ନୂଆଦିଲ୍ଲୀ,୧୯।୧ : ମିଥ୍ୟା ଖବର ଉପରେ କେନ୍ଦ୍ର ସରକାର ଅତ୍ୟନ୍ତ କଠୋର ଏବଂ ଏହାକୁ ରୋକିବା ପାଇଁ କିଛି ଆଇଟି ନିୟମରେ ସଂଶୋଧନ କରିବାକୁ ଯାଉଛନ୍ତି। ତେବେ ଏହାର କାର୍ଯ୍ୟକାରିତା ପୂର୍ବରୁ ମଧ୍ୟ ଏହି ନିୟମକୁ ବିରୋଧ କରିବା ଆରମ୍ଭ ହୋଇଛି। ୍ଏଡିଟର୍ସ ଗିଲ୍ଡ ଅଫ ଇଣ୍ଡିଆ ସୋସିଆଲ ମିଡିଆ କମ୍ପାନୀଗୁଡ଼ିକୁ ପ୍ରେସ ଇନଫରମେଶନ ବ୍ୟୁରୋ (ପିଆଇବି) ଦ୍ୱାରା ମିଥ୍ୟା ବୋଲି ବିବେଚନା କରାଯାଉଥିବା ଆଇଟି ନିୟମରେ ସଂଶୋଧନ ଡ୍ରାଫ୍ଟକୁ ହଟାଇବାକୁ ସରକାରଙ୍କୁ ଅନୁରୋଧ କରିଛି।
ଏଡିଟର୍ସ ଗିଲ୍ଡ ଅଫ ଇଣ୍ଡିଆ ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି ଯେ ଡିଜିଟାଲ ମିଡିଆ ପାଇଁ ନିୟାମକ ଢାଞ୍ଚାରେ ପ୍ରେସ ସଂସ୍ଥା, ଗଣମାଧ୍ୟମ ସଂଗଠନ ଏବଂ ଅନ୍ୟ ହିତାଧିକାରୀଙ୍କ ସହ ଅର୍ଥପୂର୍ଣ୍ଣ ପରାମର୍ଶ ଆରମ୍ଭ କରିବାକୁ ଗୁଇନ୍ଦା ମନ୍ତ୍ରଣାଳୟକୁ ଅନୁରୋଧ କରିଛି। ଯାହାଦ୍ୱାରା ଗଣମାଧ୍ୟମର ସ୍ବାଧୀନତା ଉପରେ ଯେପରି ପ୍ରଭାବ ନ ପଡ଼ିବ ସେଥିପ୍ରତି ଧ୍ୟାନ ଦେବାକଚୁ କୁହାଯାଇଛି।
ସୂଚନା ପ୍ରଯୁକ୍ତିବିଦ୍ୟା (ଆଇଟି) ନିୟମରେ ସଂଶୋଧନ ଡ୍ରାଫ୍ଟକୁ ନେଇ ଗଭୀର ଚିନ୍ତା ପ୍ରକଟ କରି ଏଡିଟର୍ସ ଗିଲ ପକ୍ଷରୁ କୁହାଯାଇଛି ଯେ ମିଥ୍ୟା ଖବର ନିର୍ଣ୍ଣୟ କରିବା ସରକାରଙ୍କ ଏକମାତ୍ର ଦାୟିତ୍ୱ ହୋଇପାରିବ ନାହିଁ। ଏହାଦ୍ୱାରା ଗଣମାଧ୍ୟମର ସେନ୍ସର ହେବ।
ଏଡିଟର୍ସ ଗିଲ କହିଛି ଯେ ବାସ୍ତବରେ ଭୁଲ ଥିବା ଖବରର ମୁକାବିଲା ପାଇଁ ପୂର୍ବରୁ ଅନେକ ନିୟମ ରହିଛି। ଏହି ନୂତନ ପ୍ରକ୍ରିୟା ଏକ ମୌଳିକ ମୁକ୍ତ ପ୍ରେସକୁ ଅଟକାଇବା ପାଇଁ ବ୍ୟବହାର କରାଯାଇପାରିବ ଏବଂ ପିଆଇବିି କିମ୍ବା କେନ୍ଦ୍ର ସରକାରଙ୍କ ଦ୍ୱାରା ଅନୁମୋଦିତ ଅନ୍ୟ କୌଣସି ଏଜେନ୍ସିକୁ ସେହି ଅନଲାଇନ ମଧ୍ୟସ୍ଥିମାନଙ୍କୁ ବିଷୟବସ୍ତୁ ହଟାଇବା ପାଇଁ ବାଧ୍ୟ କରାଯାଇପାରିବ। ଯେଉଁଥି ପାଇଁ ସରକାରଙ୍କର ସମସ୍ୟା ହୋଇପାରେ।
ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟର ସୂଚନା ପରାମର୍ଶ ପ୍ରଯୁକ୍ତିବିଦ୍ୟା ମଧ୍ୟସ୍ଥି ଗାଇଡଲାଇନ ଏବଂ ଡିଜିଟାଲ ମିଡିଆ ଆଚରଣ ସଂହିତା ନିୟମ, ୨୦୨୧ ରେ ସଂଶୋଧନ ଜାରି କରିଛି ଯାହା ପୂର୍ବରୁ ଜନ ପରାମର୍ଶ ପାଇଁ ଜାରି କରାଯାଇଥିଲା।
