ବେଳେବେଳେ ପଶୁମାନଙ୍କର ଅଜବ କାରନାମା ଦେଖି ଆଶର୍ଯ୍ୟ ଲାଗିବା ସହ ହସ ବି ଲାଗେ। ସେମାନେ କଥା କହି ପାରୁ ନ ଥିଲେ ମଧ୍ୟ ମଣିଷର ଗତିବିଧିକୁ ଲକ୍ଷ୍ୟ କରି କାମ କରିଥାନ୍ତି। ଏବେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଯାହାକୁ ଦେଖିଲେ ହସିହସି ଗଡ଼ିବେ। ଭିଡିଓରେ ଏକ କୁକୁରକୁ ଦୁଇଟି ସିମ୍ପାଜି ସାବୁନ ଲଗାଇ ଘଷିମାଜି ଗାଧୋଇ ଦେଉଛନ୍ତି।
@MorissaSchwartz ତାଙ୍କ ଟୁଇଟରରେ ଆକାଉଣ୍ଟରେ ଏକ ଜବରଦସ୍ତ ଭିଡିଓ ଶେୟାର କରିଛନ୍ତି। ଯେଉଁଥିରେ ଦୁଇଟି ବଡ଼ ସିମ୍ପାଞ୍ଜି ଏକ କୁକୁରକୁ ପାଣି ଟବ୍ରେ ଗାଧୋଇବା ଦେଖିବାକୁ ମିଳିଛି। ଭିଡିଓର ଜଣେ ବ୍ୟକ୍ତି ମଧ୍ୟ ନଜର ଆସିଛନ୍ତି। ସିମ୍ପାଞ୍ଜି ଦ୍ୱୟ ବେଳେବେଳେ କୁକୁରକୁ ଗାଧୋଇ ଦେଉଛନ୍ତି। ୩ ଜଣ ପରସ୍ପରକୁ ସାବୁନ ଏବଂ ସାମ୍ପୁ ଲଗାଉଛନ୍ତି।
Bath Time!🧼🫧pic.twitter.com/UFTjYH2lB1
— Morissa Schwartz (Dr. Rissy) (@MorissaSchwartz) June 9, 2022
ପ୍ରଥମେ କୁକୁର ଗାଧୋଉଛି। ତା’ପରେ ମାଲିକ ଗାଧୋଉଛନ୍ତି। ସୋସିଆଲ ମିଡିଆରେ ଭାଇରାଲ ହେଉଥିବା କିଛି ଭିଡିଓ ଶିକ୍ଷଣୀୟ ମଧ୍ୟ ହୋଇଥାଏ। ଭିଡିଓରେ ଗୋଟିଏ କୁକୁର ଦୁଇଟି ସିମ୍ପାଞ୍ଜି ଚୁପ୍ଚାପ ଠିଆ ହେବାର ନଜର ଆସିଛନ୍ତି, ପରେ ମାଲିକ କୁକୁରକୁ ଗାଧୋଇ ଦେଉଛନ୍ତି। ଏହା ଦେଖି ସିମ୍ପାଞ୍ଜି ଦୁଇଟି କୁକୁରକୁ ବି ସାବୁନ ଲଗାଇ ଦେଉଛନ୍ତି। ବ୍ୟକ୍ତି ଜଣକ ଯେପରି କରୁଛନ୍ତି ସିମ୍ପାଞ୍ଜି ଦ୍ୱୟ ଅବିକଳ ସେମିତି କରୁଛନ୍ତି। ଏହା ପରେ ମାଲିକ ଆଉ ସିମ୍ପାଞ୍ଜି ଗାଧୋଉଛନ୍ତି। ମଝିରେ ମଝିରେ ସିମ୍ପାଞ୍ଜି ଛୋଟ ପିଲାଙ୍କ ପରି ପରସ୍ପର ଉପରକୁ ପାଣି ଫିଙ୍ଗୁଛନ୍ତି। ଭିଡିଓଟିକୁ ଲୋକେ ଖୁବ୍ ପସନ୍ଦ କରିଛନ୍ତି।
