କ୍ୱିଭ,୨୧।୨: ଡୋନାଲ୍ଡ ଟ୍ରମ୍ପଙ୍କ ପରେ, ତାଙ୍କ ସହଯୋଗୀ ଏବଂ ଟେସଲାର ସିଇଓ ଏଲୋନ ମସ୍କ ମଧ୍ୟ ୟୁକ୍ରେନୀୟ ରାଷ୍ଟ୍ରପତି ଜେଲନସ୍କିଙ୍କୁ ଟାର୍ଗେଟ କରିଛନ୍ତି। ୨୦୨୨ ମସିହାରେ ରୁଷିଆ-ୟୁକ୍ରେନ ଯୁଦ୍ଧ ମଧ୍ୟରେ ଜେଲେନସ୍କି ଏବଂ ତାଙ୍କ ପତ୍ନୀଙ୍କ ଦ୍ୱାରା ଏକ ପତ୍ରିକା ପାଇଁ କରାଯାଇଥିବା ଏକ ଫଟୋସୁଟର ଫଟୋ ଶେୟାର କରି ମସ୍କ ସେମାନଙ୍କୁ କଡ଼ା ସମାଲୋଚନା କରିଛନ୍ତି।
ଜେଲେନ୍ସକି ଏବଂ ତାଙ୍କ ପତ୍ନୀ ପତ୍ରିକା ପାଇଁ ଏକ ଫଟୋସୁଟ କରିଥିଲେ
ମସ୍କ ଲେଖିଛନ୍ତି ଯେ ଯୁଦ୍ଧ କ୍ଷେତ୍ରରେ ଏତେ ପିଲା ମୃତ୍ୟୁବରଣ କରୁଥିଲେ, କିନ୍ତୁ ଜେଲନସ୍କି ଏହି କାମରେ ବ୍ୟସ୍ତ ଥିଲେ। ପତ୍ରିକା ପାଇଁ ଏହି ଫଟୋସୁଟରେ ରାଷ୍ଟ୍ରପତି ଭୋଲୋଡିମିର ଜେଲେନସ୍କି ଏବଂ ତାଙ୍କ ପତ୍ନୀ ଓଲେନା ଜେଲେନସ୍କିଙ୍କ ଫଟୋ ସାମିଲ ଥିଲା। ପତ୍ରିକାଟି ଏହି ଫଟୋକୁ ସାହସିକତାର ପୋଟ୍ରେଟ – ୟୁକ୍ରେନର ପ୍ରଥମ ମହିଳା ଓଲେନା ଜେଲେନସ୍କି ଶୀର୍ଷକ ସହିତ ପ୍ରକାଶ କରିଛି। ସେହି ସମୟରେ ପ୍ରକାଶିତ ଏହି ଫିଚରର ଲକ୍ଷ୍ୟ ଥିଲା ୟୁକ୍ରେନୀୟ ଲୋକଙ୍କ ମଧ୍ୟରେ ଯୁଦ୍ଧ ପରିସ୍ଥିତି ବିଷୟରେ ସଚେତନତା ସୃଷ୍ଟି କରିବା।
ତଥାପି, ଏହି ଫଟୋସୁଟର ସମୟକୁ ନେଇ ଅନେକ ସ୍ଥାନରେ ସମାଲୋଚନା ହୋଇଥିଲା। ଏହି ଫଟୋସୁଟ ପାଇଁ ଜେଲେନସ୍କି ପୂର୍ବରୁ ସମାଲୋଚନାର ସମ୍ମୁଖୀନ ହୋଇଛନ୍ତି। ପୂର୍ବରୁ ରିପବ୍ଲିକାନ ନେତା ଲରେନ ବୋଏବର୍ଟ ମଧ୍ୟ ଏହା ଉପରେ ଅନେକ ପ୍ରଶ୍ନ ଉଠାଇଥିଲେ।
ଜେଲେନସ୍କିଙ୍କୁ ପ୍ରଶ୍ନ କରିବା ସମୟରେ ମସ୍କ କହିଥିଲେ ଯେ ଆମେ ୟୁକ୍ରେନକୁ ସାହାଯ୍ୟ କରିବା ପାଇଁ ୬୦ ବିଲିୟନ ଡଲାରର ସହାୟତା ପଠାଇ ସାରିଛନ୍ତି। କିନ୍ତୁ ଏହା ଦେଖାଯାଉଛି ଯେ ଜେଲେନସ୍କିଙ୍କୁ କିଛି ଚିନ୍ତା ନାହିଁ, ସେ ତାଙ୍କ ପତ୍ନୀଙ୍କ ସହ ଫଟୋସୁଟ କରାଇବାରେ ବ୍ୟସ୍ତ ଅଛନ୍ତି।
ଏହି ଫଟୋ ପାଇଁ ଅନେକ ଲୋକ ଜେଲେନ୍ସକିଙ୍କୁ ସମାଲୋଚନା କରିଥିବା ବେଳେ, ଅନେକ ତାଙ୍କୁ ସମର୍ଥନ ମଧ୍ୟ କରିଛନ୍ତି। ତଥାପି, ମସ୍କ ଏହି ଫଟୋରେ ମନ୍ତବ୍ୟ ଦେବା ପରେ, ଏହା ପୁଣି ଥରେ ଶିରୋନାମାକୁ ଆସିଛି।
He did this while kids are dying in trenches on the war front pic.twitter.com/NPhDz3cP46
— Elon Musk (@elonmusk) February 20, 2025
