ଖୋର୍ଦ୍ଧା,୧୫।୨(ପ୍ରଭାତ ପାଣିଗ୍ରାହୀ): ଖେର୍ଦ୍ଧା ବନଖଣ୍ଡ ଟାଙ୍ଗୀ ରେଜଂରେ କିଛି ଦିନ ହେଲା ଜଙ୍ଗଲୀ ହାତୀ ଓ ମଣିଷ ଲଢେଇ ଚାଲିଛି। କେତେବେଳେ ମଣିଷ ତ ଆଉ କେତବେଳେ ହାତୀର ଜୀବନ ଯାଉଛି।
ହାତୀର ଗତିବିଧି ଉପରେ ନଜର ରଖିବା ସହ ନିୟନ୍ତ୍ରଣ ପାଇ ବନ କର୍ମଚାରୀମାନେ ସଜାଗ ରହିଛନ୍ତି। ବନ କର୍ମଚାରୀ ଓ ଗଜ ସାଥି ରାସ୍ତାରେ ବୁଲୁଥିବା ବେଳେ ଜଙ୍ଗଲ ରେ ହାତୀର ମୃତ୍ୟୁ ପରେ ଗଳିତ ଶବ ଉଦ୍ଧାର ଘଟଣା ବନବିଭାଗର କାର୍ଯ୍ୟଦକ୍ଷତା ଉପରେ ପ୍ରଶ୍ନବାଚୀ ସଷ୍ଟି କରିଛି। ଏଭଳି ଏକ ଘଟଣା ଦେଖିବାକୁ ମିକିଛ ଖୋର୍ଦ୍ଧା ବନଖଣ୍ଡ ଟାଙ୍ଗୀ ରେଜଂ ପଟିଆ ସେକ୍ସନ କୁଶପଲ୍ଲା ଗାଁ ନିକଟ ଜଙ୍ଗଲରେ। ଏକ ହାତୀର ଗଳିତ ଶବ ଜଙ୍ଗଲରେ ପଡି ଦୁର୍ଗନ୍ଧ ହେଉଥିବା ଖବରପାଇ ଟାଗିଂ ବନ କର୍ମଚାରୀମାନେ ଘଟଣା ସ୍ଥଳକୁ ଯାଇଥିଲେ। ଘଟଣାସ୍ଥଳରେ ହାତୀର ଅସ୍ତି କଙ୍କାଳକୁ ଜବତ କରି ରଣପୁର ବ୍ଳକ ପ୍ରାଣୀଧନ ଅଧିକାରୀଙ୍କୁ ଡକାଇ ହାତୀ କଙ୍କାଳକୁ ପଞ୍ଚନାମା କରାଇବା ପରେ ହାତୀର ହାଡ଼ ସମୂହକୁ ପୋତି ଦେଇଥିବା ଜଣାପଡିଛି। ହାତୀ ମୃତ୍ୟୁର କାରଣ ଜଣା ପଡିନାହିଁ। ହାତୀକୁ ମାରି ଶିକାରି ଦାନ୍ତ ନେଇ ଯାଇଥିବା ଘଟଣା ଚର୍ଚ୍ଚା ହେଉଛି।
ବନ ବିଭାଗ ସୂଚନା ମୁତାବକ ହାତୀର କଙ୍କାଳ ଜବତ ସମୟରେ ଦାନ୍ତ ନ ଥିଲା। ପଞ୍ଚନାମା ରିପୋର୍ଟ ଆସିବା ପରେ ଜଣାପଡିବ। ହାତୀ ଆନୁମାନିକ ବୟସ 15ବର୍ଷ ହେବ। ହାତୀର ସ୍ୱଭାବିକ ମୃତ୍ୟୁ ନା ହତ୍ୟା ଜଣା ପଡିବ। ଜଙ୍ଗଲୀ ହାତୀ ସ୍ଥାନୀୟ ଅଂଚଳରେ ଉପଦ୍ରବ କରୁଥିବାରୁ କେହି ଶୀକାରୀ ଦାନ୍ତ ଲୋଭରେ ହାତୀ ଶିକାର କରିଥିବା ଆଲୋଚନା ସ୍ଥାନୀୟ ଅଂଚଳରେ ଆଲୋଚନା ହେଉଛି।
