ନିରାକାରପୁର,୧୩ା୧୨(ଡି.ଏନ୍.ଏ.): ଖୋର୍ଦ୍ଧା ଜିଲା ଟାଙ୍ଗୀ ବନାଞ୍ଚଳ ଅଧୀନସ୍ଥ ନିରାକାରପୁର ଚିତ୍ରକୂଟ ପାଦଦେଶରେ ଥିବା ପୂର୍ବତନ ସରପଞ୍ଚ ବିପିନ ଜୟସିଂହଙ୍କ ବଗିଚାରେ ଗତ ଶନିବାର ରାତିରେ ହାତୀପଲ ଉପଦ୍ରବ କରିଛନ୍ତି। ଖାଦ୍ୟ ଅନ୍ବେଷଣରେ ହାତୀପଲ ଆସି ବଗିଚାରେ ଥିବା ବିଭିନ୍ନ ଗଛକୁ ଖାଇ, ଭାଙ୍ଗି ନଷ୍ଟ କରି ଦେଇଛନ୍ତି। ପ୍ରକାଶଥାଉ କି, ଏହି ହାତୀପଲ ଟାଙ୍ଗୀ ବନାଞ୍ଚଳରୁ ଆସି ପ୍ରାୟ ସମୟରେ ଏହି ଗ୍ରାମରେ ଚାଷୀଙ୍କ ଧାନ ଫସଲ ଓ ପନିପରିବା ନଷ୍ଟ କରୁଥିବା ଅଭିଯୋଗ ହେଉଛି। ତେବେ ଶନିବାର ରାତିରେ ମଧ୍ୟ ପ୍ରଥମେ ଗ୍ରାମର କେତେଜଣ ଚାଷୀଙ୍କ ଜମିରେ ପଶି ଫସଲ ନଷ୍ଟ କରିଥିଲେ। ପରେ ବିପିନଙ୍କ ବଗିଚାରେ ପଶି ବିଭିନ୍ନ ଫଳ, ପନିପରିବା ଖାଇବା ସହ ଦଳିଚକଟି ନଷ୍ଟ କରି ଚାଲିଯାଇଥିଲେ। ବାରମ୍ବାର ଏହି ଅଞ୍ଚଳରେ ହାତୀପଲ ଆସି ବିଭିନ୍ନ ନଷ୍ଟ କରୁଥିବାରୁ ବିଭାଗୀୟ ଅଧିକାରୀମାନେ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।
