ନୂଆଦିଲ୍ଲୀ,୨୯ ।୮: ସୁପ୍ରିମକୋର୍ଟର ମୁଖ୍ୟ ବିଚାରପତି ଭାବେ ସୋମବାର କାର୍ଯ୍ୟଭାର ଗ୍ରହଣ କରିବେ ଜଷ୍ଟିଶ ୟୁ ୟୁ ଲଳିତ । ପ୍ରଥମଦିନରେ ହିଁ ସେ ୯୦୦ରୁ ଅଧିକ ଆବେଦନକୁ ସୂଚିବଦ୍ଧ କରି ଏକ ପ୍ରଭାବଶାଳୀ ପ୍ରଦର୍ଶନ ନିର୍ଦ୍ଧାରିତ କରିଛନ୍ତି । ଏହି ଆବେଦନରେ କର୍ନାଟକର ହିଜାବ ବିବାଦ, କେରଳର ଖବରଦାତା ସିଦ୍ଦିକି କପ୍ପନଙ୍କ ଜାମିନ, ଗୌତମ ନବଲଖା ସମେତ ଅନେକ ମାମଲା ସାମିଲ ଅଛି । ସୂଚନାଯୋଗ୍ୟ, ଜଷ୍ଟିଶ ୟୁୟୁ ଲଳିତଙ୍କର ସୋମବାର ସିଜେଆଇ ଭାବେ ପ୍ରଥମ କାର୍ଯ୍ୟ ଦିବସ ରହିଛି । ସେ ଶନିବାର ଦେଶର ୪୯ତମ ମୁଖ୍ୟ ବିଚାରପତି ଭାବେ ଶପଥ ନେଇଥିଲେ । ହେଲେ ଶନିବାର ଓ ରବିବାର କୋର୍ଟ କାର୍ଯ୍ୟ ବନ୍ଦ ରହୁଥିବାରୁ ସୋମବାର ତାଙ୍କର ପ୍ରଥମ କାର୍ଯ୍ୟ ଦିବସ ରହିଛି ।
ରୋଷ୍ଟର ଭାବେ ସିଜେଆଇ ୧୫ ବେଞ୍ଚରେ ପ୍ରତ୍ୟେକକୁ ପ୍ରାୟ ୬୦ଟି ମାମଲା ଅର୍ଥାତ୍ ପାଖାପାଖି ୯୦୦ ମାମଲାର ଶୁଣାଣି ହେବ । ଏହି ଆବେଦନ ଲାଗି ସକାଳ ୧୦ଟା ୩୦ରୁ ସନ୍ଧ୍ୟା ୪ଟା ପର୍ଯ୍ୟନ୍ତ ୨୭୦ ମିନିଟ ସମୟ ମିଳିବ । ଏହାର ଅର୍ଥ ହେଉଛି ଗୋଟିଏ ମାମାଲା ପାଇଁ ୪ ମିନିଟରୁ ସାମାନ୍ୟ ଅଧିକ ସମୟ ମିଳିବ । ଏହି ସମୟ ମଧ୍ୟରେ ଆବେନକାରୀଙ୍କ ଓକିଲଙ୍କୁ ବିଚାରପତିଙ୍କୁ ବୁଝାଇବାକୁ ପଡିବ ଯେ ସେ ଏହି ଆବେଦନର ବିଚାର କାହିଁକି କରିବାକୁ ଚାହୁଁଛନ୍ତି, ବିପରିତ ପକ୍ଷରୁ ଜବାବ ମାଗିବା ଦରକାର ଓ ମଧ୍ୟବର୍ତ୍ତିକାଳିନ ସମୟ ବି ଦେବା ଦରକାର । ଜଷ୍ଟିଶ ଏମଆର ଶାହଙ୍କ ଅନୁଗାମୀ ବେଞ୍ଚକୁ ସବୁଠାରୁ ଅଧିକ ୬୫ ଆବେଦନ ଦିଆଯାଇଛି ।
