ଖଇରା,୭।୪(ଉତ୍କଳବନ୍ଧୁ ପଣ୍ଡା): ବାଲେଶ୍ବର ଜିଲା ବାହାନଗା ଅଞ୍ଚଳର ଜଣେ ଗୋରକ୍ଷକ କୃପାସିନ୍ଧୁ ବେହେରା ଗୋରୁ ବ୍ୟବସାୟୀଙ୍କ ଆକ୍ରମଣରେ ମୃତ୍ୟୁବରଣ କରିବା ପରେ ବାଲେଶ୍ବର ଏସପିଙ୍କ ଆକ୍ସନ ମୋଡ୍ ଦେଖିବାକୁ ମିଳିଛି। ମଙ୍ଗଳବାର ସକାଳେ ବାଲେଶ୍ବର ଓ ଭଦ୍ରକର ବିଭିନ୍ନ ସ୍ଥାନରେ ଚଢାଉ ଆରମ୍ଭ ହୋଇଥିବା ବେଳେ ଖଇରା ଥାନା ଝିଙ୍କିରିଆ ପଞ୍ଚାୟତ ଅଧିନ ମୁସ୍ତଫାବାଦ ଗ୍ରାମର ଗୋରୁ ବ୍ୟବସାୟୀ ମେହବୁବ ଖାଁଙ୍କ ଘରେ ସିମୁଳିଆ ଓ ଖଇରା ପୋଲିସ ପକ୍ଷରୁ ମିଳିତ ଭାବେ ଚଢାଉ କରାଯାଇଛି। ମେହବୁବଙ୍କ ଅନୁପସ୍ଥିତିରେ ତାଙ୍କ ଘରୁ ନଗଦ ୧୨ଲକ୍ଷ ୪୮ହଜାର୩୫୦ ଟଙ୍କା,ଜମି କାଗଜ,ବ୍ୟାଙ୍କ ପାସବୁକ,ଅଳଙ୍କାର ଜବତ କରାଯାଇଛି। ଏସପି ପ୍ରତ୍ୟୁଷ ଦିବାକରଙ୍କ ନିର୍ଦ୍ଦେଶ କ୍ରମେ ଖଇରାର ଅତିରିକ୍ତ ତହସିଲଦାର ସଞ୍ଜିବ ପାତ୍ର ଓ ସିମୁଳିଆ ଥାନା ଆଇଆଇସି ଦେବରାଜ ଜେନାଙ୍କ ନେତୃତ୍ୱରେ କରାଯାଇଥିବା ଏହି ଚଢାଉରେ ଖଇରା ଥାନା ଆଇଆଇସି ଜନ ପଟ୍ଟନାୟକ,ଜିଲା ସାଇବର ସେଲର ମୀନା ବିନ୍ଧାଣି ପ୍ରମୁଖ ଉପସ୍ଥିତ ଥିଲେ। ତେବେ ଧାନବିକ୍ରି ଓ ଛେଳି ବିକ୍ରି କରି ଟଙ୍କା ରଖିଥିବାବେଳେ ନାତୁଣୀ ବାହାଘର ପାଇଁ ଏହି ଗହଣା କିଣାଯାଇଥିଲା ବୋଲି ମେହେବୁବଙ୍କ ବାପା ସିରାଜୌଦ୍ଦିନ ଖାଁ କହିଛନ୍ତି।
Dharitri – Odisha’s No.1 Odia Daily
