ସହର ପାଣି ବିପଦ ଆଣିପାରେ

ଭୁବନେଶ୍ୱର,୨।୮(ବ୍ୟୁରୋ): କରୋନା ମହାମାରୀ ଯୋଗୁ ରାଜ୍ୟବାସୀ ନିଜ ଜୀବନକୁ ନେଇ ଚିନ୍ତିତ ହୋଇପଡ଼ିଛନ୍ତି। ରାଜ୍ୟ ସରକାର ମଧ୍ୟ ଲୋକମାନଙ୍କ ସ୍ବାସ୍ଥ୍ୟ ରକ୍ଷା ପାଇଁ ପ୍ରୟାସ ଚଳାଇଛନ୍ତି। ହେଲେ କରୋନା ଯୋଗୁ ଗତ ୪ମାସ ଧରି ଜଳର ନମୁନା ଠିକ୍‌ଭାବେ ପରୀକ୍ଷା ହୋଇପାରୁ ନ ଥିବାରୁ ବିଭିନ୍ନ ସହରାଞ୍ଚଳରେ ଯୋଗାଇ ଦିଆଯାଉଥିବା ପାନୀୟ ଜଳର ଗୁଣବତ୍ତାକୁ ନେଇ ଆଶଙ୍କା ପ୍ରକାଶ ପାଇଛି। ତେଣୁ ସହର ପାଣି ଏବେ ବିପଦ ଆଣିପାରେ ବୋଲି କୁହାଯାଉଛି।

ରାଜ୍ୟର ୧୧୪ଟି ସହରାଞ୍ଚଳକୁ ସ୍ବଚ୍ଛ ପାନୀୟ ଜଳ ଯୋଗାଇ ଦେବାକୁ ସରକାର ଓଡ଼ିଶା ପାନୀୟ ଜଳ ଯୋଗାଣ ନୀତି-୨୦୧୩ କାର୍ଯ୍ୟକାରୀ କରିଛନ୍ତି। ଲୋକେ କିଭଳି ବିଶୁଦ୍ଧ ପାଣି ପାଇପାରିବେ ସେଥିପାଇଁ ରାଜ୍ୟ ସରକାର ପ୍ରତିବର୍ଷ ବଜେଟରେ ସ୍ବତନ୍ତ୍ର ବ୍ୟୟବରାଦ ମଧ୍ୟ କରୁଛନ୍ତି। ଏପରି କି ଜଳର ମାନ ପରୀକ୍ଷା କରିବାକୁ ଦିଲ୍ଲୀସ୍ଥିତ ମେଟ୍ରୋ ଲାବ୍‌ ନାମକ ଏକ ଘରୋଇ ସଂସ୍ଥାକୁ ପ୍ରାୟ ୩ବର୍ଷ ହେବ ନିଯୁକ୍ତ କରାଯାଇଛି। ଜଳର ମାନ ଠିକ୍‌ ଅଛି କି ନାହିଁ ତାହା ପରୀକ୍ଷା କରିବା ପାଇଁ ସହରାଞ୍ଚଳର ଘର ଘର ବୁଲି ଦୈନିକ ୪୦ଟି ନମୁନା ସଂଗ୍ରହ କରିବାର ବ୍ୟବସ୍ଥା ରହିଛି। ଏହି ନମୁନା ସଂଗ୍ରହ ପରେ ସେଗୁଡ଼ିକୁ ଲାବରେଟୋରିରେ ପରୀକ୍ଷା କରାଯିବ। ଜଳରେ ଥିବା ରଙ୍ଗ, ଗନ୍ଧ, ଜିଙ୍କ୍‌, କ୍ଲୋରିନ, ପେଷ୍ଟିସାଇଡ, ନିକେଲ, ଆଇରନ, ନାଇଟ୍ରେଟ, ଆଲକାଇନିଟି, ପିଏଚ୍‌ ଭାଲ୍ୟୁ ଆଦି ୪୨ଟି ମାପଦଣ୍ଡକୁ ନେଇ ପରୀକ୍ଷା କରାଯିବା ପରେ ଏହା ପିଇବା ଉପଯୋଗୀ କି ନୁହେଁ ସେନେଇ ସ୍ପଷ୍ଟ କରାଯିବା କଥା। ହେଲେ କରୋନା ମହାମାରୀ ଯୋଗୁ ଗତ ୪ ମାସରୁ ଊର୍ଦ୍ଧ୍ୱ ହେବ ଜଳର ନମୁନା ପରୀକ୍ଷା କରାଯାଇପାରୁ ନାହିଁ।

ସୂଚନାଯୋଗ୍ୟ ଯେ, ସହରବାସୀଙ୍କୁ ସ୍ବଚ୍ଛ ପାନୀୟ ଜଳ ଯୋଗାଇ ଦେବାକୁ ରାଜ୍ୟର ପ୍ରତ୍ୟେକ ଜିଲାରେ ଜଳର ମାନ ପରୀକ୍ଷା ପାଇଁ ପରୀକ୍ଷାଗାର ସ୍ଥାପନ କରାଯାଇଛି। ସରକାରଙ୍କ ଦ୍ୱାରା ନିଯୁକ୍ତ ଘରୋଇ ସଂସ୍ଥା ଜରିଆରେ ଏହାର ମାନ ପରୀକ୍ଷା କରିବା ବାବଦରେ ବର୍ଷକୁ ପ୍ରାୟ ୬କୋଟି ଟଙ୍କା ଖର୍ଚ୍ଚ କରାଯାଉଛି। ଏଥିସହିତ ଏଥିରେ ମହିଳା ସ୍ବୟଂ ସହାୟକ ଗୋଷ୍ଠୀ (ଏସ୍‌ଏଚ୍‌ଜି)କୁ ମଧ୍ୟ ସାମିଲ କରାଯାଇଛି। ମହିଳା ଏସ୍‌ଏଚ୍‌ଜି ସଦସ୍ୟାମାନଙ୍କୁ ଜଳସାଥୀ ଭାବେ ନିଯୁକ୍ତ କରାଯାଇଛି। ସେମାନେ ଘର ଘର ବୁଲି ଜଳର ନମୁନା ସଂଗ୍ରହ କରିବା ସହ ଏହାର ମାନ ପରୀକ୍ଷା କରାଇବେ। ଏପରି କି ଲୋକଙ୍କୁ ନୂତନ ପାନୀୟ ଜଳ ସଂଯୋଗ ଦେବାରେ ସାହାଯ୍ୟ କରିବେ ଏବଂ ମାସିକ ଜଳ ଯୋଗାଣ ବାବଦ ଦେୟ ମଧ୍ୟ ଆଦାୟ କରିବେ। ଜନସାଧାରଣଙ୍କ ଅଭାବ ଓ ଅଭିଯୋଗକୁ ଜଳସାଥୀମାନେ ସରକାରଙ୍କ ନକଟରେ ପହଞ୍ଚାଇବେ। ଏହି କାର୍ଯ୍ୟକ୍ରମ ୨୦୧୯ ଡିସେମ୍ବର ୧୮ ତାରିଖରୁ ଆରମ୍ଭ କରାଯାଇଥିଲା। ଏଥିପାଇଁ ଓ୍ବାଟର କର୍ପୋରେଶନ ଅଫ୍‌ ଓଡ଼ିଶା (ଓ୍ବାଟ୍‌କୋ) ଏବଂ ମିହିଳା ସ୍ବୟଂ ସହାୟକ ମହାସଂଘ ସହ ଏକ ବୁଝାମଣାପତ୍ର ସ୍ବାକ୍ଷର ହୋଇଥିଲା। ସମଗ୍ର ରାଜ୍ୟରେ ୫ ହଜାର ଜଳସାଥୀ ନିୟୋଜିତ କରିବାକୁ ସରକାର ଲକ୍ଷ୍ୟ ରଖିଥିଲେ। ତେବେ କରୋନା ମହାମାରୀ ଯୋଗୁ ଜଳ ନମୁନା ସଂଗ୍ରହ କାର୍ଯ୍ୟ ବନ୍ଦ ରହିଛି। ଅନ୍ୟପକ୍ଷରେ ଭୁବନେଶ୍ୱର ପଳାଶୁଣୀସ୍ଥିତ ପାନୀୟ ଜଳ ବିଶୋଧନାଗାର ବରିଷ୍ଠ ଆନାଲିଷ୍ଟ(ବିଶ୍ଳେଷକ) ଅସୁସ୍ଥତା ଯୋଗୁ ପ୍ରାୟ ୪ମାସ ହେବ ଛୁଟିରେ ରହିଛନ୍ତି। ଫଳରେ ଘରୋଇ ସଂସ୍ଥା ଦ୍ୱାରା କରାଯାଉଥିବା ମାନ ଯାଞ୍ଚ କରିବାକୁ ମଧ୍ୟ କେହି ନାହାନ୍ତି।

ପଳାଶୁଣୀସ୍ଥିତ ପାନୀୟ ଜଳ ବିଶୋଧନାଗାରର ଜଣେ କର୍ମଚାରୀଙ୍କ କହିବା କଥା ହେଲା କରୋନା ମହାମାରୀ ଯୋଗୁ ଘରଘର ବୁଲି ଟ୍ୟାପରୁ ଜଳ ନମୁନା ସଂଗ୍ରହ କରାଯାଇ ପାରୁ ନାହିଁ। କେବଳ ପାଣି ଉଠାଯାଉଥିବା ସ୍ଥାନରୁ ନମୁନା ସଂଗ୍ରହ କରି ପରୀକ୍ଷା କରାଯାଉଛି। ନଗର ଉନ୍ନୟନ ବିଭାଗ ଜନସ୍ବାସ୍ଥ୍ୟ ସର୍ବୋଚ୍ଚ ଯନ୍ତ୍ରୀ(ଇଆଇସି) ବସନ୍ତ ସେନାପତି କହିଛନ୍ତି ଯେ, ସହରାଞ୍ଚଳକୁ ଯୋଗାଇ ଦିଆଯାଉଥିବା ପାନୀୟ ଜଳର ନମୁନା ନିୟମିତ ପରୀକ୍ଷା କରାଯାଉଛି। ମେଟ୍ରୋ ଲାବ୍‌ ଏହି ଜଳ ପରୀକ୍ଷା କରୁଛି। କେଉଁ ମାପଦଣ୍ଡଗୁଡ଼ିକୁ ଆଧାର କରି ଯାଞ୍ଚ କରାଯାଉଛି ସେ ସଂକ୍ରାନ୍ତରେ ଉକ୍ତ ସଂସ୍ଥାକୁ ପଚାରି କହିବେ ବୋଲି କହିଛନ୍ତି। ଅପରପକ୍ଷରେ ଜଳ ନମୁନା ପରୀକ୍ଷା କରୁଥିବା ଘରୋଇ ସଂସ୍ଥାର କର୍ତ୍ତୃପକ୍ଷଙ୍କ ସହ ଯୋଗାଯୋଗ କରାଯାଇଥିଲେ ସୁଦ୍ଧା କୌଣସି ମତାମତ ମିଳିପାରି ନାହିଁ।


Enter your email to get our daily news in your inbox.

All Right Reserved By Dharitri.Com

କଲ୍ୟାଣ ମଣ୍ଡପ ସ୍ଥାନ ନିରୂପଣ ନେଇ ବିବାଦ

ଧାମନଗର,୧୧।୨(ଡି.ଏନ.ଏ.)- ଭଦ୍ରକ ଜିଲା ଧାମନଗର ବ୍ଲକ ବୟାଙ୍ଗଡିହି ପଞ୍ଚାୟତରେ କଲ୍ୟାଣ ମଣ୍ଡପ ନିର୍ମାଣ ଆରମ୍ଭ ହେବାକୁ ଥିବାବେଳେ ସ୍ଥାନ ନିରୂପଣ ନେଇ ବିବାଦ ସୃଷ୍ଟି ହୋଇଛି।...

ସରୁନି ଓଡିଆର୍‌ପି ଡ୍ରେନ୍‌, ରାସ୍ତା କାର୍ଯ୍ୟ ବିପଦସଙ୍କୁଳ ପ୍ରେମନଗର ମୁଖ୍ୟରାସ୍ତା

ବ୍ରହ୍ମପୁର ଅଫିସ,୧୨ା୧୧-ବ୍ରହ୍ମପୁର ସହରକୁ ସବୁଜ, ସୁନ୍ଦର ସହ ସ୍ମାର୍ଟ ସିଟିରେ ପରିଣତ କରିବାକୁ ନେଇ ବ୍ରହ୍ମପୁର ମହାନଗର ନିଗମ ପକ୍ଷରୁ ବହୁ ପଦକ୍ଷେପ ଗ୍ରହଣ କରାଯାଉଛି...

ଜମନକିରାକୁ ଚାଲି ଚାଲି ଯାଉଥିବା ଶ୍ରମିକ ଥଇଥାନ

କେନ୍ଦୁଝର,୨।୪(ସ୍ବ.ପ୍ର.): ମୟୁରଭଞ୍ଜ ଜିଲା କରଞ୍ଜିଆ ଗାଁରୁ ସମ୍ବଲପୁର ଜିଲା ଜମନକିରା ଗାଁକୁ ଚାଲି ଚାଲି ଯାଉଥିବା ୩୦ଜଣ ଶ୍ରମିକଙ୍କୁ ସଦର ବ୍ଲକ ନେଲୁଙ୍ଗ ଗାଁର ଗ୍ରାମବାସୀମାନେ...

ଅନୁଗୋଳ ଜିଲାରେ ୭୭.୩୭ ପ୍ରତିଶତ ମତଦାନ: ୫ କ୍ଷେତ୍ର ମଧ୍ୟରୁ ପାଲଲହଡ଼ାର ରେକର୍ଡ

ଅନୁଗୋଳ ଅଫିସ, ୨୫।୪- ଅନୁଗୋଳ ଜିଲାର ୫ଟି ବିଧାନସଭା ନିର୍ବାଚନମଣ୍ଡଳୀରେ ମଙ୍ଗଳବାର ମତଦାନ ପ୍ରକ୍ରିୟା ଶେଷ ହୋଇଛି। ମୋଟ୍‌ ୭୭.୩୭ ପ୍ରତିଶତ ମତଦାତା ମତଦାନ କରିଥିବା...

ମିଳିତ ଅଭିଯୋଗ ଶୁଣାଣିରେ ଅବ୍ୟବସ୍ଥା

ଛତ୍ରପୁର,୩ା୩(ଡି.ଏନ.ଏ.) ମାସର ପ୍ରଥମ ସୋମବାର ଛତ୍ରପୁରଠାରେ ଜିଲାପାଳ ଓ ଗଞ୍ଜାମ ଏସ୍‌ପିଙ୍କ ମିଳିତ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହେଉଛି ା କେବଳ ଛତ୍ରପୁର ସବଡିଭିଜନ...

୪ ଦିନ ୧୦ ଜିଲାରେ ହିଟ୍‌ ୱେଭ୍‌

ଭୁବନେଶ୍ୱର,୨୫।୫(ବ୍ୟୁରୋ): ସାରା ରାଜ୍ୟରେ ଅସମ୍ଭାଳ ହୋଇପଡ଼ିଛି ଖରା ତାତି। ଗତ ଦୁଇଦିନ ହେଲା ୪୫ ଡିଗ୍ରୀ ଉପରେ ପାରଦ ରହିଥିବାବେଳେ ରବିବାର ମଧ୍ୟ ୧୪ ସହରରେ...

ସାଲେପୁର ନାବାଳିକା ବଳାତ୍କାରୀଙ୍କୁ ଫାଶୀ ଘଟଣା: ଆଇଆଇସି, ସରକାରୀ ଓକିଲ ସମ୍ବର୍ଦ୍ଧିତ

କଟକ ଅଫିସ, ୨୨।୯: ସାଲେପୁର ଥାନା ଅଞ୍ଚଳର ଜଣେ ନାବାଳିକାଙ୍କୁ ବଳାତ୍କାର ଓ ହତ୍ୟା ଘଟଣାରେ କଟକ ଜିଲା ପୋକ୍ସୋ ଅଦାଲତ ଗୁରୁବାର ଅଭିଯୁକ୍ତ ମହମ୍ମଦ...

ଚୋରି ଧରିବା ପାଇଁ ଖଟବୁଲା ପୋଲିସ ବଦଳରେ ଖୋଜାପଡୁଛି ଗୁଣିଆ

ନୟାଗଡ଼ ଅଫିସ,୨୩ା୬- ନୟାଗଡ଼ ଜିଲାର ବିଭିନ୍ନ ସ୍ଥାନରେ ଚୋରି ଧରିବା ପାଇଁ ଖଟ ବୁଲୁଥିବା ଦେଖିବାକୁ ମିଳୁଛି। କୌଣସି ଗ୍ରାମରେ ଚୋରି ହେଲେ ଲୋକମାନେ ପୋଲିସ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *