ଭୁବନେଶ୍ୱର,୨୬।୯(ବ୍ୟୁରୋ): ଉପକୂଳମୁହାଁ ‘ଗୁଲାବ’। ଏହି ବାତ୍ୟାର ମୁକାବିଲା ପାଇଁ ରାଜ୍ୟ ସରକାରଙ୍କ ପକ୍ଷରୁ ବ୍ୟାପକ ପଦକ୍ଷେପ ଗ୍ରହଣ କରାଯାଇଛି। ସ୍ବତନ୍ତ୍ର ସଚିବ ବିଶ୍ୱମୋହନ ରାୟଙ୍କ ଅଫିସ ଚାମ୍ବରରେ ଫିସେରିଜ୍ ଓ ଏଆର୍ଡି ବିଭାଗର କଣ୍ଟ୍ରୋଲ ରୁମ୍ ଖୋଲାଯାଇଛି। କଣ୍ଟ୍ରୋଲ ରୁମ୍ର ଟେଲିଫୋନ ନମ୍ବର ହେଉଛି ୦୬୭୪-୨୩୯୩୯୫୮। ଏହା ସେପ୍ଟେମ୍ବର ୨୬ରୁ ୨୮ ତାରିଖ ଯାଏ ୨୪ ଘଣ୍ଟିଆ କାମ କରିବ ବୋଲି ଜଣାପଡ଼ିଛି।
ତେବେ କଣ୍ଟ୍ରୋଲ ରୁମ୍ ଲାଗି ଦୁଇ ନୋଡ଼ାଲ ଅଧିକାରୀଙ୍କ ନାମ ମଧ୍ୟ ଘୋଷଣା କରାଯାଇଛି। ବିପର୍ଯ୍ୟୟ ପରିଚାଳନା, ନୋଡାଲ ଅଫିସର ଦାୟିତ୍ୱ ବିଶ୍ୱମୋହନ ରାୟଙ୍କୁ ଦିଆଯାଇଥିବା ବେଳେ କଣ୍ଟ୍ରୋଲ ରୁମ୍ ନୋଡାଲ ଅଫିସର ଦାୟିତ୍ୱ ଯୁଗ୍ମ ସଚିବ ମନୋଜ ବେହେରାଙ୍କୁ ଦିଆଯାଇଛି। ଏସ୍ଆର୍ସି ଏବଂ ବିଭିନ୍ନ ବିଭାଗ ସହ ମନୋଜ ଯୋଗାଯୋଗରେ ରହିବେ। ଏହି ସମୟରେ କୌଣସି ଅଧିକାରୀଙ୍କୁ ଛୁଟି କିମ୍ବା ହେଡ୍କ୍ୱାଟର୍ସ ନ ଛାଡ଼ିବାକୁ ନିର୍ଦ୍ଦେଶ ଦିଆଯାଇଛି।
