ନୂଆଦିଲ୍ଲୀ,୧୧ା୧୨: ଦିଲ୍ଲୀରେ ଇଲେକ୍ଟ୍ରିକ ମୋବିଲିଟିକୁ ତ୍ୱରାନ୍ୱିତ କରିବା ପାଇଁ, ସରକାର ଏକ ବୈଦ୍ୟୁତିକ ଯାନ (EV) ନୀତି 2.0 ର ଏକ ଡ୍ରାଫ୍ଟ ପ୍ରସ୍ତୁତ କରିଛନ୍ତି । ଏହି ଡ୍ରାଫ୍ଟ ଉପରେ ଆଲୋଚନା କରିବା ପାଇଁ ଗୁରୁବାର ଦିନ ମୁଖ୍ୟମନ୍ତ୍ରୀ ରେଖା ଗୁପ୍ତାଙ୍କ ଅଧ୍ୟକ୍ଷତାରେ ଗ୍ରୁପ ଅଫ ମିନିଷ୍ଟରସ(GoM) ବୈଠକ ଡକାଯାଇଛି । ତା’ପରେ ଜନସାଧାରଣଙ୍କ ମତାମତ ଏବଂ ଅନ୍ୟାନ୍ୟ ଅଂଶୀଦାରମାନଙ୍କ ପାଇଁ ଡ୍ରାଫ୍ଟକୁ ସାର୍ବଜନୀନ କରାଯିବ।
ବ୍ୟାଟେରୀ ରିସାଇକ୍ଲିଂ ବ୍ୟବସ୍ଥା- ଇଭି ବ୍ୟାଟେରୀକୁ 8 ବର୍ଷ କାର୍ଯ୍ୟକ୍ଷମ କରିବା ନେଇ ଲକ୍ଷ୍ୟ ରଖି ଦିଲ୍ଲୀ ସରକାର ପ୍ରଥମ ଥର ପାଇଁ ବ୍ୟାଟେରୀ ରିସାଇକ୍ଲିଂ ଚେନ୍ ସ୍ଥାପନ କରିବା ଉପରେ କାର୍ଯ୍ୟ କରୁଛନ୍ତି । ଏଥିରେ ବ୍ୟବହାର କରାଯାଉଥିବା ନୂଆ ବ୍ୟାଟେରୀର ଗ୍ରହଣ, ରିସାଇକ୍ଲିନ ଏବଂ ସୁରକ୍ଷିତ ନିଷ୍କାସନ ପାଇଁ ସମଗ୍ର ବ୍ୟବସ୍ଥା ତିଆରି କରାଯିବ । ଦିନକୁ ଦିନ ଇଭି ଗାଡିର ସଂଖ୍ୟା ବୃଦ୍ଧି ପାଉଥିବା ବେଳେ ଏହି ଆବଶ୍ୟକତା ପୂରଣ ହେବା ନେଇ ମଧ୍ୟ ଲକ୍ଷ୍ୟ ରଖାଯାଇଛି । ତେବେ ଆସନ୍ତା 2030 ସୁଦ୍ଧା 5 ହଜାର ପବ୍ଲିକ ଚାର୍ଜିଂ ଷ୍ଟେସନ ସ୍ଥାପନ କରାଯିବ ।
ନୂଆ ବର୍ଷରୁ ନୂଆ ଇଭି ପଲିସି- ବର୍ତ୍ତମାନ ଲାଗୁଥିବା ଇଭି ପଲିସି ଡିସେମ୍ବର 31 ତାରିଖରେ ଶେଷ ହେବାକୁ ଯାଉଛି । ତବେ ଇଭି ପଲିସି 2.0 ନୂଆ ବର୍ଷରୁ ଲାଗୁ ହେବା ନେଇ ଲକ୍ଷ୍ୟ ରଖାଯାଇଛି । ପୁରୁଣା ଇଭି ପଲିସି 2020ରୁ ଲାଗୁ ହୋଇଥିଲା ।
ତେବେ ସୁତ୍ର ଅନୁସାରେ, ଦିଲ୍ଲୀ ସରକାର ନୂଆ ଇଭି ପଲିସିରେ 50 ପ୍ରତିଶତ ପର୍ଯ୍ୟନ୍ତ ରିହାତି ଦେବା ନେଇ ଯୋଜନା କରିଛନ୍ତି । କିନ୍ତୁ ଏହି 50 ପ୍ରତିଶତ ରିହାତି ଗାଡିର ମାର୍କେଟ ଭେଲ୍ୟୁ ଉପରେ ହେବ । କିନ୍ତୁ କ୍ଯାବିନେଟରେ ଏହାର ଅନ୍ତିମ ଫଇସଲା ହେବ ।
