ଜଳେଶ୍ୱର, ୨୨।୧୨(ଡି.ଏନ.ଏ.) ଗ୍ରୀନ୍-ରେ ଚିଟ୍ଫଣ୍ଡ ସମଗ୍ର ଦେଶରୁ ୨ହଜାର କୋଟିରୁ ଅଧିକ ଟଙ୍କା ଲୁଟିଥିବା ବେଳେ ଓଡ଼ିଶାରୁ ପ୍ରାୟ ୫୦୦ କୋଟି ଟଙ୍କା ଲୁଟି ନେଇଛି। ସରକାରଙ୍କ ନିର୍ଦ୍ଦେଶକ୍ରମେ ବାଲେଶ୍ୱର ଜିଲା ଜଳେଶ୍ୱରଠାରେ ଥିବା ଏହାର ମୁଖ୍ୟ କାଯର୍ୟାଳୟକୁ ୨୦୧୩ ମେ’ରେ ସିଲ୍ କରାଯାଇଥିଲା। ଏହାର ୩ଜଣ ମୁଖ୍ୟଙ୍କ ମଧ୍ୟରୁ ସହିରୁଦ୍ଦିନ ଓରଫ୍ ଗୋରାଙ୍କୁ କୋଲକାତା ଏୟାରପୋର୍ଟ ଓ ଆୟୁବ ସାହାଙ୍କୁ ଛତିଶଗଡ଼ରୁ ଗିରଫ କରାଯାଇଥିଲା। ସଂସ୍ଥାର ମୁଖ୍ୟ ଖାଲିକ ସାହା ବର୍ତ୍ତମାନ ସୁଦ୍ଧା ଫେରାର ଅଛନ୍ତି। ମଙ୍ଗଳବାର ଛତିଶଗଡ଼ ପୋଲିସ୍ର ଏକ ୪ଜଣିଆ ଟିମ୍ ଜଳେଶ୍ୱର ଆସି ସହରରେ ଥିବା ଖାଲିକ୍ ସାହା, ତୋଇମୁଦ୍ଦିନ ଓ ଅଜିତ୍ ସାହାଙ୍କ ଘର ଉପରେ ଚଢ଼ାଉ କରିଥିଲେ। ମାତ୍ର କାହାରିକୁ ଗିରଫ କରିବାରେ ସଫଳ ନ ହୋଇ ଫେରିଯାଇଥିବା ଜଣାଯାଇଛି।
