ନୂଆଦିଲ୍ଲୀ,୧୬।୧୨: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ଏଆଇଏମ୍ଆଇଏମ୍ ଅଧ୍ୟକ୍ଷ ଅସାଦୁଦ୍ଦିନ ଓଓ୍ବାଇସିଙ୍କ ମଧ୍ୟରେ ବାକ୍ ଯୁଦ୍ଧ ନେଇ ଏବେ ଦେଶବ୍ୟାପି ଚର୍ଚ୍ଚା ଜାରି ରହିଛି। ପଶ୍ଚିମବଙ୍ଗରେ ବିଧାନସଭା ନିର୍ବାଚନ ଲଢ଼ିବା ନେଇ ଓଓ୍ବାଇସି ଘୋଷଣା କରିଥିଲେ। ଏହାକୁ ନେଇ ମମତା କହିଥିଲେ ଯେ, ମୁସଲମାନ୍ ଭୋଟ ବିଭାଜ କରିବା ପାଇଁ ଭାଜପା ଓଓ୍ବାଇସିଙ୍କୁ କୋଟି କୋଟି ଟଙ୍କାର ଦେଉଛି। ତେଣୁ ଓଓ୍ବାଇସି ଏଭଳି କରୁଛନ୍ତିି। ବିହାରରେ ଓଓ୍ବାଇସିଙ୍କ ଯୋଗୁ ଭାଜପା ମେଣ୍ଟ ସରକାର ଗଠନ ହୋଇଛି। ଏବେ ଭାଜପା ଓଓ୍ବାଇସିଙ୍କୁ ପଶ୍ଚିମବଙ୍ଗ ମୁହାଁ କରିଛି। ତେବେ ମମତାଙ୍କ ଏଭଳି ମନ୍ତବ୍ୟ ନେଇ ଓଓ୍ବାଇସି କ୍ଷୁବ୍ଧ ହୋଇଛନ୍ତି। ସେ କହିଛନ୍ତି ଯେ,ଓଓ୍ବାଇସିକୁ କିଣିବା ଭଳି କେହି ଜନ୍ମ ହୋଇ ନାହାନ୍ତି। ତାଙ୍କ ଦଳ ଦେଶର ଜନସାଧାରଣଙ୍କକ ସେବା କରୁଥିବା ସେ କହିଛନ୍ତି। ମମତା ନିଜ ଘରକୁ ନେଇ ଚିନ୍ତା କରିବା ଆବଶ୍ୟକ ବୋଲି ଲକ୍ଷ୍ନୌରେ ଆୟୋଜିତ ଏକ ଗଣମାଧ୍ୟମ ସମ୍ମିଳନୀରେ ଓଓ୍ବାଇସି କହିଛନ୍ତି। ତୃଣମୂଳ କଂଗ୍ରେସର ବହୁ ନେତା ଏବେ ଘରଛାଡ଼ି ଭାଜପା ଶିବିର ମୁହାଁ ହେଉଛନ୍ତି। ଏହାଯୋଗୁ ମମତା ମାନସିକ ଭାରସାମ୍ୟ ହରାଇ ବସିଥିବା ସେ କହିଛନ୍ତି।
