ନୂଆଦିଲ୍ଲୀ,୭।୮: ପୂର୍ବରୁ ଏଲ୍ପିଜି ସଂଯୋଗ ପାଇବା ଏକ ସମୟରେ କଷ୍ଟସାଧ୍ୟ ଥିଲା। କିନ୍ତୁ ବର୍ତ୍ତମାନ ଏହା ସହଜ ହୋଇଯାଇଛି। ଯଦି ଆପଣଙ୍କ ପାଖରେ ପୂର୍ବରୁ ଏକ ଗ୍ୟାସ କନେକ୍ସନ ଅଛି, ତେବେ ଆପଣ ସେହି ଆଧାରରେ ଅନ୍ୟ ଏକ କନେକ୍ସନ ସୁବିଧା ମଧ୍ୟ ନେଇପାରିବେ। ଦ୍ୱିତୀୟ କନେକ୍ସନ ପାଇବାକୁ ହେଲେ ଆଧାର କାର୍ଡ ଏବଂ କନେକ୍ସନ କାଗଜର ଏକ ନକଲ ଗ୍ୟାସ ଏଜେନ୍ସିରେ ଦାଖଲ କରିବାକୁ ପଡିବ। ଭାରତୀୟ ତୈଳ ନିଗମ (ଆଇଓସି) ଅନୁଯାୟୀ, ଦେଶର ପ୍ରତି ଅଞ୍ଚଳର ଗ୍ୟାସ୍ ଉପଭୋକ୍ତାଙ୍କୁ ଏହି ସୁବିଧା ଯୋଗାଇ ଦିଆଯିବ। ପ୍ରଥମ ଗ୍ୟାସ କନେକ୍ସନ ପରି ଅନ୍ୟ କନେକ୍ସନରେ ସବସିଡିର ସୁବିଧା ମିଳି ପାରିବ। ଗ୍ୟାସ କନେକ୍ସନକୁ ଆଧାର ସହିତ ସଂଯୋଗ କରାଯାଇଥିବାରୁ ତ୍ରୁଟିର ଆଶଙ୍କା କମ୍ ରହୁଛି। ତେଣୁ ସମାନ ଠିକଣାରେ ସରକାର ଏକାଧିକ ଗ୍ୟାସ କନେକ୍ସନର ସୁବିଧା ପ୍ରଦାନ କରିବା ଲାଗି ନିଷ୍ପତ୍ତି ଗ୍ରହଣ କରିଛନ୍ତି। ସମାନ ଠିକଣାରେ, ଯଦି ଆପଣଙ୍କର ମାତାପିତା, ଭାଇଭଉଣୀଙ୍କ ନାମରେ ପୂର୍ବରୁ ଏକ ଗ୍ୟାସ କନେକ୍ସନ ଅଛି, ତେବେ ଆପଣ ମଧ୍ୟ ଏହି ଠିକଣାରେ ଅନ୍ୟକନେକ୍ସନ ମଧ୍ୟ ନେଇପାରିବେ। ପାଖରେ ଥିବା ପୁରୁଣା କନେକ୍ସନ ସହିତ ଆପଣଙ୍କୁ ଏହାର ଡକ୍ୟୁମେଣ୍ଟ ଦାଖଲ କରିବାକୁ ପଡିବ। ଠିକଣା ଯାଞ୍ଚ ପରେ, ଆପଣଙ୍କୁ ନୂଆ ଗ୍ୟାସ କନେକ୍ସନ ଯୋଗାଇ ଦିଆଯିବ। ଏହିପରି ଗ୍ୟାସ ସଂଯୋଗ ମଧ୍ୟ ପ୍ରଧାନ ମନ୍ତ୍ର ଉଜ୍ୱଳା ଯୋଜନା ଅନ୍ତର୍ଗତ ମଧ୍ୟ ଏହି ସୁବିଧା ମିଳିପାରିବ। ଜୈଳ ମାର୍କେଟିଂ କମ୍ପାନୀଗୁଡିକ ଦ୍ୱାରା ଏହି ସୁବିଧା ଯୋଗାଇ ଦିଆଯାଉଛି। ଏଥିପାଇଁ ଉପଭୋକ୍ତାଙ୍କୁ କୌଣସି ଠିକଣା ପ୍ରମାଣ ଦାଖଲ କରିବାର ଆବଶ୍ୟକତା ନାହିଁ। କେବଳ ଏକ ନୂତନ କନେକ୍ସନ ପାଇଁ ଆବେଦନ କରିବାକୁ ପଡିବ ଏବଂ ଯାଞ୍ଚ ପରେ କନେକ୍ସନ ଯୋଗାଇ ଦିଆଯିବ।
