ସୋରଡ଼ା,୧୮ା୧୧(ଡି.ଏନ୍.ଏ.): ଗଞ୍ଜାମ ଜିଲା ସୋରଡ଼ା ସହରରେ ବହୁ ପ୍ରତୀକ୍ଷିତ ଡିଜିଟାଲ ଡୋର୍ ନମ୍ବର (DDN) ବ୍ୟବସ୍ଥାକୁ କାର୍ଯ୍ୟକାରୀ କରିବା ପାଇଁ ସୋରଡ଼ା ଏନ୍ଏସି ଓ୍ବାର୍ଡ ଅନୁଯାୟୀ ସର୍ଭେ ଆରମ୍ଭ କରିଛି। ନୂତନ ସିଷ୍ଟମରେ, ପ୍ରତ୍ୟେକ ଘରକୁ ୧୪ ଅଙ୍କ ବିଶିଷ୍ଟ ଆଲଫାନୁମେରିକ କୋଡ୍ ଦିଆଯିବ, ଯେଉଁଥିରେ ପ୍ରଥମ ଠିକଣାର ପରିଚୟ ନମ୍ବର ଭାବରେ ଘରର ସଠିକ ସ୍ଥାନ ବିଷୟରେ ଏହାର ଠିକଣା, ନିକଟସ୍ଥ ଲ୍ୟାଣ୍ଡମାର୍କ, ସବ-ରୋଡ ଏବଂ ମୁଖ୍ୟ ରାସ୍ତାର କୋଡେଡ ବିବରଣୀ ରହିଛି। ଏହା ଉଭୟ ଆବାସିକ ଘର ଏବଂ ବ୍ୟବସାୟିକ ସମ୍ପତ୍ତି ପାଇଁ ପ୍ରଯୁଜ୍ୟ ହେବ।
ଏନ୍ଏସି କାର୍ଯ୍ୟ ନିର୍ବାହୀ ଅଧିକାରୀ ଦୂତିକୃଷ୍ଣ ପାତ୍ର କହିଛନ୍ତି, ଘର କିମ୍ବା ବାଣିଜି୍ୟକ ପ୍ରତିଷ୍ଠାନର ସଠିକ ଠିକଣା ଖୋଜିବାରେ ଡିଡିଏନ୍ ସିଷ୍ଟମ ଟ୍ୟାକ୍ସ ଏବଂ ବାଣିଜ୍ୟ ଲାଇସେନ୍ସ ଫି ଧାରଣ ଭଳି ରାଜସ୍ବ ସଂଗ୍ରହକୁ ବୃଦ୍ଧି କରିବାରେ ସହାୟକ ହେବ। ଡିଫଲ୍ଟ ଟ୍ୟାକ୍ସଦାତାମାନଙ୍କୁ ଚିହ୍ନଟ କରିବା ଏବଂ ନାଗରିକ ସମସ୍ୟାର ସମାଧାନ କରିବାରେ ମଧ୍ୟ ଏହି ବ୍ୟବସ୍ଥା ସହାୟକ ହେବ ବୋଲି ସେ କହିଛନ୍ତି। ପ୍ରତି ଘରକୁ ଗୋଟିଏ ଗୋଟିଏ କୋଡ୍ ପ୍ଳେଟ ଯୋଗାଇଦିଆଯିବ। ଉକ୍ତ ବ୍ୟବସ୍ଥା ପ୍ରତି ଘରେ ପହଞ୍ଚିଲା ପରେ ଉଭୟ ଜନସାଧାରଣ ଓ ଏନ୍ଏସିକୁ ବହୁ ସୁବିଧା ହେବ ବୋଲି କୁହାଯାଇଛି।
ଯଦି କୌଣସି ବାସିନ୍ଦା ଜଳ ନିଷ୍କାସନ, ଆବର୍ଜନା ସଂଗ୍ରହ ଇତ୍ୟାଦି ସମ୍ବନ୍ଧୀୟ ଅଭିଯୋଗ କରନ୍ତି, ତେବେ ଏନ୍ଏସି ଅଧିକାରୀମାନେ ସହଜରେ ସ୍ଥାନ ଚିହ୍ନଟ କରିପାରିବେ ଏବଂ ସିଷ୍ଟମ ବ୍ୟବହାର କରି ଘଟଣାସ୍ଥଳରେ ପହଞ୍ଚି ପାରିବେ। ଆମେ ସର୍ଭେ ଆରମ୍ଭ କରିଛୁ ଏବଂ ବର୍ତ୍ତମାନ ସୁଦ୍ଧା ୧୦୦ରୁ ଅଧିକ ଘର ଏବଂ ବ୍ୟବସାୟ ପ୍ରତିଷ୍ଠାନକୁ ଆବଦ୍ଧ କରାଯାଇଛି। ଦାୟିତ୍ୱ ନେଇଥିବା ସଂସ୍ଥା ତରଫରୁ ମଙ୍ଗଳବାରଠାରୁ ସର୍ଭେ ଆରମ୍ଭ ହୋଇଛି। ଡିସେମ୍ବର ସୁଦ୍ଧା ଏହି ସର୍ଭେ କାର୍ଯ୍ୟ ଶେଷ ହେବ ବୋଲି ଏନ୍ଏସି କାର୍ଯ୍ୟ ନିର୍ବାହୀ ଅଧିକାରୀ ଦୂତିକୃଷ୍ଣ ପାତ୍ର କହିଛନ୍ତିି।
