ନୂଆଦିଲ୍ଲୀ,୩୧।୩: ପୁଣି ଦେଶରେ କରୋନା ମାମଲା ବୃଦ୍ଧି ପାଉଥିବାବେଳେ ବିସିସିଆଇ ୧୪ତମ ଆଇପିଏଲ ଆୟୋଜନ କରୁଛି । ଏହି ଟୁର୍ନାମେଣ୍ଟ ଏପ୍ରିଲ ୯ରୁ ମେ ୩୦ ପର୍ଯ୍ୟନ୍ତ ଖେଳାଯିବ। ସମସ୍ତ ମ୍ୟାଚ ଅହମଦାବାଦ, ବେଙ୍ଗାଲୁରୁ, ଚେନ୍ନାଇ, ଦିଲ୍ଲୀ, ମୁମ୍ବାଇ ଏବଂ କୋଲକାତାରେ ଖେଳାଯିବ। ଏଥର ଏହି ଲିଗ ଅଲଗା ହେବ, କାରଣ ମ୍ୟାଚ ନିରପେକ୍ଷ ସ୍ଥାନରେ ଖେଳାଯିବ। ଏଥର ଦଳଗୁଡିକ ଘରୋଇ ପଡ଼ିଆରେ ଖେଳିବାର ସୁବିଧା ପାଇବେ ନାହିଁ । ସମସ୍ତ ଦଳ ଏହି ଟୁର୍ନାମେଣ୍ଟ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି। ଏହି ସମୟରେ, ମୁଖ୍ୟ ଖେଳାଳିଙ୍କ ହଠାତ୍ ବାଦ୍ ପଡିବା ହେତୁ କିଛି ଦଳ ଏକ ବଡ଼ ଅସୁବିଧାର ସମ୍ମୁଖୀନ ହୋଇଛନ୍ତି।
ଜୋଶ ଫିଲିପ: ବିଗ୍ ବାଶ୍ ଲିଗ୍ରେ ଆରସିବିର ପ୍ରଭାବଶାଳୀ ଖେଳାଳି ଜୋଶ ଦିଲ୍ଲୀପ (ଅଷ୍ଟ୍ରେଲିଆ) ଜବରଦସ୍ତ ଫର୍ମରେ ଥିଲେ। ଏହି ଲିଗ୍ରେ ୨୩ ବର୍ଷୀୟ ଜୋସ ଦ୍ୱିତୀୟ ସର୍ବାଧିକ ରନ ସ୍କୋରର ଥିଲେ। ଉଇକେଟ ପଛରେ ତାଙ୍କର ପ୍ରଦର୍ଶନ ମଧ୍ୟ ଭଲ ଥିଲା। ଏହି ମାସ ଆରମ୍ଭରେ, ଜୋଶ ବ୍ୟକ୍ତିଗତ କାରଣରୁ ଆଇପିଏଲରୁ ଓହରି ଯାଇଥିଲେ। ଜୋସ ୨୦୨୦ରେ ଆଇପିଏଲ ଡେବ୍ୟୁ କରିଥିଲେ ଏବଂ ପାଞ୍ଚ ଇନିଂସରେ ମାତ୍ର ୭୮ ରନ ସଂଗ୍ରହ କରିଥିଲେ। ତେବେ ଜୋଶଙ୍କ ବଦଳରେ ଆରସିବି ନ୍ୟୁଜିଲାଣ୍ଡ ଖେଲାଳି ଫିନ ଆଲେନଙ୍କୁ ଦଳରେ ଅନ୍ତର୍ଭୁକ୍ତ କରିଛି।
ଶ୍ରେୟସ ଆୟର: ଆଇପିଏଲ୍ ୨୦୨୧ ପୂର୍ବରୁ ଦିଲ୍ଲୀ କ୍ୟାପିଟାଲ୍ସକୁ ଜୋରଦାର ଝଟ୍କା ଲାଗିଛି। ଦଳର ଅଧିନାୟକ ଶେୟାଶ ଆୟାର ଆହତ ହୋଇ ଟୁର୍ନମେଣ୍ଟରୁ ବାଦ୍ ପଡ଼ିଛନ୍ତି। ଇଂଲଣ୍ଡ ବିପକ୍ଷ ଏକଦିବସୀୟ ସିରିଜରେ କାନ୍ଧରେ ଆଘାତ ଲାଗିଥିବାରୁ ଶ୍ରେୟାସ ଆୟରଙ୍କୁ ସମଗ୍ର ଟୁର୍ନାମେଣ୍ଟରୁ ବାଦ ଦିଆଯାଇଛି।
ଜୋଫ୍ରା ଆର୍ଚର: ଆଇପିଏଲ ୨୦୨୧ ପୂର୍ବରୁ ରାଜସ୍ଥାନ ରୟାଲ୍ସ ଏକ ବଡ଼ ଅସୁବିଧାର ସମ୍ମୁଖୀନ ହୋଇଛି। ଆହତ କାରଣରୁ ଇଂଲଣ୍ଡର ଦ୍ରୁତ ବୋଲର ଜୋଫ୍ରା ଆର୍ଚରଙ୍କୁ ଟୁର୍ନାମେଣ୍ଟରୁ ବାଦ ଦିଆଯାଇଛି। ସେ ଦୀର୍ଘ ସମୟ ଧରି ଡାହାଣ ହାତର କାନ୍ଧରେ ଯନ୍ତ୍ରଣା ଭୋଗୁଥିଲେ। ନିକଟରେ ତାଙ୍କର ଅସ୍ତ୍ରୋପଚାର କରାଯାଇଛି।
ଡେଲ ଷ୍ଟେନ: ଦକ୍ଷିଣ ଆଫ୍ରିକାର ଡାହାଣହାତୀ ଦ୍ରୁତ ବୋଲର ଆଇପିଏଲ ୨୦୨୧ ଛାଡିବାକୁ ନିଷ୍ପତ୍ତି ନେଇଛନ୍ତି। ଫଳରେ ଆରସିବିକୁ ଝଟ୍କା ଲାଗିଛି।
