ଚୁଇଗମ୍ ଖାଇବା କାହାକୁ ବା ପସନ୍ଦ ନୁହେଁ। କିନ୍ତୁ ଏଭଳି ଏକ ଦେଶ ଅଛି, ଯେଉଁଠାରେ ଚୁଇଗମ୍ ଖାଇଲେ ମିଳେ ଜେଲଦଣ୍ଡ। ବିଶ୍ୱର ଅନ୍ୟତମ ସ୍ବଚ୍ଛ ଦେଶ ଭାବେ ଜଣାଯାଉଥିବା ସିଙ୍ଗାପୁରରେ ଚୁଇଗମ୍ ଉପରେ ପ୍ରତିବନ୍ଧକ ଲଗାଯାଇଛି। କେବଳ ଖାଇବା ଉପରେ ନୁହେଁ, ବରଂ ଏହାକୁ କିଣିବା, ବିକିବା, ସାଥିରେ ନେବା ଉପରେ ମଧ୍ୟ ଲଗାଯାଇଛି ରୋକ।
ତେବେ ଏଭଳି ପ୍ରତିବନ୍ଧକ ପଛର କାରଣ କ’ଣ ? ନିଶ୍ଚିିତ ମନରେ ପ୍ରଶ୍ନ ଆସୁଥିବ। ସିଙ୍ଗାପୁରରେ ସର୍ବାଦା ସ୍ବଚ୍ଛତା ଗୁରୁତ୍ୱ ଦିଆଯାଏ। ଚୁଇଗମ୍ ଖାଉଥିବା ବ୍ୟକ୍ତିମାନେ ଏହାକୁ ଖାଇ ସାରିବା ପରେ ରାସ୍ତାରେ କିମ୍ବା ବିଭିନ୍ନ ସ୍ଥାନ ଫିଙ୍ଗି ଦିଅନ୍ତି। ଆଉ ଏହାକୁ ସଫା କରିବାରେ ଅଧିକ ପରିଶ୍ରମ କରିବାକୁ ପଡ଼େ। ଏଣୁ ୧୯୯୨ରୁ ଏହି ଦେଶରେ ଏଭଳି ଆଇନ ରହିଛି। ତେବେ ୨୦୦୪ରେ ଏଥିରେ କିଛି ପରିବର୍ତ୍ତନ କରାଯାଇଛି। ଡାକ୍ତର ଓ ସ୍ବୀକୃତିପ୍ରାପ୍ତ ଫାରମାସିଷ୍ଟ ନିକଟରେ ମିଳୁଥିବା ଥେରାପେଟିକ, ଡେଣ୍ଟାଲ ଓ ନିକୋଟିନ ଚୁଇଗମ୍କୁ ଦେଶରେ ଦିଆଯାଇଛି ଅନୁମତି।
