ନୂଆଦିଲ୍ଲୀ,୧୧।୫: ଭାରତ-ପାକିସ୍ତାନ ଉତ୍ତେଜନା ଏବଂ ଅପରେଶନ ସିନ୍ଦୂର ଉପରେ ରବିବାର ସାରେ ଭାରତୀୟ ସେନା ପକ୍ଷରୁ ଖବରଦାତା ସମ୍ମିଳନୀ ହୋଇଥିଲା। ଶିବ ତାଣ୍ଡବ ଧ୍ୱନିରୁ ଆରମ୍ଭ ହୋଇଥିଲା DGMO ଖବରଦାତା ସମ୍ମିଳନୀ
ସମ୍ମିଳନୀରେ ଭାରତୀୟ ସେନାର ୩ଟି ଶାଖା, ସ୍ଥଳସେନା, ବାୟୁସେନା ଏବଂ ନୌସେନାର ଅଧିକାରୀମାନେ ଉପସ୍ଥିତ ଥିଲେ। ସେନାର ଡିଜିଏମଓ ଲେଫ୍ଟନାଣ୍ଟ ଜେନେରାଲ ରାଜୀବ ଘାଇ, ନୌସେନାର ନୌସେନା ଅପରେଶନ୍ ଡିଜି ଭାଇସ ଆଡମିରାଲ ଏଏନ୍ ପ୍ରମୋଦ ଏବଂ ବାୟୁସେନାର ଏୟାର ମାର୍ଶାଲ ଏକେ ଭାରତୀ ଡିଜି ଏୟାର ଅପରେଶନ ଖବରଦାତା ସମ୍ମିଳନୀରେ ଯୋଗ ଦେଇଥିଲେ। ତିନିଜଣ ଅଧିକାରୀ PPT ମାଧ୍ୟମରେ ସମଗ୍ର କାର୍ଯ୍ୟ ବିଷୟରେ ସୂଚନା ଦେଇଥିଲେ। ଯାହା ମାଧ୍ୟମରେ ଭାରତୀୟ ସେନା ଦ୍ୱାରା ନିଆଯାଇଥିବା କାର୍ଯ୍ୟାନୁଷ୍ଠାନର ସମସ୍ତ ପ୍ରମାଣ ମଧ୍ୟ ଦେଖାଯାଇଥିଲା।
ଅପରେଶନ ସିନ୍ଦୂର ଉପରେ ତିନି ସେନାର ଖବରଦାତା ସମ୍ମିଳନୀର ଗୁରୁତ୍ୱପୂର୍ଣ୍ଣ ବିନ୍ଦୁ
-ଶିବ ତାଣ୍ଡବ ଧ୍ୱନି ସହିତ ଆରମ୍ଭ ହୋଇଥିଲା ସମ୍ମିଳନୀ
– ଆତଙ୍କବାଦୀଙ୍କୁ ନିପାତ କରିବା ପାଇଁ ଅପରେଶନ ସିନ୍ଦୂର ଆରମ୍ଭ କରାଯାଇଥିଲା।
-ସେନା ୯ଟି ଆତଙ୍କବାଦୀ ଆଡ୍ଡାକୁ ଟାର୍ଗେଟ କରିଥିଲା
-ଅପରେଶନ ସିନ୍ଦୂରରେ ୧୦୦ଜଣ ଆତଙ୍କବାଦୀ ନିହତ ହୋଇଥିଲେ
-ମୁରିଡକେରେ ଥିବା ଆତଙ୍କବାଦୀ ତାଲିମ ଶିବିର ଧ୍ୱଂସ କରାଯାଇଥିଲା
– ୩ଜଣ ପ୍ରମୁଖ ଆତଙ୍କବାଦୀ ନିପାତ ହୋଇଛନ୍ତି
-ନିୟନ୍ତ୍ରଣ ରେଖାରେ ପାକିସ୍ତାନ ସାଧାରଣ ଲୋକଙ୍କୁ ଟାର୍ଗେଟ କରିଥିଲା
-ପାକିସ୍ତାନ ଆକ୍ରମଣରେ ଆମର କୌଣସି କ୍ଷତି ହୋଇନାହିଁ
-ପାକିସ୍ତାନର ସମସ୍ତ ଆକ୍ରମଣକୁ ସେନା ବିଫଳ କରିଛି
-ପାକିସ୍ତାନ ଅନେକ ଡ୍ରୋନ ପଠାଇଥିଲା, ଯାହାକୁ ନଷ୍ଟ କରାଯାଇଥିଲା
-ଅପରେଶନର ଲକ୍ଷ୍ୟ ଆତଙ୍କବାଦୀଙ୍କୁ ନିପାତ କରିବା ଥିଲା। କେବଳ ଆତଙ୍କବାଦୀ ଆଡ୍ଡାଗୁଡ଼ିକୁ ସେନା ଟାର୍ଗେଟ କରିଥିଲା।
-ପିଓକେରେ ୫ଟି ଏବଂ ପାକିସ୍ତାନରେ ୪ଟି ଆତଙ୍କବାଦୀ ଆଡ୍ଡା ଧ୍ୱଂସ କରାଯାଇଛି।
-୩୫-୪୦ ଜଣ ପାକିସ୍ତାନୀ ସୈନିକ ନିହତ ହୋଇଛନ୍ତି
-ଲକ୍ଷ୍ୟ ଥିଲା ଆତଙ୍କବାଦୀ ଭିତ୍ତିଭୂମି ଏବଂ ଆତଙ୍କବାଦୀଙ୍କୁ ଧ୍ୱଂସ କରିବା, ସେନା ୭ତାରିଖରେ ଏହା ହାସଲ କରିଥିଲା।
-ପାକିସ୍ତାନ ଡ୍ରୋନ ଏବଂ ୟୁଏଭି ସାହାଯ୍ୟରେ ଆକ୍ରମଣ କରିଥିଲା
-ମେ ୮ ଏବଂ ୯ ରାତିରେ ଶ୍ରୀନଗରରୁ ଗୁଜରାଟର ନାଲିଆ ପର୍ଯ୍ୟନ୍ତ ଆକ୍ରମଣ କରାଯାଇଥିଲା, ଯାହାକୁ ଆମେ ପଣ୍ଡ କରିଦେଇଥିଲୁ
-ସାମରିକ ଭିତ୍ତିଭୂମିକୁ ଟାର୍ଗେଟ କରାଯାଇଥିଲା। ଯେତେବେଳେ ଲାହୋରରୁ ଡ୍ରୋନ ଆକ୍ରମଣ ହୋଇଥିଲା, ସେତେବେଳେ ପାକିସ୍ତାନ ଯାତ୍ରୀବାହୀ ବିମାନକୁ ଉଡ଼ାଣ ପାଇଁ ଅନୁମତି ଦେଇଥିଲା
-ଆକ୍ରମଣର ପ୍ରତିରୋଧ ପାଇଁ ସେନାକୁ ସ୍ବାଧୀନତା ଦିଆଯାଇଛି। ଯଦି ପାକିସ୍ତାନ ଦ୍ୱାରା ଚୁକ୍ତିନାମାର ଉଲ୍ଲଂଘନ ହୁଏ, ତେବେ ଆମେ ଏହାର ଜବାବ ଦେବୁ।
