ଆସନ୍ତାକାଲି ଅର୍ଥାତ ମଙ୍ଗଳବାର ବର୍ଷର ଦ୍ୱିତୀୟ ତଥା ଅନ୍ତିମ ଚନ୍ଦ୍ରଗ୍ରହଣ ପଡ଼ିବାକୁ ଯାଉଛି। ଅନେକ ବର୍ଷ ପରେ ଏଭଳି ସଂଯୋଗ ସୃଷ୍ଟି ହୋଇଛି ଯେଉଁଥିରେ ସୂର୍ଯ୍ୟଗ୍ରହଣର ୧୫ ଦିନ ମଧ୍ୟରେ ଚନ୍ଦ୍ରଗ୍ରହଣ ଲାଗୁଛି। ଗ୍ରହଣର ୯ ଘଣ୍ଟା ପୂର୍ବରୁ ସୂତକ କାଳ ଅବଧି ଆରମ୍ଭ ହୁଏ। ଏହି ସମୟରେ ଶୁଭ ତଥା ମାଙ୍ଗଳିକ କାର୍ଯ୍ୟ କରିବା ନିଷେଧ। ଏଥିସହ ଭ୍ରମଣ, ଭୋଜନ ଏବଂ ରାନ୍ଧିବାକୁ ନିଷେଧ କରାଯାଇଥାଏ। ଆସନ୍ତୁ ଜାଣିବା ଗ୍ରହଣ ସମୟରେ କ’ଣ କରିବା ଉଚିତ ଏବଂ କ’ଣ କରିବା ଅନୁଚିତ।
ହିନ୍ଦୁ କ୍ୟାଲେଣ୍ଡର ଅନୁଯାୟୀ ଚନ୍ଦ୍ରଗହଣ ନଭେମ୍ବର ୮ ମଙ୍ଗଳବାର ପଡ଼ୁଛି। ଅପରାହ୍ନ ୫.୩୨ରୁ ଆରମ୍ଭ ହୋଇ ଏହା ୬.୧୮ରେ ଶେଷ ହେବ। ଏହାର ସମୁଦାୟ ଅବଧି ୪୬ ମିନିଟ୍ ରହିବ। ଅନେକ ସ୍ଥାନରେ ଏଥିରେ ପରିବର୍ତ୍ତନ ହୋଇପାରେ।
ଚନ୍ଦ୍ରଗ୍ରହଣ ସମୟରେ କ’ଣ କରିବେ ନାହିଁ।
-ଏହି ସମୟରେ ସମସ୍ତ ଶୁଭ ଏବଂ ମାଙ୍ଗଳିବ କାର୍ଯ୍ୟ କରିବା ନିଷେଧ। ଏଥିଲାଗି କୌଣସି ଶୁଭ କାର୍ଯ୍ୟର ଆୟୋଜନ କରନ୍ତୁ ନାହିଁ।
-ଏହି ସମୟରେ ମନ୍ଦିରର କବାଟ ବନ୍ଦ କରନ୍ତୁ। କାରଣ ଏହି ସମୟରେ ପୂଜା ନିଷେଧ।
-ଗର୍ଭବତୀ ହୋଇଥିେ ଘରୁ ବାହାରକୁ ଆସନ୍ତୁ ନାହିଁ। ନଚେତ ଗର୍ଭସ୍ଥ ସନ୍ତାନ ଉପରେ ନକରାତ୍ମକ ପ୍ରଭାବ ପଡ଼ିଥାଏ।
-ଗର୍ଭବତୀ ମହିଳାମାନେ ମଧ୍ୟ ଗ୍ରହଣ ସମୟରେ ତୀକ୍ଷ୍ଣ ଜିନିଷ ବ୍ୟବହାର କରିବା ଉଚିତ ନୁହେଁ।
-ଏହି ସମୟରେ ଶୋଇବା ନିଷେଧ ବୋଲି କୁହାଯାଏ। ହେଲେ ପିଲା, ବୃଦ୍ଧା ଏବଂ ଅସୁସ୍ଥ ଲୋକଙ୍କ ପାଇଁ ଏହା ଲାଗୁ ନୁହେଁ।
ଚନ୍ଦ୍ରଗ୍ରହଣ ସମୟରେ କ’ଣ କରିବେ?
-ଚନ୍ଦ୍ରଗ୍ରହଣ ସୂତକ କାଳ ଆରମ୍ଭ ହେବା ପୂର୍ବରୁ କିଛି ତୁଳସୀ ଛିଡ଼ାଇ ପାଖରେ ରଖନ୍ତୁ। ପରେ ଏହା କରିବା ଅନୁୁୁୁଚିତ।
-ଖାଇବା-ପିଇବା ସାମଗ୍ରୀରେ ତୁଳସୀ ପକାଇ ରଖନ୍ତୁ। ଏହା ଗ୍ରହଣର ନକରାତ୍ମକ ପ୍ରଭାବ ପକାଇବ ନାହିଁ।
-ନିର୍ଜନ ସ୍ଥାନରେ ବସନ୍ତୁ। ଭଗବାନ ଶିବଙ୍କ ଗାୟତ୍ରୀ ମନ୍ତ୍ର ଜପ କରନ୍ତୁ।
-ଗ୍ରହଣ ସମୟରେ ଦାନ କରିବା ଶୁଭ ବୋଲି ବିବେଚନା କରାଯାଏ।
-ଚନ୍ଦ୍ରଗ୍ରହଣ ସମାପ୍ତ ହେବା ପରେ ଗଙ୍ଗାଜଳରେ ସ୍ନାନ କରନ୍ତୁ
-ମନ୍ଦିର କବାଟ ଖୋଲନ୍ତୁ। ସମସ୍ତ ଦେବତାଙ୍କୁ ଗଙ୍ଗାଜଳରେ ସ୍ନାନ କରାନ୍ତୁ।
