ନୂଆଦିଲ୍ଲୀ,୬ା୨: ସ୍ଥାନୀୟ ଛତ୍ରସାଲ ଷ୍ଟାଡିୟମରେ ପୂର୍ବତନ ଜାତୀୟ ଜୁନିୟର କୁସ୍ତି ଚାମ୍ପିୟନ ସାଗର ଧନକରଙ୍କ ହତ୍ୟା ମାମଲାରେ ଗିରଫ ଅଲିମ୍ପିଆନ ସୁଶିଲ କୁମାରଙ୍କ ଜାମିନ ଆବେଦନକୁ ଦିଲ୍ଲୀର ଏକ କୋର୍ଟ ଖାରଜ କରିଦେଇଛନ୍ତି।
୨୦୨୧ ମେ ମାସରେ ଏକ ସମ୍ପତ୍ତି ବିବାଦକୁ ନେଇ ସୁଶୀଲ ଓ ତାଙ୍କ ସହଯୋଗୀମାନେ ଧନକର ଓ ତାଙ୍କ ସାଥୀଙ୍କ ଉପରେ ମରଣାନ୍ତକ ଆକ୍ରମଣ କରିଥିଲେ। ପୋଷ୍ଟମର୍ଟମ ରିପୋର୍ଟ ଅନୁସାରେ ଆକ୍ରମଣକରେ ଧନକରଙ୍କ ମସ୍ତିଷ୍କ ବିଶେଷ କ୍ଷତିଗ୍ରସ୍ତ ହୋଇଥିଲା। ତାଙ୍କର ଅନ୍ୟ ଦୁଇ ସାଥୀ ମଧ୍ୟ ଆଘାତପ୍ରାପ୍ତ ହୋଇଥିଲେ। ସୁଶୀଲ ୨୦୨୧ ମେ’ରେ ଗିରଫ ହୋଇଥିଲେ।
୨୦୨୩ ଜୁଲାଇ ୧୯ରେ ତାଙ୍କ ଆଣ୍ଠୁରେ ଅସ୍ତ୍ରୋପଚାର ପାଇଁ ଏକ ସେସନ କୋର୍ଟ କୁମାରଙ୍କୁ ଅନ୍ତରୀଣ ଜାମିନ ମଞ୍ଜୁର କରିଥିଲେ। ହତ୍ୟା, ଅପରାଧିକ ଷଡ଼ଯନ୍ତ୍ର, ଧମକ ଓ ମାରାତ୍ମକ ଅସ୍ତ୍ର ସହ ହଙ୍ଗାମା କରିବା ଆଦି ଅଭିଯୋଗରେ ଭାରତୀୟ ପିଙ୍ଗଳ କୋର୍ଡ (ଆଇପିସି)ର ଧାରା ଅନୁସାରେ ସୁଶୀଲଙ୍କ ବିରୋଧରେ ୨୦୨୨ ଅକ୍ଟୋବରରେ ଏକ ଟ୍ରାଏଲ୍ କୋର୍ଟ ଚାଜର୍ର୍ଫ୍ରେମ୍ କରାଯାଇଥିଲା। ଅସ୍ତ୍ରଶସ୍ତ୍ର ଆଇନ ଅନୁସାରେ ମଧ୍ୟ ଚାର୍ଜଫ୍ରେମ୍ କରାଯାଇଥିଲା।
ଟ୍ରାଏଲ କୋର୍ଟ ଉଲ୍ଲେଖ କରିଥିଲେ ଯେ, ଧନକର ଓ ତାଙ୍କ ସାଥୀମାନଙ୍କୁ ଅପହରଣ କରି ସେମାନଙ୍କୁ ଷ୍ଟାଡିୟମ ଭିତରକୁ ଅଣାଯାଇଥିଲା। ବେସ୍ବଲ୍ ଏବଂ ହକି ଷ୍ଟିକ୍ରେ ସେମାନଙ୍କ ଉପରେ ମରଣାତ୍ମକ ଆକ୍ରମଣ କରାଯାଇଥିଲା।
