ଜୋହାନ୍ସବର୍ଗ, ୧୨ା୧୨ (ପି.ଟି.)- ଆଗାମୀ ଶ୍ରୀଲଙ୍କା ବିପକ୍ଷ ଦୁଇ ମ୍ୟାଚ ବିଶିଷ୍ଟ ସିରିଜ ପାଇଁ ଉଇକେଟକିପର ବ୍ୟାଟ୍ସମ୍ୟାନ କ୍ୱିଣ୍ଟନ ଡି’କକ୍ଙ୍କୁ ଦକ୍ଷିଣ ଆଫ୍ରିକା ଟେଷ୍ଟ ଦଳର ଅଧିନାୟକ ଭାବେ ମନୋନୀତ କରାଯାଇଛି। ୧୬ ଜଣିଆ ଦଳରେ ୩ଜଣ ନୂଆ ଖେଳାଳି ଓପନର ସାରେଲ ଏରଓ୍ବି, ଉଇକେଟକିପର ବ୍ୟାଟ୍ସମ୍ୟାନ କାଇଲ୍ ଭେରିନେ ଏବଂ ମିଡିୟମ ପେସ୍ବୋଲର ଗ୍ଲେଣ୍ଟନ ଷ୍ଟୁର୍ମ୍ୟାନଙ୍କୁ ସ୍ଥାନ ମିଳିଛି। ସୀମିତ ଓଭର ଅଧିନାୟକ ଡି’କକ୍ଙ୍କୁ ୨୦୨୦-୨୧ ସିଜନ ପାଇଁ ସାମୟିକ ଭାବେ ଟେଷ୍ଟ ଦଳର ଅଧିନାୟକ କରାଯାଇଛି। ସ୍ଥାୟୀ ଅଧିନାୟକ ପରେ ଘୋଷଣା ଯିବ। ଡି’କକ୍ଙ୍କ ଅଧୀନରେ ଦକ୍ଷିଣ ଆଫ୍ରିକା ତିନୋଟି ସିରିଜ ଯଥାକ୍ରମେ ଶ୍ରୀଲଙ୍କା, ପାକିସ୍ତାନ ଓ ଅଷ୍ଟ୍ରେଲିଆ ବିପକ୍ଷରେ ଖେଳିବ ବୋଲି ଜାତୀୟ ସିଲେକ୍ସନ ପ୍ୟାନେଲ ମୁଖ୍ୟ ଭିକ୍ଟର ଏମ୍ପିଟ୍ସାଙ୍ଗ ପ୍ରକାଶ କରିଛନ୍ତି।
