ଏସିସିରେ ‘ସାଇବର ନାଇଫ୍‌’ଟେକ୍ନୋଲୋଜି
9:27 amDecember 2, 2023December 2, 2023 / 02

ଭୁବନେଶ୍ୱର,୨।୧୨: ଦେଶର ପ୍ରମୁଖ ଘରୋଇ ଚିକିତ୍ସାଳୟ ଆପୋଲୋ ହସ୍ପିଟାଲ ଗ୍ରୁପ୍‌ ପକ୍ଷରୁ ଏକ ଅତ୍ୟାଧୁନିକ ଚିକିତ୍ସା ସୁବିଧା ‘ସାଇବର ନାଇଫ୍‌’ ଟେକ୍ନୋଲୋଜିର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ବିଶେଷକରି ଦକ୍ଷିଣ ଏସିଆର ପ୍ରଥମ ସାଇବର ନାଇଫ୍‌ ‘ସାଇବର ନାଇଫ୍‌ ଏସ୍‌ ୭ଟିଏମ୍‌ (7 ଏଫ୍‌ଆଇଏମ୍‌ ରୋବୋଟିକ୍‌ ରେଡିଓ ସର୍ଜରି ସିଷ୍ଟମ୍‌ (ଟେକ୍ନୋଲୋଜି) ହସ୍ପିଟାଲର ଚେନ୍ନାଇ ଆପୋଲୋ କ୍ୟାନ୍‌ସର ସେଣ୍ଟର (ଏସିସି)ଠାରେ ଆରମ୍ଭ କରାଯାଇଛି। ଏପରିକି ସାଇବର ନାଇଫ୍‌ ଟେକ୍ନୋଲୋଜିର ପ୍ରଚଳନ କ୍ୟାନ୍‌ସର ଚିକିତ୍ସା ଏବଂ ପ୍ରଯୁକ୍ତି ବିଦ୍ୟା ପାଇଁ ଏକ ପରିବର୍ତ୍ତନଶୀଳ ମୁହୂର୍ତ୍ତ ପାଲଟିଛି। ଏ ସମ୍ପର୍କରେ ଆପୋଲୋ ହସ୍ପିଟାଲର ରେଡିଏସନ୍‌ ଅଙ୍କୋଲୋଜିର ବରିଷ୍ଠ ପରାମର୍ଶଦାତା ଡା. ମହାଦେବ ପୋଥାରାଜୁ କହିଛନ୍ତି, ସାଇବର ନାଇଫ୍‌ ଚିକିତ୍ସା ସାଧାରଣତଃ ୧ରୁ ୫ଟି ସେସନରେ କରାଯାଇଥାଏ। ଏହାର ଚିକିତ୍ସା ଅବଧି ସାଧାରଣତଃ ୩୦ରୁ ୯୦ମିନିଟ୍‌ ପର୍ଯ୍ୟନ୍ତ ରହିଥିବାବେଳେ ଉକ୍ତ ସମୟ ମଧ୍ୟରେ ବିଭିନ୍ନ କୋଣରୁ ୧୦୦ରୁ ୨୦୦ ରାଡିଏସନ ବିମ୍‌ ଦିଆଯାଏ। ପ୍ରତ୍ୟେକ ବିମ୍‌ ପ୍ରାୟ ୧୦ରୁ ୧୫ ସେକେଣ୍ଡ ପର୍ଯ୍ୟନ୍ତ ରହିଥାଏ। ସେହିଭଳି ରେଡିଏସନ୍‌ ଅଙ୍କୋଲୋଜିର ବରିଷ୍ଠ ପରାମର୍ଶଦାତା ଡା. ରତ୍ନାଦେବୀ ଆର୍‌. କହିଛନ୍ତି, ମସ୍ତିଷ୍କର ସାଧାରଣ କ୍ଷତ ଯଥା ଶ୍ୱାନୋମା, ମେନିଞ୍ଜିଓମା ଏବଂ ଏଭିଏମ୍‌କୁ ଅଣ-ଆକ୍ରମଣାତ୍ମକ ଉପାୟରେ ଚିକିତ୍ସା କରିବା ସହିତ ସାଇବର ନାଇଫ୍‌ ଏସ୍‌୭ ଫିମ୍‌ ସବୁଠାରୁ ପ୍ରଭାବଶାଳୀ ହୋଇଥାଏ। ସେହିପରି ରେଡିଏସନ୍‌ ଅଙ୍କୋଲୋଜିର ବରିଷ୍ଠ ପରାମର୍ଶଦାତା ଡ.ଶଙ୍କର ଭାଙ୍ଗିପୁରମ୍‌ କହିଛନ୍ତି, ସାଇବର ନାଇଫ୍‌ ଏସ୍‌ ୭ଟିମ୍‌ ଫିମ୍‌ ସିଷ୍ଟମ୍‌ ରେଡିଏସନ୍‌ ଥେରାପିର ଭବିଷ୍ୟତକୁ ପୁନଃ ନିର୍ଦ୍ଧାରଣ କରିଥାଏ।