ମୋହନା, ୨୫।୧୦( ମନ୍ମଥ ମିଶ୍ର ): ଗଞ୍ଜାମ-ଗଜପତି ଜିଲା ସୀମାନ୍ତ ରା. ଉଦୟଗିରି ବ୍ଲକ ପୁରୁଣାପାଣି ପଞ୍ଚାୟତ କୁମୁଟିପଙ୍କାଳ ଗାଁରେ ବିଦ୍ୟୁତ ସମସ୍ୟା । ଗାଁରେ ବିଦ୍ୟୁତ ସଂଯୋଗ ପାଇଁ ଖୁଣ୍ଟ ପୋତା ଯାଇଥିଲେ ମଧ୍ୟ ବିଦ୍ୟୁତ ସଂଯୋଗ କରାଯାଉନାହିଁ । ଫଳରେ ବର୍ଷ ବର୍ଷ ଧରି ଅନ୍ଧାରରେ ରହୁଛନ୍ତି ଗ୍ରାମବାସୀ । ଆଲୋକ ବ୍ୟବସ୍ଥା ପାଇଁ ଗତ କିଛି ବର୍ଷ ତଳେ ପଞ୍ଚାୟତ ପକ୍ଷରୁ ସୋଲାର ଲାଇଟ ବ୍ୟବସ୍ଥା କରାଯାଇଥିଲା ।ହେଲେ ତାହା ମଧ୍ୟ କିଛି ଦିନ ଜଳିବl ପରେ ଖରାପ ହୋଇଯାଇଛି । ଫଳରେ ଅନ୍ଧାରରେ ରାତି କାଟୁଛନ୍ତି ବୋଲି ଅଭିଯୋଗ କରିଛନ୍ତି ଗ୍ରାମବାସୀ।
ଗ୍ରାମର ରବୀନ୍ଦ୍ର ମଲ୍ଲିକ,ରଂଜିତା ମଲିକ ଓ ଗ୍ରାମବାସୀ ଅଭିଯୋଗ କରିଛନ୍ତି ଯେ ଗତ ୫ ବର୍ଷ ତଳେ ଗାଁରେ ବିଦ୍ୟୁତ ସଂଯୋଗ ପାଇଁ ବିଦ୍ୟୁତ ବିଭାଗ ପକ୍ଷରୁ ଖୁଣ୍ଟ ପୋତା ଯାଇଛି । ହେଲେ ଏ ପର୍ଯ୍ୟନ୍ତ ବିଦ୍ୟୁତ ସଂଯୋଗ କରାଯାଇନାହିଁ । ଏଥିସହ ୫ ବର୍ଷ ତଳେ ପଞ୍ଚାୟତ ପକ୍ଷରୁ ସୋଲାର ଲାଇଟ ବ୍ୟବସ୍ଥା କରାଯାଇଥିଲା । ହେଲେ କିଛି ଦିନ ଜଳିବା ପରେ ସୋଲାର ବ୍ୟାଟେରୀ ଖରାପ ହୋଇ ପଡିଛି । ଫଳରେ ବର୍ଷ ବର୍ଷ ଧରି ଅନ୍ଧାରରେ ରହୁଥିବା କହିଛନ୍ତି ଗ୍ରାମବାସୀ । ବିଦ୍ୟୁତ ସଂଯୋଗ ପାଇଁ ସ୍ଥାନୀୟ ସରପଞ୍ଚ,ବିଡ଼ିଓ ଏବଂଜିଲ୍ଲପାଳ ଅଭିଯୋଗ ପ୍ରକୋଷ୍ଠ ରେ ବାରମ୍ବାର ଦାବି କରିଥିଲେ ମଧ୍ୟ କେହି ଗୁରୁତ୍ୱ ଦେଉନଥିବା କହିଛନ୍ତି ଗ୍ରାମବାସୀ । ଆଗାମୀ ଦିନରେ ଏହା କାର୍ଯ୍ୟକାରୀ ନ ହୁଏ ତେବେ ରାଜରାସ୍ତା ରେ ଧାରଣା ଦେବେବୋଲି ଚେତାବନୀ ଦେଇଛନ୍ତି । ଏହି ସମ୍ପର୍କରେ ବିଧାୟକ ଦାଶରଥି ଗମାଙ୍ଗ କହିଛନ୍ତି ବିଡ଼ିଓ, ଆରଡି ଏବଂ ବିଦ୍ୟୁତ ବିଭାଗ ର ଅଧିକାରୀ ଙ୍କ ସହ ଆଲୋଚନା କରାଯାଇଛି ମୋହନା ବିଧାନସଭା କ୍ଷେତ୍ର ର ସମସ୍ତ ଗାଁ ର ରାସ୍ତା ଏବଂ ବିଦ୍ୟୁତ ଯାହାକି ଲୋକଙ୍କ ମୌଳିକ ସୁବିଧା ପାଇବା ପାଇଁ ଅତିଶୀଘ୍ର ସମସ୍ୟାର ସମାଧାନ କରାଯିବ ବୋଲି ପ୍ରତିଶୃତି ଦେଇଛନ୍ତି।
