ଆଜିର ସମୟରେ ଲୋକମାନେ ସବୁଠୁ ଅଧିକ ହ୍ବାଟ୍ସଆପ୍ ବ୍ୟବହାର କରୁଛନ୍ତି। ଏହା ମାଧ୍ୟମରେ ମେସେଜ୍, ଅଡିଓ, ଭିଡିଓ, ଫାଇଲ୍ସ ମଧ୍ୟ ପଠାଉଛନ୍ତି। ବେଳେବେଳେ ଲୋକମାନେ ଅନ୍ୟମନସ୍କ ହେତୁ ଭୁଲ ମେସେଜ୍ ପଠାଇ ଦିଅନ୍ତି। ଆଉ ଏହି ମେସେଜ୍ ଡିଲିଟ୍ କରିବା ପାଇଁ ଅପଶନ ମଧ୍ୟ ରହିଛି। ମାତ୍ର ଆପଣଙ୍କ ନିକଟକୁ ଏମିତି କିଛି ମେସେଜ୍ ଆସିଥିବ। ଆଉ ପଠାଇଥିବା ଲୋକ ଏହାକୁ ଡିଲିଟ୍ କରି ଦେଇଥିବେ। ତେବେ ଏହା ସମ୍ପର୍କରେ ଜାଣିବା ପାଇଁ ଆପଣ ନିଶ୍ଚିତ ଚାହିଁବେ। ଆପଣ ଭାବୁଥିବେ ଡିଲିଟ୍ ହୋଇଥିବା ମେସେଜକୁ ପଢ଼ିପାରିବେ ନାହିଁ। ମାତ୍ର ଆପଣଙ୍କ ଭାବନା ଭୁଲ୍। ଏମିତି ଏକ କୌଶଳ ଅଛି,ଯାହାକୁ ଆପଣାଇଲେ ଡିଲିଟ୍ ହୋଇଥିବା ମେସେଜ୍କୁ ସହଜରେ ପଢ଼ିପାରିବେ। ଆସନ୍ତୁ ଜାଣିବା ଏ ସମ୍ପର୍କରେ…
ଆପଣଙ୍କୁ ପ୍ରଥମେ ଗୁଗୁଲ ପ୍ଲେ ଷ୍ଟୋରରୁ ହ୍ବାଟ୍ସ ରିମୁଭ୍ଡ ଆପ୍ ଡାଉନଲୋଡ୍ କରିବାକୁ ପଡ଼ିବ। ଏହା ପରେ ଆପ୍କୁ ଖୋଲି ଯାହା ପରମିଶନ ମାଗିବ ତାହା ଦିଅନ୍ତୁ। ଯେତେବେଳେ ସମସ୍ତ ପରମିଶନ ଗ୍ରାଣ୍ଟ ହୋଇଯିବ ସେତେବେଳେ ଆପ୍କୁ ଫେରନ୍ତୁ। ଆପଣଙ୍କୁ ପଚରାଯିବ ଯାହାଙ୍କ ନୋଟିଫିକେଶନ ଆପ୍ ସେଭ୍ କରିବାକୁ ଚାହୁଁଛନ୍ତି? ଏଥିରେ ଆପଣ ହ୍ବାଟ୍ସଆପ୍ ଚୟନ କରନ୍ତୁ। ଯଦି କେହି ମେସେଜ୍ ଡିଲିଟ୍ କରନ୍ତି ତ ଏହି ଆପ୍ରେ ତାହା ସେଭ୍ ବା ସଂରକ୍ଷିତ ହୋଇ ରହିବ। ପଢ଼ିବା ପାଇଁ ଏହି ଆପ୍କୁ ଖୋଲନ୍ତୁ ଏହା ପରେ ହ୍ବାଟ୍ସଆପ୍ ନୋଟିଫିକେଶନକୁ ଯାଆନ୍ତୁ। ଏବେ ସହଜରେ ଆପଣ ଡିଲିଟ୍ ହୋଇଥିବା ମେସେଜ୍ ପଢ଼ିପାରିବେ। ଯିଏ ମେସେଜ୍ ପଠାଇ ଡିଲିଟ୍ କରିଥିବେ ସେ ମଧ୍ୟ ଜାଣିପାରିବେନି ଆପଣ ତାଙ୍କ ମେସେଜ୍ ପଢ଼ିଛନ୍ତି କି ନାହିଁ। ମାତ୍ର ସତର୍କ ରହିବେ ଏହା ଦ୍ୱାରା ଆପଣଙ୍କ ଡାଟା ମଧ୍ୟ ଚୋରି ହୋଇପାରେ। ଯଦି ବହୁତ ଜରୁରୀ ତେବେ ଏପରି ଆପ୍ ଡାଉନ୍ଲୋଡ୍ କରନ୍ତୁ। ନଚେତ୍ ଅଣଦେଖା କରନ୍ତୁ।
