ଏକ୍ସପୋର୍ଟ କ୍ରେଡିଟ ଗ୍ୟାରେଣ୍ଟି କର୍ପୋରେସନ (ଇସିଜିସି) ପ୍ରୋବେସନାରୀ ଅଫିସର ପଦବୀରେ ନିଯୁକ୍ତି ପାଇଁ ସରକାରୀ ବିଜ୍ଞପ୍ତି ପ୍ରକାଶ ପାଇଛି। ନିର୍ଦ୍ଦିଷ୍ଟ ଯୋଗ୍ୟତା, ବେତନ, ଆବେଦନ ଶୁଳ୍କ ସହିତ ସମସ୍ତ ଆବଶ୍ୟକୀୟ ସୂଚନା ବିଜ୍ଞପ୍ତିରେ ଉପଲବ୍ଧ ରହିଛି। ଆଗ୍ରହୀ ପ୍ରାର୍ଥୀମାନେ ବିଜ୍ଞପ୍ତି ଡାଉନଲୋଡ କରିବାକୁ ଅଫିସିଆଲ ୱେବସାଇଟ ecgc.inକୁ ଯିବାକୁ ପଡିବ।
ପ୍ରୋବେସନାରୀ ଅଧିକାରୀ ପାଇଁ ମୋଟ ୫୯ଟି ପଦବୀରେ ପ୍ରାର୍ଥୀ ନିଯୁକ୍ତି ପାଇବେ। ମନୋନୀତ ପ୍ରାର୍ଥୀଙ୍କୁ ୩୨,୬୯୫ରୁ ୬୨,୩୧୫ ଟଙ୍କା ବେତନରେ ନିଯୁକ୍ତି ଦିଆଯିବ। ଅନଲାଇନ ଆବେଦନ ଜାନୁୟାରୀ ୧ ୨୦୨୧ରୁ ଆରମ୍ଭ ହୋଇଛି ଏବଂ ଆବେଦନର ଶେଷ ତାରିଖ ହେଉଛି ୨୦୨୧ ଜାନୁୟାରୀ ୨୧। ମାର୍ଚ୍ଚ ୧୪ ରେ ଅନଲାଇନ ପରୀକ୍ଷା କରାଯିବ। ଫଳାଫଳ ମାର୍ଚ୍ଚ ୩୧ ସୁଦ୍ଧା ପ୍ରକାଶ ପାଇବ।
ଯେକୌଣସି ଷ୍ଟ୍ରିମର ସ୍ନାତକ ପ୍ରାର୍ଥୀମାନେ ଏହି ପଦବୀରେ ନିଯୁକ୍ତି ପାଇଁ ଆବେଦନ କରିପାରିବେ। ଆବେଦନ ପାଇଁ ବୟସ ସୀମା ହେଉଛି ୨୧ରୁ ୩୧ ବର୍ଷ, ଯାହା ୩୧ଜାନୁୟାରୀ ୨୦୨୧ ଆଧାରରେ ଗଣନା କରାଯିବ। ଆବେଦନ କରିବାକୁ ଅସଂରକ୍ଷିତ ବର୍ଗର ପ୍ରାର୍ଥୀଙ୍କୁ ୭୦୦ ଟଙ୍କା ଦେବାକୁ ପଡିବ। ସଂରକ୍ଷିତ ବର୍ଗ ପ୍ରାର୍ଥୀଙ୍କ ପାଇଁ ଫି ୧୨୫ ଟଙ୍କା ହେବ।
