ନିଜ ଡ୍ରଇଁରୁମ୍କୁ ସୁନ୍ଦର କରିବାକୁ କିଏ ବା ନ ଚାହେଁ। ଆଉ ଏଥିପାଇଁ ଠିକ୍ ସୋଫା ବାଛିବା ସବୁଠୁ ଗୁରୁତ୍ୱପୂର୍ଣ୍ଣ। କାରଣ ଏହା ଆପଣଙ୍କ ଘର ପ୍ରତି ଅତିଥିଙ୍କର ମନରେ ଏକ ଭଲ ଧାରଣା ସୃଷ୍ଟି କରିଥାଏ। ତେଣୁ ଡ୍ରଇଁରୁମ୍ର ସାଇଜ୍ ଏବଂ ଆବଶ୍ୟକତାକୁ ଧ୍ୟାନରେ ରଖି କିପରି ସୋଫା ବାଛିଲେ
ଅଧିକ ସୁନ୍ଦର ଲାଗିବ
ଜାଣିରଖନ୍ତୁ ଟିପ୍ସ…
ସିଙ୍ଗଲ୍ ସିଟର ସୋଫା: ଯଦି ଆପଣଙ୍କ ଘରର ସାଇଜ୍ ଛୋଟ ତେବେ ଅଯଥାରେ ବଡ ସୋଫା ପକାଇ ଏହାକୁ ଜାମ୍ କରିବା ପରିବର୍ତ୍ତେ ଆବଶ୍ୟକତା ମୁତାବକ ସିଙ୍ଗଲ୍ ସିଟର୍ ସୋଫା ବ୍ୟବହାର କରିପାରିବେ। ଏହା ଘରକୁ ଫାଙ୍କା ଫର୍ଚ୍ଚା ରଖିବା ସହ ଡିଫରେଣ୍ଟ ଲୁକ୍ ବି ଦେଇଥାଏ।
ଏଲ୍ ଶେପ୍ ସୋଫା: ଏହି ସୋଫା ସାଧାରଣତଃ କମ୍ ସ୍ଥାନ ନେଉଥିବା ବେଳେ ଅଧିକ ଜଣ ବସି ମଧ୍ୟ ପରନ୍ତି। ତା’ ଛଡା ସାଧାରଣତଃ ସର୍ବଦା ବ୍ୟବହାର ହେଉଥିବା ସୋଫା ଗୁଡିକ ତୁଳନାରେ ଏହା ଅଧିକ ଆକର୍ଷଣୀୟ, ଫ୍ଲେକ୍ସିବଲ୍ ଏବଂ ଆରାମଦାୟକ ମଧ୍ୟ।
ଦିବାନ୍: କେବଳ ଡ୍ରଇଁରୁମ୍ ନୁହେଁ ଅନ୍ୟ ରୁମ୍ରେ ବି ଅନେକେ ସୋଫା ପକାଇଥାନ୍ତି। ଯଦି ଆପଣ ବି ଏପରି କରିବାକୁ ଚାହାନ୍ତି ତେବେ ସୋଫା ବଦଳରେ ଦିବାନ୍ କିଣିପାରିବେ। ବିଶେଷ କରି ବେଡ୍ରୁମ୍ ଏବଂ ଲିଭିଙ୍ଗ୍ ରୁମ୍ ଲାଗି ଏହା ବେଷ୍ଟ ଅପ୍ସନ।
ସୋଫା କମ୍ ବେଡ୍: ଅନେକ ସମୟରେ ଘରକୁ ଗେଷ୍ଟ ଆସି ରହିଲେ ତାଙ୍କୁ କେଉଁ ଶୋଇବାକୁ ଦେବୁ ଭାବି କେହି କେହି ବ୍ୟସ୍ତ ହୋଇପଡନ୍ତି। ଯଦି ଆପଣଙ୍କ ଘରେ ଗେଷ୍ଟ ରୁମ୍ ନାହିଁ ତେବେ ବ୍ୟସ୍ତ ହୁଅନ୍ତୁ ନାହିଁ ଡ୍ରଇଁରୁମ୍ରେ ସୋଫା କମ୍ ବେଡ୍ ପକାଇ ଦିଅନ୍ତୁ। ଏହା ଆପଣଙ୍କ ପାଇଁ ଗେଷ୍ଟରୁମ୍ର ବେଷ୍ଟ ବିକଳ୍ପ ସାଜିବ।
