ନୂଆପଡ଼ା ଅଫିସ,୧।୩: ନୂଆପଡା ଜିଲା ମୁଖ୍ୟ ଚିକିତ୍ସାଳୟ ପ୍ରାଙ୍ଗଣରେ ଆଶା ଓ ଗାଁ କଲ୍ୟାଣ ସମିତିର ଜିଲାସ୍ତରୀୟ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଜିଲା ମୁଖ୍ୟ ସ୍ବାସ୍ଥ୍ୟ ଓ ଜନସ୍ବାସ୍ଥ୍ୟ ଅଧିକାରୀ ଡ.ଚୌଧୁରୀ ଶୋଭାରାଣୀ ମିଶ୍ରଙ୍କ ଅଧ୍ୟକ୍ଷତାରେ ଜିଲା ପରିଷଦ ଅଧ୍ୟକ୍ଷା ଡଲି ମାଝି, ଜିଲା ପରିଷଦ ଉପାଧ୍ୟକ୍ଷ ଦୀପିକା କୌଶଲ୍ୟା, ଜିଲାପାଳ ହେମକାନ୍ତ ସାଏ, ଆରକ୍ଷୀ ଧୀକ୍ଷକ ଜିଆର ରାଘବେନ୍ଦ୍ର, ଜିଲା ମୁଖ୍ୟ ନିର୍ବାହୀ ଅଧିକାରୀ ମଧୁଛନ୍ଦା ସାହୁ, ଜିଲା ସମାଜ ମଙ୍ଗଳ ଅଧିକାରୀ ମନକୁମାରୀ ଲମ୍ବୁ, ଡିପିଏମ ଦିଲୀପ ଦୁବେ ଅତିଥି ଭାବେ ଯୋଗଦେଇ ଉଦଘାଟନ କରିଥିଲେ। ସମ୍ମିଳନୀରେ ଆଶା କର୍ମୀମାନଙ୍କ କାର୍ଯ୍ୟଦକ୍ଷତା ଉପରେ ଅତିଥିମାନେ ପ୍ରଶଂସା କରିଥିଲେ। ଆଶାମାନଙ୍କ କାର୍ଯ୍ୟ ଦକ୍ଷତା ଉପରେ ନିରୀକ୍ଷଣ କରି ପୁରସ୍କୃତ କରିଥିଲେ। ସର୍ବଶ୍ରେଷ୍ଠ ବା ପ୍ରଥମ ଭାବେ ଲକ୍ଷ୍ମୀ ଦଣ୍ଡସେନାଙ୍କୁ ପୁରସ୍କୃତ ହୋଇଥିବା ବେଳେ କୁମୁଦିନୀ ନାୟକ, ଯମୁନା ରାଉତ ଦ୍ୱିତୀୟ ଓ ସରୋଜୀନି ନାୟକ ତୃତୀୟ ସ୍ଥାନ ଅଧିକାର କରି ପୁରସ୍କୃତ ହୋଇଥିଲେ। ସେହିପରି ପିପିଆଇ ଇଉସିଡିଓ ଅସ୍ତ୍ରୋପଚାର କ୍ଷେତ୍ରରେ ଧନମତୀ ତାଣ୍ଡି, ତୁଳସେ ହନସ ଓ ଅହଲ୍ୟା କାନ୍ତ ଶ୍ରେଷ୍ଠ ଆଶା ଭାବେ ପୁରସ୍କୃତ ହୋଇଥିଲେ। ଶ୍ରେଷ୍ଠ ଗାଁ କଲ୍ୟାଣ ସମିତି ପାଇଁ ପ୍ରତ୍ୟେକ ବ୍ଲକରୁ ଗୋଟିଏ ଲେଖାଏ ଗାଁ କଲ୍ୟାଣ ସମିତିକୁ ପୁରସ୍କୃତ କରାଯାଇଥିଲା। ଜିଲାରେ ଶିଶୁ ମୃତ୍ୟୁହାର ଓ ମାତୃ ମୃତ୍ୟୁହାର ରୋକିବାରେ ପାଇଁ ଆଶାକର୍ମୀ, ଅଙ୍ଗନୱାଡି ଓ ଗାଁ କଲ୍ୟାଣ ସମିତି ଭୂମିକା ଅନନ୍ୟା ସମସ୍ତେ ତୃଣମୂଳସ୍ତରରେ ନିଜ କ୍ଷେତ୍ରରେ ଭଲ କାମ କରି ପ୍ରଶଂସିତ ହୋଇଛନ୍ତି।
