ନୂଆପଡା,୧୪।୧୦(ମକାରୁ ବେମାଳ): ଜୟ ଢୋଲକିଆ ଭୁବନେଶ୍ୱର ଭାଜପା କାର୍ଯ୍ୟାଳୟରେ ଯୋଗଦେଇ ସାମିଲ ହୋଇ ଫେରିଲା ପରେ ଖରିଆର ରୋଡ ନିଜ ବାସ ଭବନ ଠାରେ ବିପୁଳ ସ୍ୱାଗତ କରାଯାଇଛି। ନୂଆପଡା ପୂର୍ବତନ ବିଧାୟକ ସ୍ବର୍ଗତ ରାଜେନ୍ଦ୍ର ପ୍ରସାଦ ଢୋଳକିଆଙ୍କ ବିୟୋଗ ପରେ ଉପ ନିର୍ବାଚନ ହେବାକୁ ଯାଉଛି । ଆସନ୍ତା ୧୧ ରେ ନିର୍ବାଚନ ହେବ । ସ୍ବର୍ଗତ ଢୋଲକିଆଙ୍କ ବିୟୋଗ ପରେ ତାଙ୍କ ପୁତ୍ର ଜୟ ଢୋଲକିଆଙ୍କୁ ବିଜେଡି ପ୍ରାର୍ଥୀ କରିବା ପାଇଁ ସ୍ପଷ୍ଟ ହୋଇ ଥିଲେ ମଧ୍ୟ ଜୟ ଭାଜପାରେ ଯୋଗଦାନ କରିଛନ୍ତି । ଭାଜପା ଜୟଙ୍କୁ ଗ୍ରୀନ ସିଙ୍ଗନାଲ ମଧ୍ୟ ଦେଇଛି। ଜୟ ଭାଜପା ଯୋଗଦାନ ପରେ ବିଜେଡି କୁ ଶକ୍ତ ଧକ୍କା ଲାଗିଛି । ଆସନ୍ତା ୧୬ ରେ ନୂଆପଡାରେ ମହା ସମାବେଶ ହେବ । ଏଥିରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗ ଦେଇ ପ୍ରାର୍ଥୀ ଘୋଷଣା କରିଲା ପରେ ପ୍ରାର୍ଥୀପତ୍ର ଦାଖଲ ହେବ । ବର୍ତମାନ କାହାକୁ ଭାଜପା ପ୍ରାର୍ଥୀ କରିବ ଘୋଷଣା କରାଯାଇ ନାହିଁ । ଜୟ ଭାଜପା ସାମିଲ ହେବା ଠାରୁ ଉଭୟ ଭାଜପା ଓ ବିଜେଡ଼ି ଦଳର ଅଶାନ୍ତି ଦେଖା ଯାଇଛି । ଢୋଲକିଆଙ୍କ ଅନୁସାରେ ଯେଉଁମାନେ କର୍ମକର୍ତ୍ତା ଭାବରେ ରହିଥିଲେ । ସେମାନେ ଜୟଙ୍କୁ ସମର୍ଥନ ଜଣାଇ ବିଜେଡି ଛାଡୁଛନ୍ତି । ଏହାର ଜ୍ୱଳନ୍ତ ଉଦାହରଣ ସିଆଳଟି ସରପଂଚ କାଳିଆ ପ୍ରଧାନ ବିଜେଡିର ଜିଲ୍ଲା ସାଧାରଣ ସମ୍ପାଦକ ଭାବରେ ଦାୟିତ୍ଵ ନିର୍ବାହ କରୁଥିଲେ । ସେ ଜୟ ଘରକୁ ପ୍ରତ୍ୟାବର୍ତ୍ତନ ପରେ ଦଳରୁ ଇସ୍ତଫା ଦେଇଛନ୍ତି । ତାଙ୍କ ଇସ୍ତଫା ପତ୍ର ବିଜେଡି ଜିଲା ସଭାପତି ଅବନୀ ରଞ୍ଜନ ଯୋଶୀଙ୍କୁ ପ୍ରଦାନ କରିଛନ୍ତି । ଯେଉଁମାନେ ପ୍ରକୃତ ବିଜେଡି ସେମାନେ ସଂଗଠନ ସଜାଡ଼ିବାରେ ଲାଗିଛନ୍ତି । ଆସନ୍ତା ୧୬ରେ ଜଣା ପଡ଼ିବ କିଏ ଢୋଲକିଆ କର୍ମୀ ଓ ବିଜେଡି କର୍ମୀ ।
Dharitri – The Largest & Most Trusted Odia Daily
