ଭୁବନେଶ୍ୱର,୧୧।୧୨(ବ୍ୟୁରୋ): ପୂର୍ବତଟ ରେଳପଥ ଓ ଏହା ପରିସୀମା ମଧ୍ୟରେ ଚଳାଚଳ କରୁଥିବା ସ୍ପେଶାଲ ଟ୍ରେନଗୁଡିକର ସମୟ ସାରଣୀକୁ ବିଭିନ୍ନ ଷ୍ଟେଶନରେ ପରିବର୍ତ୍ତନ କରାଯାଇଛି। ଯାତ୍ରୀଙ୍କ ସୁବିଧା ସହ ଟ୍ରେନ ପରିଚାଳନାକୁ ସହଜ କରିବାପାଇଁ ଏଭଳି ନିଷ୍ପତ୍ତି ନିଆଯାଇଛି। ଭୁବନେଶ୍ୱର-ଆନନ୍ଦ ବିହାର-ଭୁବନେଶ୍ୱର ଦ୍ୱି-ସାପ୍ତାହିକ ସ୍ପେଶାଲ ଟ୍ରେନ, ଭୁବନେଶ୍ୱର-ଲୋକମାନ୍ୟ ତିଲକ-ଭୁବନେଶ୍ୱର ଦ୍ୱି-ସାପ୍ତାହିକ ସ୍ପେଶାଲ ଟ୍ରେନ, ଭୁବନେଶ୍ୱର-ତିରୁପତି-ଭୁବନେଶ୍ୱର ସାପ୍ତାହିକ ସ୍ପେଶାଲ ଟ୍ରେନ, ଭୁବନେଶ୍ୱର-ଚେନ୍ନାଇ ସେଣ୍ଟ୍ରାଲ୍-ଭୁବନେଶ୍ୱର ସାପ୍ତାହିକ ସ୍ପେଶାଲ ଟ୍ରେନ, ଭୁବନେଶ୍ୱର-ବାଙ୍ଗାଲୋର କ୍ୟାଣ୍ଟ-ଭୁବନେଶ୍ୱର ସାପ୍ତାହିକ ସ୍ପେଶାଲ ଟ୍ରେନ, ଭୁବନେଶ୍ୱର-ପୁଡୁଚେରୀ-ଭୁବନେଶ୍ୱର ସାପ୍ତାହିକ ସ୍ପେଶାଲ, ଭୁବନେଶ୍ୱର-ରାମେଶ୍ୱରମ୍-ଭୁବନେଶ୍ୱର ସାପ୍ତାହିକ ସ୍ପେଶାଲ, ସମ୍ବଲପୁର-ହାଓଡ଼ା-ସମ୍ବଲପୁର ସାପ୍ତାହିକ ବିଶେଷ, ସମ୍ବଲପୁର-ମାଣ୍ଡୁଆଡିହ-ସମ୍ବଲପୁର ଦ୍ୱି-ସାପ୍ତାହିକ ମହୋତ୍ସବ ସ୍ପେଶାଲ ଟ୍ରେନ, ପୁରୀ-ପାଟନା-ପୁରୀ ବୈଦ୍ୟନାଥ ସାପ୍ତାହିକ ସ୍ପେଶାଲ, ପୁରୀ-ଜୟନଗର-ପୁରୀ ସାପ୍ତାହିକ ସ୍ପେଶାଲ, ପୁରୀ-ସୁରଟ-ପୁରୀ ସାପ୍ତାହିକ ସ୍ପେଶାଲ, ପୁରୀ-ଲୋକମାନ୍ୟତିଳକ-ପୁରୀ ସ୍ପେଶାଲ, ପୁରୀ-ଚେନ୍ନାଇ ସେଣ୍ଟ୍ରାଲ୍-ପୁରୀ ସାପ୍ତାହିକ ସ୍ପେଶାଲ, ବିଶାଖାପାଟନମ୍-ନିଜାମମୁଦ୍ଦିନ-ବିଶାଖାପାଟନମ୍ ଦ୍ୱି-ସାପ୍ତାହିକ ସ୍ପେଶାଲ, ବିଶାଖାପାଟନମ୍-ନିଜାମମୁଦ୍ଦିନ-ବିଶାଖାପାଟନମ୍ ସ୍ପେଶାଲ, ବିଶାଖାପାଟନମ୍-ଚେନ୍ନାଇ ସେଣ୍ଟ୍ରାଲ-ବିଶାଖାପାଟନମ୍ ସାପ୍ତାହିକ ସ୍ପେଶାଲ, ବିଶାଖାପାଟନମ୍-ଲୋକମାନ୍ୟ ତିଳକ ଟର୍ମିନସ- ବିଶାଖାପାଟନମ୍ ସାପ୍ତାହିକ ସ୍ପେଶାଲ, ବିଶାଖାପାଟନମ୍-ଗାନ୍ଧୀଧାମ-ବିଶାଖାପାଟନମ୍ ସାପ୍ତାହିକ ସ୍ପେଶାଲ, ବିଶାଖାପାଟନମ୍-କଡପା-ବିଶାଖାପାଟନମ୍ ସ୍ପେଶାଲ ଏବଂ ରାଉରକେଲା-ଭୁବନେଶ୍ୱର-ରାଉରକେଲା ସ୍ପେଶାଲ ଟ୍ରେନ ପରିବର୍ତ୍ତିତ ସମୟ ସାରଣୀ ଅନୁଯାୟୀ ଚଳାଚଳ କରିବ। ଯାତ୍ରୀମାନେ ବିଭିନ୍ନ ଷ୍ଟେଶନରେ ସେମାନଙ୍କ ଟ୍ରେନଗୁଡିକର ସମୟ ସାରଣୀ ଯାତ୍ରା ପୂର୍ବରୁ ଅବଗତ ହେବାକୁ ପୂର୍ବତଟ ରେଳପଥ ପକ୍ଷରୁ ଅନୁରୋଧ କରାଯାଇଛି। ଯାତ୍ରୀମାନେ http://www.indianrail.gov.in/enquiry/StaticPages/StaticEnquiry.jsp?StaticPage=index.html, https://enquiry.indianrail.gov.in/ntes/index.html କିମ୍ବା ଆଇଆର୍ସିଟିସି ୱେବସାଇଟ୍ https://trainenquiry.comରେ ସ୍ବତନ୍ତ୍ର ଟ୍ରେନର ସଂଶୋଧିତ ସମୟ ବିଷୟରେ ଜାଣିପାରିବେ। ଏହାବାଦ୍ ବିଭିନ୍ନ ଷ୍ଟେଶନରେ ଥିବା ଅନୁସନ୍ଧାନ କେନ୍ଦ୍ର କିମ୍ବା ସର୍ବଭାରତୀୟ ହେଲ୍ପଲାଇନ ନମ୍ବର-୧୩୯ ସହିତ ଯୋଗାଯୋଗ କରିପାରିବେ ବୋଲି ପୂର୍ବତଟ ରେଳପଥ ପକ୍ଷରୁ କୁହାଯାଇଛି।
