ମେଷ
ଏକାଦଶ ସ୍ଥାନରେ ପଞ୍ଚଗ୍ରହକୂଟ କୋଣଭାବକୁ ପ୍ରଭାବିତ କରି ଶିକ୍ଷା, ସନ୍ତାନ, ବନ୍ଧୁସମ୍ପର୍କ ଏବଂ ଆଲୋଚନାରେ ସମସ୍ୟା ସୃଷ୍ଟି କରିପାରନ୍ତି। ଶନିଙ୍କ ଦୃଷ୍ଟି ଦ୍ୱିତୀୟଭାବକୁ ରହିଥିବାରୁ ଧନହାନି ସାଙ୍ଗକୁ ମାନସିକ ସ୍ତରରେ ଅନ୍ତର୍ଦ୍ୱନ୍ଦ ଲାଗିରହିବ। ପ୍ରତୀକ୍ଷିତ ଖବରଟି ଆଶ୍ୱସ୍ତି ଲାଭର କାରଣ ହୋଇପାରେ।
ବୃଷ
ଯାହାକୁ ନିଜର ଭଳି ଚିନ୍ତା କରିବେ ସେହି ବ୍ୟକ୍ତି ହିଁ ସମସ୍ୟା ସୃଷ୍ଟିର ସୂତ୍ରଧର ସାଜିପାରେ। ସହକର୍ମୀଟିର ସାହାଯ୍ୟରେ ଆର୍ଥିକ ସମସ୍ୟା ଦୂର ହେବ। ଗୁରୁ୍ତ୍ୱପୂର୍ଣ୍ଣ ଆଲୋଚନାରେ ସକ୍ରିୟ ଅଂଶ ଗ୍ରହଣ କରିବାର ସୁଯୋଗ ପାଇପାରନ୍ତି। ନବମଭାବରେ ଉଚ୍ଚସ୍ଥ ମଙ୍ଗଳ ଯୋଗୁ ଆକସ୍ମିକ ପରିବାର ସହ ମାଙ୍ଗଳିକ କାମରେ ଭ୍ରମଣ ଯୋଗ ରହିଛି।
ମିଥୁନ
ଦୁଃସ୍ଥାନାଧିପତି ଶନିଙ୍କ କର୍ମସ୍ଥସ୍ଥିତି ଯୋଗୁ ଆଜି ଯାହା କରିବାକୁ ଯାଉଛନ୍ତି ଠିକ୍ ବିଚାରକରି ପଦକ୍ଷେପ ନିଅନ୍ତୁ। ପାରିବାରିକ ସମ୍ପର୍କକୁ ନେଇ ବନ୍ଧୁଙ୍କ ଅନୁରୋଧରେ ଦୂରଯାତ୍ରା କରିବେ। ଅବହେଳିତ କାର୍ଯ୍ୟ ସକାଶେ ଅନୁତାପ କରିପାରନ୍ତି। ସାହିତ୍ୟ, ରଚନାତ୍ମକ କାର୍ଯ୍ୟ ଏବଂ ବନ୍ଧୁଙ୍କ ସହ ଆଲୋଚନା ଫଳପ୍ରଦ ହେବ।
କର୍କଟ
ରାଶ୍ୟାଧିପତି ଅଷ୍ଟମଭାବସ୍ଥ ଯୋଗୁ ଦୈହିକ ଏବଂ ମାନସିକ ସ୍ବାସ୍ଥ୍ୟ ଭଲ ରହି ନ ପାରେ। ସପ୍ତମାଧିପତିଙ୍କ ଦୁର୍ବଳତାଜନିତ ଦୂରଯାତ୍ରା ସମୟରେ ଅଜଣା ବ୍ୟକ୍ତିଙ୍କଠାରୁ ଦୂରେଇ ରୁହନ୍ତୁ। ଯାନବାହନ ଚାଳନା ସମୟରେ ଅନ୍ୟମନସ୍କ ହେଲେ ଅସୁବିଧା ଭୋଗିବେ। ବନ୍ଧୁ ଦ୍ୱାରା ପ୍ରତାରିତ ହେଲେ ମଧ୍ୟ ନିଜକୁ ନିୟନ୍ତ୍ରଣରେ ରଖିପାରିବେ।
ସି˚ହ
ଶୁକ୍ରଙ୍କ ଷଷ୍ଠସ୍ଥାନଜନିତ ଭାଙ୍ଗି ପଡ଼ିଥିବା ସମ୍ପର୍କ ପୁଣି ଯୋଡି ହୋଇଯିବ। ପରିବାରର ବାକିଆ କାମକୁ ସମାପ୍ତ କରିବା ସକାଶେ ମନସ୍ଥ କରିଥିଲେ ମଧ୍ୟ ଆଜି ସ୍ଥଗିତ ରହିଯିବ। କର୍ମକ୍ଷେତ୍ରର ସମସ୍ୟା ସୁଧାରିବା ସକାଶେ ଜଣେ ବନ୍ଧୁ ସାହାଯ୍ୟର ପ୍ରତିଶ୍ରୁତି ଦେବେ। ଶାରୀରିକ ଅବସ୍ଥାରେ ଉନ୍ନତି ଓ ବନ୍ଧୁଙ୍କ ସହାନୁଭୂତିରୁ ମନୋବଳ ବଢ଼ିବ।
କନ୍ୟା
ସମ୍ପର୍କୀୟଙ୍କୁ ସୁହାଇଲା ଭଳି କାମ କରିବାକୁ ଯାଇ ଅପଦସ୍ଥ ହେବେ। ଆନୁଷ୍ଠାନିକ କ୍ଷେତ୍ରରେ ପଦମର୍ଯ୍ୟାଦା ବୃଦ୍ଧି ଘଟିବା ସହ ପ୍ରଶଂସିତ ମଧ୍ୟ ହେବେ। ଘର ଭିତରେ ଅସାବଧାନତାବଶତଃ ଦ୍ରବ୍ୟ ନଷ୍ଟ ଯୋଗୁ ବିରକ୍ତି ପ୍ରକାଶ କରିପାରନ୍ତି। ବୃହସ୍ପତିଙ୍କ ଦୃଷ୍ଟି ଜନିତ ସଭାସମିତିରେ ବନ୍ଧୁମିଳନ ସଙ୍ଗକୁ ସମ୍ମାନିତ ହେବାର ସୌଭାଗ୍ୟ ଅର୍ଜନ କରିପାରନ୍ତି।
ତୁଳା
ଚନ୍ଦ୍ର କର୍ମଭାବେ ଅଷ୍ଟମସ୍ଥ ଯୋଗୁ ନିଦ୍ଦିଷ୍ଟ ସମୟରେ ଶେଷ କରିବାକୁ ଦେଇଥିବା ପ୍ରତିଶ୍ରୁତି କାର୍ଯ୍ୟକାରୀ ନ ହୋଇପାରେ। ଏଥି ସକାଶେ ମନଗଢା କଥା କହି ପରିସ୍ଥିତି ଲାଘବ ପାଇଁ ଚେଷ୍ଟା କରିବେ। ବନ୍ଧୁମାନେ ଅସହଯୋଗ ମନୋବୃତ୍ତି ପୋଷଣ କରିପାରନ୍ତି। ସହକର୍ମୀଙ୍କ ଆଭ୍ୟନ୍ତରୀଣ ବ୍ୟାପାରରେ ମୁଣ୍ଡ ପୂରାଇବା ଠିକ୍ ହେବ ନାହିଁ।
ବିଛା
ରାଶ୍ୟାଧିପ ତୃତୀୟସ୍ଥ ଯୋଗୁ ବନ୍ଧୁଙ୍କ ପରାମର୍ଶରେ ଅଟକିଥିବା କାମଟିକୁ ଆରମ୍ଭକରିବାକୁ ମନ ବଳାଇବେ। ଏକାଧିକ ସହଭାଗିତାଙ୍କ ବ୍ୟବସାୟରେ ମନାନ୍ତର ଦେଖାଦେବ। ରଚନାମତ୍କ କାର୍ଯ୍ୟ, କ୍ରୀଡା, ସାହିତ୍ୟ, ଶିଳ୍ପ, କାରିଗରି ବିଦ୍ୟାର ଚମତ୍କାରିତାରୁ ଉଚ୍ଚସ୍ତରରେ ସମ୍ପର୍କ ବଢ଼ିବ। ପାରିବାରିକ କ୍ଷେତ୍ରରେ ଭାବପ୍ରବଣ ଦୁଃଖର କାରଣ ହେବ।
ଧନୁ
ବନ୍ଧୁଙ୍କୁ ସାହାଯ୍ୟ କରିବାକୁ ଯାଇ ନିଜେ ହଇରାଣରେ ପଡିବେ। ଦୈହିକ ଦୁର୍ବଳତା କର୍ମକ୍ଷେତ୍ରକୁ ମନ୍ଥର କରିବ। କେନ୍ଦ୍ରସ୍ଥ ବୃହସ୍ପତିଙ୍କ ସୁପ୍ରଭାବରୁ ନୂତନ ଯୋଜନା ପାଇଁ ପରିବାରରୁ ପୂର୍ଣ୍ଣ ସହଯୋଗ ପାଇବେ। ସାମାଜିକ ସ୍ତରରେ ଖଳଲୋକମାନଙ୍କ ଉଦ୍ଦେଶ୍ୟ ପ୍ରଣୋଦିତ ମାନସିକ ଚାପର ସମ୍ମୁଖୀନ ହୋଇପାରନ୍ତି ।
ମକର
ମନକଥା ଗୋପନ ରଖି ବନ୍ଧୁଙ୍କ ସମ୍ମୁଖରେ ମିଥ୍ୟାଭାଷଣ ପ୍ରଦାନ କରିପାରନ୍ତି। ଚତୁର୍ଥାଧିପତି ସ୍ବରାଶିରେ ଥିବାରୁ ଘରେ ଆମୋଦ ପ୍ରମୋଦର ସୁଅ ଛୁଟିବ। କାର୍ଯ୍ୟଦକ୍ଷତା ଏବଂ ସମୟୋପଯୋଗୀ ପଦକ୍ଷେପରୁ କର୍ମକ୍ଷେତ୍ରରେ ପଦମର୍ଯ୍ୟାଦା ବୃଦ୍ଧି ପାଇବ । ଚେଷ୍ଟା କରୁଥିବା କାମଟି ଅସମ୍ପୂର୍ଣ୍ଣ ରହିଯାଇପାରେ।
କୁମ୍ଭ
ତୃତୀୟାଧିପତିଙ୍କ ଶୁଭତ୍ୱ କାରଣରୁ ସମସ୍ୟାକ୍ରାନ୍ତ ସମୟରେ ପ୍ରତିବେଶୀଙ୍କ ସୌହାର୍ଦ୍ଦ୍ୟରୁ ଉପକୃତ ହେବେ। ଖାଦ୍ୟପେୟରେ ଅନିୟମିତତାରୁ ପେଟ ଗୋଳମାଳ ଦେଖାଦେବ। ବନ୍ଧୁଙ୍କ ଆଚରଣ ମନରେ ସନ୍ଦେହ ସୃୃଷ୍ଟି କରିପାରେ। ଶିଳ୍ପ, ବାଣିଜ୍ୟ କ୍ଷେତ୍ରରେ ସମସ୍ୟାକୁ ଦୂରେଇବାରେ ସମର୍ଥ ହେବେ।
ମୀନ
ଦ୍ୱାଦଶସ୍ଥ ଗ୍ରହ ପ୍ରଭାବରୁ ବାଧ୍ୟବାଧକତାରେ ଦୀର୍ଘପଥ ଭ୍ରମଣ ହେତୁକ କ୍ଲାନ୍ତି ଓ ଅବସାଦ ଦେଖାଦେବ। ଉପରିସ୍ଥଙ୍କ ତାଗିଦା ପରେ ମଧ୍ୟ କର୍ମକ୍ଷେତ୍ରରେ ଅବହେଳିତ କାର୍ଯ୍ୟକୁ ପୂର୍ଣ୍ଣାଙ୍ଗ କରିପାରିବେ ନାହିଁ। ମାଙ୍ଗଳିକ ଉତ୍ସବ ନିମନ୍ତେ ବନ୍ଧୁଙ୍କ ସହ ଆଲୋଚନା କରିବେ। ଆଶା କରୁଥିବା ଖବର ବନ୍ଧୁଙ୍କ ଦ୍ୱାରା ପାଇ ଖୁସି ହେବେ।
👉 Follow Dharitri – Odisha’s No.1 Odia Daily 📰✨
Dharitri brings you accurate and reliable daily Odia horoscope updates to help you begin your day with clarity, confidence, and positivity. As the most trusted Odia daily, Dharitri provides detailed Rashifal in Odia and expert astrological insights for all zodiac signs, empowering you to make informed decisions about your career, health, relationships, and personal growth. Whether you seek daily horoscope predictions, weekly zodiac forecasts, or personalized astrology guidance, Dharitri ensures authentic, timely, and insightful horoscope updates every single day. Stay connected with Dharitri Horoscope and discover what the stars have in store for you.
