ଭୁବନେଶ୍ୱର,୯ା୯: ସ୍ଥାନୀୟ ବୁଦ୍ଧମନ୍ଦିର ପରିସରରେ ଓଡ଼ିଶା ସାହିତ୍ୟ ଏକାଡେମୀ ଓ ବଉଳଫୁଲ ଶିଶୁ ସାହିତ୍ୟ ସଂସଦର ମିଳିତ ଆନୁକୂଲ୍ୟରେ ବିଶିଷ୍ଟ ଶିଶୁ ସାହିତି୍ୟକ ତଥା ‘ଗାଁ ଭୂଇଁ’ ପତ୍ରିକାର ସମ୍ପାଦକ ସ୍ବର୍ଗତ ବୀରକିଶୋର ପାଢ଼ୀଙ୍କ ସ୍ମୃତି ସଭା ଅନୁଷ୍ଠିତ ହୋଇଯାଇଛି।
ଓଡ଼ିଶା ସାହିତ୍ୟ ଏକାଡେମୀର ସହ ସଚିବ ସଞ୍ଜୟ କୁମାର ଛୁଆଳସିଂହ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ସମ୍ମାନାର୍ଥେ ତାଙ୍କୁ ’ବ୍ୟାସଭାରତୀ’ ସମ୍ମାନରେ ସମ୍ବର୍ଦ୍ଧିତ କରାଯାଇଥିଲା।
କେନ୍ଦ୍ର ବାଲ୍ ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଶିଶୁ ସାହିତି୍ୟକ ଡ. ରାଜକିଶୋର ପାଢ଼ୀ ସଭାପତିତ୍ୱ କରି ଓଡ଼ିଆ ଶିଶୁ ସାହିତ୍ୟର ଅତୀତ, ବର୍ତ୍ତମାନ ଓ ଭବିଷ୍ୟତ ଉପରେ ଆଲୋକପାତ କରିଥିଲେ।
ମୁଖ୍ୟ ଅତିଥି ଡ. କୃତ୍ତିବାସ ନାୟକ, ସମ୍ମାନିତ ଅତିଥି ବିମଳା ସିଂହ, ମୁଖ୍ୟବକ୍ତା ଡ. ଚକ୍ରଧର ଦାଶ ପ୍ରମୁଖ ଯୋଗଦେଇ ସ୍ବର୍ଗତ ପାଢ଼ୀଙ୍କ ସାହିତ୍ୟ କୃତି, ଗ୍ରାମୀଣ ସଂସ୍କୃତି ଓ ଶିକ୍ଷାଜଗତକୁ ତାଙ୍କର ଯୋଗଦାନ ବିଷୟରେ ଆଲୋଚନା କରିଥିଲେ।
କବୟିତ୍ରୀ ବ୍ରଜେଶ୍ୱରୀ ସିଂହଙ୍କ ସମ୍ପାଦକୀୟ ବିବରଣୀ ପାଠ ସହ ତାଙ୍କ ରଚିତ ଶିଶୁ କବିତା ପୁସ୍ତକ ‘କୋଇଲି ଗାଉଛି ଗୀତ’ ଉନ୍ମୋଚିତ ହୋଇଥିଲା। ସାହିତି୍ୟକ ଚନ୍ଦ୍ରକାନ୍ତ ପଣ୍ଡା ମଞ୍ଚ ପରିଚାଳନା କରିଥିଲେ।
ପ୍ରଥମ ଅଧିବେଶନରେ ମନୋଜ କୁମାର ଜେନାଙ୍କ ସଭାପତିତ୍ୱ, ଡ. ପ୍ରଶାନ୍ତ ସ୍ବାଇଁ ଓ ବସନ୍ତ ମାଝୀଙ୍କ ଆତିଥ୍ୟ ଏବଂ ପ୍ରଦ୍ୟୁମ୍ନ ପଟ୍ଟନାୟକଙ୍କ ସଂଯୋଜନାରେ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା। ଏଥିରେ ଗାୟତ୍ରୀ ଦାଶ, ଡ.ପ୍ରବୀଣା ପରିଡା, ଉମାକାନ୍ତ ପୃଷ୍ଟି, ଜୟଶ୍ରୀ ପଟ୍ଟନାୟକ, ଅସୀମ ପାଢ଼ୀ, ଶକୁନ୍ତଳା ଦାଶ, ବିନୋଦ ବିହାରୀ ମହାରଣା ମହାରଣାଙ୍କ ସମେତ ୬୦ରୁ ଊର୍ଦ୍ଧ୍ୱ କବି/କବୟିତ୍ରୀ ଶିଶୁ କବିତା ପାଠ କରିଥିଲେ। ଶେଷରେ ଗାୟତ୍ରୀ ଦାସ ଧନ୍ୟବାଦ ଅର୍ପଣ କରିଥିଲେ।
