ଇଣ୍ଡୋନେସିଆ,୧।୧୦: ବହୁତ ସମୟରେ ମଣିଷ ମାନଙ୍କର ଅଜବ ହରକତ ଦେଖିବାକୁ ମିଳେ। ନିଜର ଅଜବ ହରକତ ଯୋଗୁ ଏବେ ଜଣେ ବ୍ୟକ୍ତି ଭାଇରାଲ ହେବାରେ ଲାଗିଛନ୍ତି। ଇଣ୍ଡୋନେସିଆର ଖୋଇରୁଲ ଆନାମ ନାମକ ଜଣେ ବ୍ୟକ୍ତି ରାଇସକୁକର୍କୁ ବିବାହା ହୋଇ ପୁଣି ୪ ଦିନ ପରେ ଡିଭୋର୍ସ ଦେଇ ସୋସିଆଲ ମିଡିଆରେ ଚର୍ଚ୍ଚାକୁ ଆସିଛନ୍ତି।
ଗତ ସପ୍ତାହରେ ସେ ରାଇସକୁକର୍କୁ ବିବାହ ହେବାର କିଛି ଫଟୋ ଫେସବୁକରେ ଶେୟାର କରିଥିଲେ। ସେଥି ମଧ୍ୟରୁ ଗୋଟିଏ ଫଟୋରେ ସେ ରାଇସକୁକର୍କୁ କିସ୍ କରୁଥିବାର ଦେଖିବାକୁ ମିଳିଛି। ବାହାଘର ପାଇଁ ବ୍ୟକ୍ତିଜଣକ ନିଜକୁ ଫ୍ୟାନ୍ସି ଗେଟ୍ଅପ୍ରେ ପ୍ରସ୍ତୁତ କରିବା ସହ ତାକୁ ମଧ୍ୟ ଧଳା ପରଦାରେ ଘୋଡ଼ାଇ ନୂଆବୋହୂ ପରି ସଜାଇଥିଲେ। ଶେୟାର ହୋଇଥିବା ଫଟୋ ମଧ୍ୟରେ ସେ ବାହାଘର କାଗଜରେ ସାଇନ୍ କରୁଥିବା ଦେଖିବାକୁ ମିଳିଛି। ତେବେ ରାଇସକୁକର୍କୁ ବିବାହା ହେବାର କାରଣ ମଧ୍ୟ ସେ ଜଣାଇଛନ୍ତି। ସେ କହିଛନ୍ତି, ତାଙ୍କ ରାଇସକୁକର୍ ଗୋରା, ଆଜ୍ଞାଧୀନ ଓ ରୋଷେଇରେ ସାହାଯ୍ୟ ମଧ୍ୟ କରନ୍ତି। ଫଟୋଗୁଡ଼ିକୁ ୧୦,୦୦୦ ସୋକ ଲାଇକ୍ କରିବା ସହ ୧୨୦୦ କମେଣ୍ଟ ମଧ୍ୟ ମିଳିଛି। ମାତ୍ର ବାହାଘରର ୪ଦିନ ପରେ ସେ ରାଇସକୁକର୍କୁ ଡିଭୋର୍ସ ଦେଇଛନ୍ତି। କହିଛନ୍ତି ଏହା କେବଳ ରୋଷେଇ ପାଇଁ ପ୍ରଯୁଜ୍ୟ। ମିଷ୍ଟର ଆନମ୍ ଇଣ୍ଡୋନେସିଆର ଜଣେ ହାସ୍ୟ ଅଭିନେତା ଭାବରେ ଜଣାଶୁଣା। ଏହି ସବୁ କେବଳ ସୋସିଆଲ ମିଡିଆରେ ଏଣ୍ଚରଟେନମେଣ୍ଟ ପାଇଁ ସେ ଏମିତି କରିଥିବା ଲୋକାଲ ରିପୋର୍ଟରୁ ଜଣାପଡ଼ିଛି।
