କରାଚୀ,୨୧।୨: ୨୦୨୫ ଚାମ୍ପିଅନ୍ସ ଟ୍ରଫିରେ ପାକିସ୍ତାନ କ୍ରିକେଟ ଦଳ ପାଇଁ ଏପର୍ଯ୍ୟନ୍ତ କିଛି ଭଲ ଘଟିନାହିଁ। ଟୁର୍ନାମେଣ୍ଟ ଆରମ୍ଭ କରିବା ସମୟରେ ଫଖର ଜମାନ ପ୍ରଥମ ଓଭରରେ ଆହତ ହୋଇଥିଲେ ଏବଂ ସମଗ୍ର ଟୁର୍ନାମେଣ୍ଟରୁ ବାଦ ପଡ଼ିଥିଲେ। ଏହି ମ୍ୟାଚ ହାରିବା ପରେ, ପାକିସ୍ତାନ ସେମିଫାଇନାଲ ଦୌଡ଼ରୁ ବାହାର ହୋଇଯାଇଥିବା ପରି ମନେ ହେଉଛି। ସ୍ଲୋ ଓଭର ରେଟ ପାଇଁ ଆଇସିସି ପାକିସ୍ତାନକୁ ଜୋରିମନା କରିଛି। ପାକିସ୍ତାନର ଡ୍ରେସିଂ ରୁମର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି, ଏଥିରେ ଆଉଟ ହେବା ପରେ ଫେରିଥିବା ଫଖର ଜମାନ ଭୋ ଭୋ କାନ୍ଦୁଥିବା ଦେଖାଯାଉଛି।
ଶାହିନ ଆଫ୍ରିଦିଙ୍କ ପ୍ରଥମ ଓଭରରେ ଫଖର ଜମାନ ଆହତ ହୋଇଥିଲେ। ସେ ସୀମା ଆଡକୁ ଯାଉଥିବା ବଲ୍କୁ ରୋକିବା ପାଇଁ ଡ୍ରାଇଭ ମାରିଥିଲେ କିନ୍ତୁ ନିଜେ ଆହତ ହୋଇଥିଲେ। ତାଙ୍କୁ ପଡ଼ିଆ ଛାଡ଼ିବାକୁ ପଡିଥିଲା, ଯଦିଓ ସେ ଅଳ୍ପ ସମୟ ପରେ ପଡ଼ିଆକୁ ଫେରିଥିଲେ। ଫଖର ମଧ୍ୟ ବ୍ୟାଟିଂ କରିବାକୁ ଆସିଥିଲେ କିନ୍ତୁ ବଡ଼ ସ୍କୋର କରିପାରି ନ ଥିଲେ। ଏବେ ତାଙ୍କ ଆଉଟ ହେବା ପରେ, ସେ ଡ୍ରେସିଂ ରୁମ ଭିତରକୁ ଯିବାର ଭିଡିଓ ଭାଇରାଲ ହେଉଛି।
ଭିଡିଓରେ ଦେଖାଯାଉଛି ଯେ, ଫଖର ଜମାନ ଆଉଟ ହେବା ପରେ ବହୁତ ନିରାଶ ଦେଖାଯାଉଛନ୍ତି। ସେ ଠିକ ଭାବରେ ଚାଲିପାରୁନାହାଁନ୍ତି। ସେ ଡ୍ରେସିଂ ରୁମରେ ମୁଣ୍ଡ ନୁଆଁଇ ବସିଛନ୍ତି ଏବଂ ତା’ପରେ ପ୍ରବଳ କାନ୍ଦିବାକୁ ଆରମ୍ଭ କରନ୍ତି। ଏହି ସମୟରେ, ଜଣେ ଦଳର ସଦସ୍ୟ ତାଙ୍କୁ ସାନ୍ତ୍ୱନା ଦେଉଥିବାର ଦେଖାଯାଉଛି। ଫଖରଙ୍କ ବଦଳ ଭାବରେ ପାକିସ୍ତାନ ଇମାମ ଉଲ ହକଙ୍କ ନାମ ଘୋଷଣା କରିଛି।
ଟୁର୍ନାମେଣ୍ଟରୁ ବାହାର ହେବା ପରେ, ଫଖର ଜମାନ ଏକ ଭାବପ୍ରବଣ ପୋଷ୍ଟ ମଧ୍ୟ କରିଥିଲେ। ଜମାନ ତାଙ୍କ ଏକ୍ସ ଆକାଉଣ୍ଟରେ ଲେଖିଛନ୍ତି, ସବୁଠାରୁ ବଡ଼ ମଞ୍ଚରେ ପାକିସ୍ତାନର ପ୍ରତିନିଧିତ୍ୱ କରିବା ଏହି ଦେଶର ପ୍ରତ୍ୟେକ କ୍ରିକେଟରଙ୍କ ପାଇଁ ସମ୍ମାନ ଏବଂ ସ୍ବପ୍ନ। ମୁଁ ଗର୍ବର ସହିତ ଅନେକ ଥର ପାକିସ୍ତାନର ପ୍ରତିନିଧିତ୍ୱ କରିବାର ସୌଭାଗ୍ୟ ପାଇଛି। ଦୁର୍ଭାଗ୍ୟବଶତଃ ମୁଁ ଏବେ ICC ଚାମ୍ପିଅନ୍ସ ଟ୍ରଫି ୨୦୨୫ ରୁ ବାହାର ହୋଇଯାଇଛ। ଏହି ସୁଯୋଗ ପାଇଁ କୃତଜ୍ଞ। ମୁଁ ଘରୁ ମୋ ଦଳକୁ ସମର୍ଥନ କରିବି। ଏହା କେବଳ ଆରମ୍ଭ, ପ୍ରତ୍ୟାବର୍ତ୍ତନ ଦୃଢ଼ ହେବ।
Heartbreaking visuals from National Bank Stadium, Karachi after Fakhar Zaman was ruled out of Champions Trophy 2025.😔💔 pic.twitter.com/zQG20a7APg
— Salman 🇵🇰 (@SalmanAsif2007) February 20, 2025
