ ରେକର୍ଡ ବୃଦ୍ଧି ଘଟିଛି। ଏହି ସମୟରେ ମସ୍କ ଏମିତି କିଛି କରିଛନ୍ତି,ଯାହାକୁ ନେଇ ସେ ଚର୍ଚ୍ଚାକୁ ଆସିଛନ୍ତି। ଏଥର ମସ୍କ ଏକ ଜବରଦସ୍ତ ଚାକିରି ଅଫର ଆଣିଛନ୍ତି। ଏହି ଅଫର ଅନୁଯାୟୀ, ଆପଣ ପ୍ରତି ଘଣ୍ଟାରେ ୫୦୦୦ ଟଙ୍କା ରୋଜଗାର କରିପାରିବେ। ମସ୍କ ଆର୍ଟିଫିସିଆଲ ଇଣ୍ଟେଲିଜେନ୍ସ କମ୍ପାନୀ xAI ପାଇଁ ଭାରତରୁ ହିନ୍ଦୀ ଏବଂ ଇଂରାଜୀରେ କୁଶଳୀ ଦ୍ୱିଭାଷୀ ଶିକ୍ଷକ ନିଯୁକ୍ତି ଅଫର୍ ନେଇଛି। କମ୍ପାନୀ ଏହି ଟ୍ୟୁଟର୍ସମାନଙ୍କୁ ଘଣ୍ଟା ପ୍ରତି ୩୫ ରୁ ୬୫ ଡଲାର ଅର୍ଥାତ୍ ପ୍ରାୟ ୫,୫୦୦ ଟଙ୍କା ଦେଉଛି।
XAIରେ ଏହି ଶିକ୍ଷକମାନଙ୍କ କାର୍ଯ୍ୟ ଗୁଣବତ୍ତା ଉନ୍ନତି, ଲେବଲ ଡାଟା ପ୍ରସ୍ତୁତ କରିବା ଏବଂ ଭାଷା ଶିଖିବାରେ ସାହାଯ୍ୟ କରିବ। ଟେକ୍ନିକାଲ ରାଇଟିଙ୍ଗ୍, ଜର୍ନଲିଜମ୍ ଏବଂ ବିଜ୍ନେସ୍ ରାଇଟିଙ୍ଗ୍ରେ ଅଭିଜ୍ଞତା ରହିବା ଆବଶ୍ୟକ, ଯାହାଫଳରେ ଟ୍ୟୁଟର ଏଆଇ ପାଇଁ ଆବଶ୍ୟକ ତଥ୍ୟ ସଠିକ ଭାବରେ ପ୍ରସ୍ତୁତ କରିପାରିବ। ଏହି ଚାକିରି ସମ୍ବନ୍ଧୀୟ ସୂଚନା ପାଇଁ, ଜଣେ xAIର ଅଫିସିଆଲ ୱେବସାଇଟର କ୍ୟାରିଅର୍ ବିଭାଗ ପରିଦର୍ଶନ କରିପାରିବେ।
ଏହା ପୂର୍ବରୁ ମଧ୍ୟ କମ୍ପାନୀ ଏହାର ହ୍ୟୁମାନୋଇଡ ରୋବଟ, ଅପ୍ଟିମସ ଟ୍ରେନିଂ ଦେବା ପାଇଁ ଲୋକଙ୍କୁ ଖୋଜୁଥିଲା। କମ୍ପାନୀ ଏହି କାର୍ଯ୍ୟ ପାଇଁ ଘଣ୍ଟା ପ୍ରତି $୪୮ ଅର୍ଥାତ୍ ପ୍ରାୟ ୪,୦୦୦ ଟଙ୍କା ଦେଉଥିଲା । ଲୋକମାନେ ଏହି ଚାକିରିରୁ ପ୍ରତିଦିନ ୨୮,୦୦୦ ଟଙ୍କା ରୋଜଗାର କରୁଥିଲେ।
