ମୁମ୍ବାଇ: କିଛିିଦିନ ହେବ ଖବର ଶୁଣିବାକୁ ମିଳୁଛି ଅଭିନେତ୍ରୀ ମଲାଇକା ଅରୋରା ଏବଂ ଅର୍ଜୁନ କପୁର ମା’-ବାପା ହେବାକୁ ଯାଉଛନ୍ତି। ଏହି ଖବର ଚାରିଆଡ଼େ ଚର୍ଚ୍ଚା। କିନ୍ତୁ ଅର୍ଜୁନ କପୁର ଏହାକୁ ନେଇ ପ୍ରଚଣ୍ଡ ରାଗି ଯାଇଛନ୍ତି। ଯାହାର ଜବାବ ଅର୍ଜୁନ ତାଙ୍କ ଇନ୍ଷ୍ଟାଗ୍ରାମରେ ଦେଇଛନ୍ତି।
ଅର୍ଜୁନ ମଲାଇକାଙ୍କ ପ୍ରେଗ୍ନାନ୍ସି ଖବରର ସ୍କ୍ରିନଶର୍ଟ ଶେୟାର କରି ଲମ୍ବାଚୌଡ଼ା ଏସ୍ଏମ୍ଏସ୍ ଲେଖିଛନ୍ତି। ଅଭିନେତା ସମ୍ପୃକ୍ତ ଓ୍ବେବ୍ସାଇଟ୍କୁ ଟ୍ୟାଗ କରି କହିଛନ୍ତି, ‘କେତେ ଦାୟିତ୍ୱହୀନତା ଭାବେ ଏଭଳି ଖବର ପ୍ରକାଶ କରି ଦିଆଯାଇଛି।
ଏହି ରିପୋର୍ଟରେ ମଲାଇକା ଗର୍ଭବତୀ ଥିବା କୁହାଯାଇଥିଲା। ମଲାଇକା ଓ ଅର୍ଜୁନ ଅକ୍ଟୋବରରେ ଲଣ୍ଡନ ଯାଇଥିଲେ, ଯେଉଁଠି ଉଭୟ ନିଜର ଜଣେ ଅନ୍ତରଙ୍ଗ ବନ୍ଧୁଙ୍କୁ ପ୍ରେଗ୍ନାନ୍ସି ସମ୍ପର୍କରେ ଜଣାଇଥିଲେ। ଏବେ ଅର୍ଜୁନ ଏହି ରିପୋର୍ଟ ଉପରେ କହିଛନ୍ତି, ସେ ପ୍ରାୟତଃ ଏହି ପ୍ରକାରର ଫେକ୍ ଆର୍ଟିକିଲ୍ସକୁ ଅଣଦେଖା କରନ୍ତି। କାରଣ କିଛି ଖବରଦାତା ଏପରି ମିଥ୍ୟା ଖବର ପ୍ରକାଶ କରନ୍ତି। କୌଣସି ସତ୍ୟତା ନ ଜାଣି।
ଅର୍ଜୁନ ଶେଷରେ ଲେଖିଛନ୍ତି, ‘ଆମ ବ୍ୟକ୍ତିଗତ ଜୀବନ ସହ ଖେଳିବାକୁ ସାହସ କରନାହିଁ’। ଅର୍ଜୁନଙ୍କ ଏଭଳି ପ୍ରତିକ୍ରିୟା ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ଅନ୍ୟପକ୍ଷରେ ଯେଉଁ ଓ୍ବେବ୍ସାଇଟ୍ରେ ଏପରି ଖବର ପ୍ରକାଶ ପାଇଥିଲା ସେଥିରୁ ତାହା ଡିଲିଟ୍ କରିଦିଆଯାଇଛି।
