ନୂଆଦିଲ୍ଲୀ,୩।୯: ଭାରତ ଓ ଆଫଗାନିସ୍ତାନ ମଧ୍ୟରେ ଖେଳାଯିବାକୁ ଥିବା ୩ ମ୍ୟାଚରେ ଟି-୨୦ ସିରିଜକୁ ନେଇ କ୍ରିକେଟ ମହଲରେ ଚର୍ଚ୍ଚା ଜୋର ଧରିଛି। ବିସିସିଆଇ ସେପ୍ଟେମ୍ବର ୧ରେ ଭାରତୀୟ ଦଳ ଘୋଷଣା କରିଛି। ଏହି ଦଳରେ ଅନେକ ଯୁବ ଓ ଷ୍ଟାର ଖେଳାଳିଙ୍କୁ ସ୍ଥାନ ମିଳିନାହିଁ। ଫଳରେ ଏହି ୭ ଖେଳାଳିଙ୍କ ଟିମ ଇଣ୍ଡିଆକୁ ପ୍ରତ୍ୟାବର୍ତ୍ତନ ନେଇ ପ୍ରଶ୍ନ ଉଠିଛି।
ରିଙ୍କୁ ସିଂହ:
ଏହି ତାଲିକାରେ ପ୍ରଥମ ନାମ ରିଙ୍କୁ ସିଂହଙ୍କର। ଭାରତ ପାଇଁ ଟି-୨୦ରେ ସେ ପ୍ରାୟ ୩୭ ରନ ହାରାହାରିରେ ୭୦୨ ରନ କରିଛନ୍ତି। ତଥାପି ଆଫଗାନିସ୍ତାନ ବିପକ୍ଷ ସିରିଜରେ ତାଙ୍କୁ ସୁଯୋଗ ମିଳିନାହିଁ।
ମୟଙ୍କ ଯାଦବ:
ଦ୍ରୁତ ବୋଲିଂ ପାଇଁ ଚର୍ଚ୍ଚିତ ମୟଙ୍କ ଯାଦବ ମଧ୍ୟ ଦଳରୁ ବାଦ ପଡ଼ିଛନ୍ତି। ସେ ଭାରତ ପାଇଁ ୬ଟି ଟି-୨୦ ମ୍ୟାଚରେ ୯ଟି ଉଇକେଟ୍ ନେଇଛନ୍ତି। ତାଙ୍କୁ ଦଳରେ ସ୍ଥାନ ନମିଳିବା ନେଇ ପ୍ରଶଂସକଙ୍କ ମଧ୍ୟରେ ନିରାଶା ଦେଖାଦେଇଛି।
ସୂର୍ଯ୍ୟକୁମାର ଯାଦବ:
ଭାରତୀୟ ଟି-୨୦ ଦଳର ଅନୁଭବୀ ବ୍ୟାଟର ସୂର୍ଯ୍ୟକୁମାର ଯାଦବଙ୍କୁ ମଧ୍ୟ ଏହି ସିରିଜରେ ସୁଯୋଗ ମିଳିନାହିଁ। ତାଙ୍କ ଅନୁପସ୍ଥିତିକୁ ନେଇ ମଧ୍ୟ ଚର୍ଚ୍ଚା ଚାଲିଛି।
ମହମ୍ମଦ ସିରାଜ: ଟି-୨୦ରେ ଭାରତ ପାଇଁ ୧୭ଟି ମ୍ୟାଚ ଖେଳି ୧୭ଟି ୱିକେଟ ନେଇଥିବା ମହମ୍ମଦ ସିରାଜଙ୍କୁ ମଧ୍ୟ ଏଥର ଦଳରେ ସାମିଲ କରାଯାଇନାହିଁ। ଏହା ତାଙ୍କ ଟି-୨୦ ଭବିଷ୍ୟତକୁ ନେଇ ପ୍ରଶ୍ନ ଉଠାଇଛି।
ଯଶସ୍ବୀ ଜୟସ୍ବାଲ:
ଯୁବ ଓପନର ଯଶସ୍ବୀ ଜୟସ୍ବାଲ ମଧ୍ୟ ଚୟନକର୍ତ୍ତାଙ୍କ ନଜରରୁ ବାହାରେ ରହିଛନ୍ତି। ଟି-୨୦ରେ ଭାରତ ପାଇଁ ପ୍ରାୟ ୩୬ ରନ ହାରାହାରିରେ ସେ ୭୨୩ ରନ କରିଛନ୍ତି। ଏତେ ଭଲ ରେକର୍ଡ ସତ୍ତ୍ୱେ ତାଙ୍କୁ ସୁଯୋଗ ନମିଳିବା ନେଇ ଆଲୋଚନା ହେଉଛି।
ରଜତ ପାଟିଦାର:
ରଜତ ପାଟିଦାରଙ୍କୁ ମଧ୍ୟ ଆଫଗାନିସ୍ତାନ ବିପକ୍ଷ ଟି-୨୦ ସିରିଜ ପାଇଁ ଦଳରେ ସ୍ଥାନ ମିଳିନାହିଁ। ଏହା ତାଙ୍କ ଟିମ ଇଣ୍ଡିଆ ଭବିଷ୍ୟତ ପାଇଁ ଆଉ ଏକ ବଡ଼ ଝଟକା ବୋଲି କୁହାଯାଉଛି।
କ୍ରୁଣାଲ ପାଣ୍ଡ୍ୟା:
ଅଲରାଉଣ୍ଡର କ୍ରୁଣାଲ ପାଣ୍ଡ୍ୟା ମଧ୍ୟ ଚୟନକର୍ତ୍ତାଙ୍କ ତାଲିକାରେ ସ୍ଥାନ ପାଇନାହାନ୍ତି। ଫଳରେ ତାଙ୍କର ମଧ୍ୟ ଭାରତୀୟ ଟି-୨୦ ଦଳକୁ ଫେରିବା ରାସ୍ତା କଷ୍ଟକର ହୋଇପାରେ।
