ସିଡନୀ,୨୩।୨: ଆଇପିଏଲ ୧୪ତମ ସିଜନ ଆରମ୍ଭ ପୂର୍ବରୁ କ୍ରିକେଟ ଅଷ୍ଟ୍ରେଲିଆ (ସିଏମ) ଏକ ବଡ଼ ନିଷ୍ପତ୍ତି ନେଇଛି। ଆଇପିଏଲ୍ର ପରବର୍ତ୍ତୀ ସିଜିନ୍ରେ ଅଷ୍ଟ୍ରେଲୀୟ ଖେଳାଳିମାନେ ଜୁଆ, ଫାଷ୍ଟଫୁଡ, ମଦ୍ୟପାନ ଏବଂ ତମାଖୁ ବ୍ରାଣ୍ଡର ବିଜ୍ଞାପନ କରିବେ ନାହିଁ ସିଏମ୍ ଆଇପିଏଲ ଫ୍ରାଞ୍ଚାଇଜକୁ କହିଛି। ଆଇପିଏଲ ଦଳକୁ ପଠାଯାଇଥିବା ପରାମର୍ଶରେ ବିସିସିଆଇକୁ କ୍ରିକେଟ ଅଷ୍ଟ୍ରେଲିଆ କହିଛି ଯେ ସମଗ୍ର ଦଳର ଫଟୋକୁ ସମ୍ପୃକ୍ତ ଆଇପିଏଲ ଦଳର ପ୍ରାୟୋଜକମାନେ ଭାରତର ପ୍ରିଣ୍ଟ ମିଡିଆରେ ପ୍ରଚାର ପାଇଁ ବ୍ୟବହାର କରିପାରିବେ। ମଦ, ଫାଷ୍ଟଫୁଡ, ଫାଷ୍ଟଫୁଡ ରେଷ୍ଟୁରାଣ୍ଟ, ତମାଖୁ କିମ୍ବା ବେଟିଂ ବ୍ୟବସାୟ କରୁଥିବା କୌଣସି କମ୍ପାନୀ ପାଇଁ ଏହିପରି ଫଟୋ ବ୍ୟବହାର କରାଯିବ ନାହିଁ।
ସୂଚନାଯୋଗ୍ୟ, ଅଷ୍ଟ୍ରେଲିଆର ୧୯ଜଣ କ୍ରିକେଟର ଆଇପିଏଲ ୨୦୨୧ରେ ଖେଳିବେ। ସେମାନଙ୍କ ମଧ୍ୟରେ ଷ୍ଟିଭ ସ୍ମିଥ, ମ୍ୟାକ୍ସୱେଲ, ନାଥାନ କୁଲପର୍ ନାଇଲ, ରିଚାର୍ଡସନ, ଡେଭିଡ ୱାର୍ନର ଏବଂ ମିଚେଲ ମାର୍ଶ ଅଛନ୍ତି।
