ପାଇକମାଳ,୨୦।୧୦(ବଡ ଶତପଥୀ): ବରଗଡ଼ ଜିଲା ପାଇକମାଳର ବୋହୁ ତଥା ନୟନ ମେହେରଙ୍କ ସ୍ତ୍ରୀ ଡଲି ମେହେର ଓପିଏସ୍ସି ପରୀକ୍ଷାରେ କୃତିତ୍ୱ ଅର୍ଜନ କରିଛନ୍ତି। ଶନିବାର ପ୍ରକାଶ ପାଇଥିବା ଫଳାଫଳରେ ସେ ୧୩୩ ର଼୍ୟାଙ୍କରେ ରହିଛନ୍ତି।
ପାଇକମାଳ ଅଞ୍ଚଳରେ ପ୍ରଥମ କରି ଜଣେ ମହିଳା ଓପିଏସ୍ସି ପରୀକ୍ଷାରେ କୃତକାର୍ଯ୍ୟ ହୋଇଥିବାରୁ ତାଙ୍କ ପାଖକୁ ଶୁଭେଚ୍ଛାର ସୁଅ ଛୁଟୁଛି। ଏଥିସହ ପାଇକମାଳ ଅଞ୍ଚଳରେ ମଧ୍ୟ ଖୁସିର ମାହୋଲ ଦେଖାଯାଇଛି।
ରବିବାର ପାଇକମାଳର ଖବରଦାତାମାନେ ତାଙ୍କ ବାସଭବନକୁ ଯାଇ ଡଲି ମେହେରଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ। ଡଲି ତାଙ୍କ ସଫଳତାର ଶ୍ରେୟ ସ୍ବାମୀ, ମା’ ବାପା, ଶାଶୁ ଶ୍ୱଶୁର ଓ ପରିବାର ଲୋକଙ୍କୁ ଦେଇଛନ୍ତି। ଭବିଷ୍ୟତରେ ସରକାର ଯେଉଁ ଅଞ୍ଚଳର ଦାୟିତ୍ୱ ଦେବେ ସେଠାକାର ଉନ୍ନତି ଓ ଜନସାଧାରଣଙ୍କ ସୁବିଧା ପାଇଁ କାମ କରିବେ ବୋଲି ସେ କହିଛନ୍ତି।
ଏହି ସମୟରେ ଖବରଦାତା ବଡ଼ ଶତପଥୀ, ସୁରଥ ସାହୁ, ଧୀରେନ ମହାନ୍ତି, ମାନସ ରଞ୍ଜନ ନାୟକ, କୁଞ୍ଜ ସାହୁ, ଦୁର୍ଯ୍ୟୋଧନ ପୁଟା, ସୋମେଶ ମହାନ୍ତି ଓ ଆଦର୍ଶ ନାଥ, ଡଲିଙ୍କ ପିତା ଲିଙ୍ଗରାଜ ମେହେର, ଶ୍ୱଶୁର ଉମେଶ ମେହେର ଏବଂ ପରିବାର ଲୋକେ ଉପସ୍ଥିତ ଥିଲେ ।
