ଦାରିଙ୍ଗବାଡି,୧୫।୧୨(ଅରୁଣ ସାହୁ): ଓ.ଏସ.ଇ.ବି. ବିଜୁଳି କର୍ମଚାରୀ ସଂଘର କାର୍ଯ୍ୟକାରିଣୀ ସମିତି ବୈଠକ ବୈଠକ ସଂଘର ସାଧାରଣ ସମ୍ପାଦକ ଭ୍ରମରବର ରାଉତଙ୍କ ଆବାହନ କ୍ରମେ କନ୍ଧମାଳ ଜିଲା ଦାରିଙ୍ଗବାଡ଼ି ମିଶ୍ର କଲ୍ୟାଣ ମଣ୍ଡପଠାରେ ଅନୁଷ୍ଠିତ ହୋଇଯାଇଛି। ଶୀତର ପ୍ରକୋପ ଅନୁଭୂତ ସତ୍ତ୍ୱେ ସଂଘ କେନ୍ଦ୍ରୀୟ, ମଣ୍ଡଳ ଓ ଖଣ୍ଡସ୍ତରୀୟ ଶତାଧିକ ନେତୃବୃନ୍ଦ ତଥା ସଦସ୍ୟଙ୍କ ଉପସ୍ଥିତିରେ ଏହି ବୈଠକ ସଫଳତାର ସହ ହୋଇଥିଲା। ବିଭିନ୍ନ ଗୁରୁତ୍ୱପୂର୍ଣ୍ଣ ଆଲୋଚନା ଓ ନିଷ୍ପତି ଗ୍ରହଣ କରାଯାଇଥିଲା। ବିଜୁଳି କର୍ମଚାରୀଙ୍କ ଅନେକ ସମସ୍ୟା ରହିଛି ସେ ସମ୍ପର୍କରେ ସମାଧାନ ପାଇଁ ଆଲୋଚନା କରାଯାଇଥିଲା । ବୈଠକ ଆରମ୍ଭରେ ସଂଘର ଉପଦେଷ୍ଟା ସୁରେଶ ମହାରଣା ପତକା ଉତ୍ତୋଳନ ଏବଂ ରାଜ୍ୟ ବିଦ୍ୟୁତ କର୍ମଚାରୀ ଫେଡେରେସନର ସାଧାରଣ ସଂପାଦକ ସତ୍ୟବାଦୀ ବାଗ ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ଶମ୍ଭୁପ୍ରସାଦ ମହାପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ସାଧାରଣ ସମ୍ପାଦକ ଭ୍ରମରବର ରାଉତ, ଉପସାଧାରଣ ସଂପାଦକ ଦୁର୍ଗାପ୍ରସାଦ ନନ୍ଦ, ଆଞ୍ଚଳିକ ସମ୍ପାଦକ ସତ୍ୟବ୍ରତ ମହାପାତ୍ର, ଉପସଭାପତି ଟି. ବିଜୟ ପାତ୍ର, ଦୁର୍ଗାପ୍ରସାଦ ମିଶ୍ର, ଗଜେନ୍ଦ୍ର ପାଳ, ନିମନ୍ତ୍ରିତ ଅତିଥି ସତ୍ୟବାଦୀ ବାଗ, ମଜଦୁର ସଂଘର ସାଧାରଣ ସମ୍ପାଦକ ଶୁଭେନ୍ଦୁ ଛୋଟରାୟ ଏବଂ ସଂଘର ନେତୃବୃନ୍ଦଙ୍କ ମଧ୍ୟରୁ ବସନ୍ତ କୁମାର ସ୍ବାଇଁ, ଆସିକାର ସୀମାଞ୍ଚଳ ସାହୁ, ଏସ ନାରାୟଣ ରାଓ ଦୋରା, ପାରଳାଖେମୁଣ୍ଡିର ବସନ୍ତ ମହାରଣା, ବୌଦ୍ଧର ପ୍ରତାପ ପ୍ରଧାନ, ଅଜିତ କୁମାର ଦାସ, ଦୀଲ୍ଲିପ କୁମାର ସାହୁ, କ୍ରିତ୍ତି ରଞ୍ଜନ ଛାଟୋଇ, ବ୍ରହ୍ମପୁରର ଗୋପ କିଶୋର ପଣ୍ଡା, ଛତ୍ରପୁରର ଶରଜିତ ମହାପାତ୍ର ପ୍ରମୁଖ ବିଦ୍ୟୁତ ଶ୍ରମିକ କର୍ମଚାରୀଙ୍କ ସମସ୍ତ ସମସ୍ୟା ଓ ତହିଁର ସମାଧାନ ନିମନ୍ତେ ଆବଶ୍ୟକୀୟ ପଦକ୍ଷେପ ସଂପର୍କରେ ଆଲୋଚନା କରିଥିଲେ।
ଟାଟା ପାୱାର, ଓ ଓ.ପି.ଟି.ସି.ଏଲ. କର୍ତ୍ତୃପକ୍ଷ ଯଥାଶୀଘ୍ର ସମସ୍ତ ସମସ୍ୟାର ସମାଧାନ ଦିଗରେ ବିହିତ ପଦକ୍ଷେପ ନ ନେଲେ ଆଗାମୀ ଦିନରେ ଏକ ତୀବ୍ର ଆନ୍ଦୋଳନ ଗଢ଼ିତୋଳିବା ନିମନ୍ତେ ସର୍ବସମ୍ମତିକ୍ରମେ ନିଷ୍ପତ୍ତି ଗ୍ରହଣ କରାଯାଇଥିଲା।
କାର୍ଯ୍ୟକ୍ରମର ସଫଳ ରୂପାୟନ ନିମନ୍ତେ ଉଦ୍ୟମ ତଥା ପ୍ରଚେଷ୍ଠା କରିଥିବା ସଂଘର ସାଧାରଣ ସମ୍ପାଦକ, ଉପସାଧାରଣ ସମ୍ପାଦକ ଦୁର୍ଗା ପ୍ରସାଦ ନନ୍ଦ, ଆଞ୍ଚଳିକ ସମ୍ପାଦକ ସତ୍ୟବ୍ରତ ମହାପାତ୍ର, ଫୁଲବାଣୀ ଖଣ୍ଡର ସମ୍ପାଦକ ଦିଲ୍ଲୀପ କୁମାର ସାହୁ, ସନ୍ତୋଷ କୁମାର ଦୋରା ଏବଂ ଅନ୍ୟାନ୍ୟ କର୍ମକର୍ତ୍ତା ତଥା ସଦସ୍ୟମାନଙ୍କୁ ସଂଘ ତରଫରୁ ଧନ୍ୟବାଦ ଜ୍ଞାପନ କରାଯାଇଥିଲା।
Dharitri – Odisha’s No.1 Odia Daily
