ଭଞ୍ଜନଗର,୨୭।୪(ବାବୁଲା ପ୍ରଧାନ)-ଗଞ୍ଜାମ ଜିଲା ଭଞ୍ଜନଗର ଘୁମୁସର ଉତ୍ତର ବନଖଣ୍ଡ ମୁଜାଗଡ ରେଞ୍ଜ ଅଧିନରେ ଥିବା ବାପାଙ୍ଗି ମନ୍ଦିର ନିକଟରେ ସୋମବାର ଏକ ୱାଚ ଟାୱାର ଉଦଘାଟିତ ହୋଇଯାଇଛି। ଭଞ୍ଜନଗର ବିଧାୟକ ପ୍ରଦ୍ୟୁମ୍ନ କୁମାର ନାୟକ ମୁଖ୍ୟ ଅତିଥି ଭାବେ ଯୋଗଦେଇ ତାହାକୁ ଉଦଘାଟନ କରିଥିଲେ। ଏହି ଅବସରରେ ସେ ଆଲୋଚନା ସମୟରେ କହିଥିଲେ ଯେ, ଉକ୍ତ ୱାଚ ଟାୱାର ଉଦଘାଟନ ପରେ ଏଠାକୁ ଆସୁଥିବା ପର୍ଯ୍ୟଟକମାନେ ପ୍ରକୃତିକୁ ଉପଭୋଗ କରିପାରିବେ। ରାଜ୍ୟ ସରକାର ବିପୁଳ ଅର୍ଥ ଖର୍ଚ୍ଚ କରି ବନ ବିଭାଗକୁ ଆଧୁନିକୀକରଣ କରିବା ସହ ଭିତ୍ତିଭୂମି ସୁଦୃଢ କରୁଛନ୍ତି। ଜଙ୍ଗଲ ସୁରକ୍ଷା ପାଇଁ ନୂତନ ନିଯୁକ୍ତି ଦିଆଯାଉଛି।
ଏହାପରେ ବିଧାୟକ ନାୟକ ଭଞ୍ଜନଗରଠାରେ ହୋଇଥିବା ଏସିଏଫ କ୍ୱାର୍ଟରକୁ ମଧ୍ୟ ଉଦଘାଟନ କରିଥିଲେ। ଏଥିସହ ସକାଳେ ଭଞ୍ଜନଗର ଚକରା ଘାଟି ପରିଦର୍ଶନ କରିବାକୁ ଯାଇଥିଲେ ବିଧାୟକ। ପ୍ରାୟ ୬ କୋଟିରୁ ଊଦ୍ଧର୍ବ ଟଙ୍କା ବ୍ୟୟରେ ଚକରା ଘାଟି ଆଧୁନିକୀକରଣ କାର୍ଯ୍ୟ ଚାଲିଛି। କାର୍ଯ୍ୟ ଅଗ୍ରଗତି ନେଇ ସମୀକ୍ଷା କରିଥିଲେ। ଖୁବଶୀଘ୍ର ଚକରା ଘାଟି ଉଦଘାଟିତ ହେବାର କାର୍ଯ୍ୟକ୍ରମ ରହିଛି।
ବିଧାୟକଙ୍କ ଗସ୍ତ ସମୟରେ ଡିଏଫଓ ହିମାଂଶୁ ଶେଖର ମହାନ୍ତି, ଏସିଏଫ ବିବେକ ଦାସ, ବିମଳ କୁମାର ପ୍ରଧାନ, ରେଞ୍ଜର ବିମ୍ବାଧର ସାହୁ, ଏମପି ପ୍ରତିନିଧି ସନ୍ତୋଷ ତିଆଡି, ଜିଲା ପରିଷଦ ଏମପି ପ୍ରତିନିଧି ଶିବଶଙ୍କର ପ୍ରଧାନ, ଭଞ୍ଜନଗର ଠାକୁରାଣୀ ଯାତ୍ରା କମିଟି କାର୍ଯ୍ୟକାରୀ ସଭାପତି ବିଷ୍ଟୁ ପ୍ରସାଦ ପ୍ରଧାନ, ସରକାରୀ ଓକିଲ ଧବଳେଶ୍ୱର ମାଝୀ, ଧୋବା ଗୌଡ,
ବୁବୁନି ମହାନ୍ତି, ଲକ୍ଷ୍ମୀ ପଣ୍ଡା ପ୍ରମୁଖ ଉପସ୍ଥିତ ଥିଲେ।