ୟୁଏଇ,୨୩।୯: ଆଇପିଏଲ ୨୦୨୧ରେ ଶିଖର ଧାୱନଙ୍କ ଶାସନ ପୁଣି ଥରେ ଜଲଓ୍ବା ଦେଖାଇଛନ୍ତି। ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ସନରାଇଜର୍ସ ହାଇଦ୍ରାବାଦ ବିପକ୍ଷରେ ୪୨ ରନର ଇନିଂସ ଖେଳି ପୁଣିଥରେ ଅରେଞ୍ଜ୍ କ୍ୟାପକୁ ନିଜ କବ୍ଜାକୁ ନେଇଛନ୍ତି। ଧାୱନ ପଞ୍ଜାବ କିଙ୍ଗ୍ସର ଅଧିନାୟକ କେ.ଏଲ ରାହୁଲଙ୍କୁ ପଛରେ ପକାଇଛନ୍ତି। ଏହା ବ୍ୟତୀତ ଦିଲ୍ଲୀର ଏହି ବିସ୍ଫୋରକ ଓପନର୍ ମଧ୍ୟ ଆଇପିଏଲ ୨୦୨୧ରେ ୪୦୦ ରନ ମାର୍କ ଅତିକ୍ରମ କରିଛି। ଧାୱନ ବର୍ତ୍ତମାନ ୯ଟି ମ୍ୟାଚରେ ୪୨୨ ରନ କରିଛନ୍ତି। ସେ ତିନି ଅର୍ଦ୍ଧଶତକ ହାସଲ କରିଛନ୍ତି।
ଆଇପିଏଲରେ ଏହା କ୍ରମାଗତ ଷଷ୍ଠ ସିଜିନ୍ରେ ଧାୱନ ୪୦୦ ରୁ ଅଧିକ ସ୍କୋର କରିଛନ୍ତି। ମୋଟାମୋଟି ଧାୱନ ଏହି ଏପରି କାର୍ଯ୍ୟ ଆଠ ଥର କରିଛନ୍ତି । ଦିଲ୍ଲୀ ବ୍ୟାଟ୍ସମ୍ୟାନ ୨୦୧୧, ୨୦୧୨, ୨୦୧୬, ୨୦୧୭, ୨୦୧୮, ୨୦୧୯, ୨୦୨୦ ଏବଂ ୨୦୨୧ ରେ ୪୦୦ରୁ ଅଧିକ ସ୍କୋର କରିଛନ୍ତି। ଏହା ସହ ଧାୱନ ମୁମ୍ବାଇ ଇଣ୍ଡିଆନ୍ସ ଅଧିନାୟକ ରୋହିତ ଶର୍ମା, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଅଧିନାୟକ ବିରାଟ କୋହଲି ଏବଂ ସନରାଇଜର୍ସ ହାଇଦ୍ରାବାଦ ଓପନର୍ ଡେଭିଡ ୱାର୍ଣ୍ଣରଙ୍କୁ ସାତଥର ପଛରେ ପକାଇଛନ୍ତି। ଆଇପିଏଲରେ ସର୍ବାଧିକ ୪୦୦ ପ୍ଲସ ସ୍କୋରର ରେକର୍ଡ ଚେନ୍ନାଇ ସୁପର କିଙ୍ଗ୍ସର ସୁରେଶ ରାଇନା (୯ ଥର) ଙ୍କ ନାମରେ ଅଛି।
ଦିଲ୍ଲୀ କ୍ୟାପିଟାଲର ଓପନର୍ ପୃଥ୍ବୀ ଶ’ ୩୧୯ ରନ ସହ ଅରେଞ୍ଜ୍ କ୍ୟାପ ଦୌଡ଼ରେ ପଞ୍ଚମ ସ୍ଥାନରେ ରହିଛନ୍ତି। ସେ ଏହି ଆଇପିଏଲରେ ତିନି ଅର୍ଦ୍ଧଶତକ ହାସଲ କରିଛନ୍ତି। ୮ ଟି ମ୍ୟାଚରୁ ୩୮୦ ରନ ସହ ପଞ୍ଜାବ କିଙ୍ଗ୍ସର ଅଧିନାୟକ କେ.ଏଲ ରାହୁଲ ଦ୍ୱିତୀୟ ସ୍ଥାନରେ ଅଛନ୍ତି। ତୃତୀୟ ସ୍ଥାନରେ ଅଛନ୍ତି ମୟଙ୍କ ଅଗ୍ରୱାଲ ୮ ଟି ମ୍ୟାଚରେ ୩୨୭ ରନ ସଂଗ୍ରହ କରିଛନ୍ତି। ସିଏସକେର ଫାଫ ଡୁ ପ୍ଲେସିସ ୮ଟି ମ୍ୟାଚରେ ୩୨୦ ରନ ସହ ଚତୁର୍ଥ ସ୍ଥାନରେ ଅଛନ୍ତି । ୮ ଟି ମ୍ୟାଚରେ ୨୮୪ରନ ସହ ରୁତୁରାଜ ଆଇପିଏଲ ୧୪ ରେ ଷଷ୍ଠ ସ୍ଥାନରେ ଅଛନ୍ତ।
ସେହିପରି ଟପ ୫ ବୋଲର ତାଲିକାରେ ସନରାଇଜର୍ସ ହାଇଦ୍ରାବାଦର ରସିଦ ଖାନ ଯୋଗ ଦେଇଛନ୍ତି। ରସିଦ ଖାନ, ରାହୁଲ ଚହର, ମହମ୍ମଦ ଶାମି ଏବଂ କାଗିସୋ ରାବାଡା ପ୍ରତ୍ୟେକ ୧୧ ଟି ଉଇକେଟ ନେଇଛନ୍ତି କିନ୍ତୁ ଭଲ ହାରାହାରି ଆଧାରରେ ହାଇଦ୍ରାବାଦ ସ୍ପିନରରସିଦ ଶୀର୍ଷରେ ଅଛନ୍ତି। ଏହି ତାଲିକାରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ହର୍ଷଲ ପଟେଲ ୮ଟି ମ୍ୟାଚରେ ୧୭ ଉଇକେଟ ନେଇ ପର୍ପଲ କ୍ୟାପ ତାଲିକାର ଶୀର୍ଷରେ ରହିଛନ୍ତି।
ଦିଲ୍ଲୀ କ୍ୟାପିଟାଲ୍ସର ଆବେଶ ଖାନ ୯ଟି ମ୍ୟାଚରେ ୧୪ ଉଇକେଟ ନେଇ ଦ୍ୱିତୀୟ ସ୍ଥାନରେ ଅଛନ୍ତି। ଏହି ତାଲିକାରେ ରାଜସ୍ଥାନ ରୋଲ୍ସର କ୍ରିସ ମୋରିସ ମଧ୍ୟ ୮ଟି ମ୍ୟାଚରେ ୧୪ ଉଇକେଟ ନେଇ ତୃତୀୟ ସ୍ଥାନରେ ଅଛନ୍ତି। ଏହା ବ୍ୟତୀତ ରାଜସ୍ଥାନ ରୟାଲ୍ସ ବିପକ୍ଷରେ ୪ ଉଇକେଟ ନେଇଥିବା ପଞ୍ଜାବ କିଙ୍ଗ୍ସର ଦ୍ରୁତ ବୋଲର ଅର୍ଶଦୀପ ସିଂ ୧୨ ଉଇକେଟ ନେଇ ଚତୁର୍ଥ ସ୍ଥାନରେ ଅଛନ୍ତି।
