ଜୀବନସାଥୀଙ୍କ ପ୍ରେମ ଓ ସମର୍ପଣ ପାଇଥିବା ବ୍ୟକ୍ତି ଦୁନିଆର ସବୁଠାରୁ ସୁଖୀ। ଘରେ ଖୁସିରେ ରହୁଥିବା ବ୍ୟକ୍ତିର ଜୀବନରେ କେବେ ବି ଦୁଃଖ ଏବଂ ଅଶାନ୍ତି ନ ଥାଏ। ଫଳରେ ସେ ଜୀବନରେ ସଫଳତା ପାଇଥାଏ। ହେଲେ ଦାମ୍ପତ୍ୟ ଜୀବନରେ କଳହ ଦେଖାଦେଲେ ବ୍ୟକ୍ତିର ଜୀବନରେ ଅଶାନ୍ତି ସୃଷ୍ଟି ହୋଇଥାଏ। ଏଣୁ ସେ ଏଣୁ ସୁଖୀ ଦାମ୍ପତ୍ୟ ପାଇଁ ଜୀବନରେ ମଧୁରତା ଏବଂ ପ୍ରେମର ଆବଶ୍ୟକତା ରହିଛି। ନିଜ ନିଜର କର୍ତ୍ତବ୍ୟକୁ ବୁଝିବା ସହ ଏହି କଥାକୁ ଭୁଲିବା ଉଚିତ ନୁହେଁ ବୋଲି ଚାଣକ୍ୟଙ୍କ କହିଛନ୍ତି।
-ଜୀବନସାଥୀଙ୍କୁ ସର୍ବଦା ସମ୍ମାନ କରନ୍ତୁ
ଜୀବନସାଥୀ ଯେମିତି ହୋଇଥାଆନ୍ତୁ ନା କାହିଁକି ତାଙ୍କୁ କେବେ ନିଜଠାରୁ କମ୍ ମନେ କରନ୍ତୁ ନାହିଁ। କାରଣ ଦୁନିଆରେ କେହି ବି ପୂର୍ଣ୍ଣ ନୁହନ୍ତି। ସମସ୍ତଙ୍କ ପାଖରେ କିଛି ନା କିଛି ଗୁଣ କମ୍ ରହିଥାଏ। ଏଣୁ ଏହାକୁ କେବେହେଲେ ମୁଦ୍ଦା କରି କଳହ କରିବା ଉଚିତ ନୁହେଁ। ବଦଳରେ ଆପଣ ଭୁଲକୁ ସୁଧାରିବାକୁ ଚେଷ୍ଟା କରନ୍ତୁ। ଏହାଦ୍ୱାରା ଜୀବନସାଥୀଙ୍କ ସମର୍ପଣ ଏବଂ ପ୍ରେମ ପ୍ରାପ୍ତ ହେବ।
-ଜୀବନସାଥୀଙ୍କ ଦୁର୍ବଳତାକୁ ଅନ୍ୟମାନଙ୍କ ଆଗରେ ପ୍ରକାଶ କରନ୍ତୁ ନାହିଁ:
ଚାଣକ୍ୟଙ୍କ ଅନୁଯାୟୀ ଜୀବନସାଥୀଙ୍କ ଦୁର୍ବଳତା ଅନ୍ୟମାନଙ୍କୁ ପ୍ରକାଶ କରିବା ଉଚିତ ନୁହେଁ ବରଂ ଏହି ସେହି ଦୁର୍ବଳତାକୁ ଦୂର କରିବା ଲାଗି ଉଦ୍ୟମ କରିବା ଉଚିତ। ଯେଉଁମାନେ ଏହା କରିପାରନ୍ତି ନାହିଁ, ତାଙ୍କ ଦାମ୍ପତ୍ୟ ଜୀବନ ଦୁଃଖରେ ପରିପୂର୍ଣ୍ଣ ହୋଇଥାଏ। ଏଣୁ ପରସ୍ପରର ଶକ୍ତି ପାଲଟିବା ଉଚିତ।
-କଥାବାର୍ତ୍ତା/ ଯୋଗାଯୋଗ କମ୍ କରନ୍ତୁ ନାହିଁ
ଚାଣକ୍ୟଙ୍କ ଅନୁଯାୟୀ, ସମସ୍ୟା ଯେତେବଡ଼ ହେଉନା କାହିଁକି, ପରସ୍ପର ସହ କଥାବାର୍ତ୍ତା ଦ୍ୱାରା ସମାଧାନ ହୋଇପାରିବ। ଏଣୁ ଯୋଗାଯୋଗର ଅଭାବ ଥିଲେ ସମ୍ପର୍କରେ ଫାଟ ସୃଷ୍ଟି ହୁଏ। ଏଣୁ ପରସ୍ପରସହ କଥାବାର୍ତ୍ତା ବନ୍ଦ କରିବା ଉଚିତ ନୁହେଁ। ପ୍ରତ୍ୟେକ ବିଷୟରେ ଖୋଲାଖୋଲି କଥା ହୁଅନ୍ତୁ। ଏହାଦ୍ୱାରା ସମ୍ପର୍କ ପୂର୍ବବତ ରହିଥାଏ।
