ନୂଆଦିଲ୍ଲୀ,୧୬।୧୦: ଘରୋଇ ଉତ୍ପାଦିତ ଅଶୋଧିତ ତୈଳ ତଥା ଆଭିଏସନ ଟର୍ବାଇନ ଇନ୍ଧନ ଏବଂ ଡିଜେଲ ରପ୍ତାନି ଉପରେ କେନ୍ଦ୍ର ସରକାର ଅତିରିକ୍ତ ଏକ୍ସାଇଜ୍ ଡ୍ୟୁଟି ବୃଦ୍ଧି କରିଛନ୍ତି। ପେଟ୍ରୋଲିୟମ ରପ୍ତାନି କରୁଥିବା ଦେଶ ତଥା ସହଯୋଗୀ ତେଲ ଉତ୍ପାଦନ ସଙ୍ଗଠନ (ଓପେକ+) ର ନିଷ୍ପତ୍ତି ପରେ ଏଭଳି ହୋଇଛି ବୋଲି କୁହାଯାଇଛି। ଅକ୍ଟୋବର ୧୬ରୁ ନୂତନ ହାରର ଦର କାର୍ଯ୍ୟକାରୀ ହେବ। ଫଳରେ ଓପେକ+ର ପଦକ୍ଷେପ ବିଶ୍ୱର ମୂଲ୍ୟକୁ ପୁଣି ଥରେ ଉଚ୍ଚ କରିପାରେ ବୋଲି ଆକଳନ କରାଯାଇଛି। ଏପରିକି ବ୍ୟାରେଲ ପିଛା ହାରାହାରି ମୂଲ୍ୟ ୯୦ ଡଲାରରୁ ଅଧିକ ରହିଛି। ଶନିବାର ସରକାରଙ୍କ ବିଜ୍ଞପ୍ତି ଅନୁଯାୟୀ ଏହା ଘରୋଇ ଉତ୍ପାଦିତ ଅଶୋଧିତ ତୈଳ ଉପରେ ଟନ୍ ପିଛା ୮,୦୦୦ ରୁ ୧୧,୦୦୦ ଟଙ୍କାକୁ ବୃଦ୍ଧି ହୋଇଛି। ଏହା ସହ ବିମାନ ଟର୍ବାଇନ ଇନ୍ଧନ (ଏଟିଏଫ୍) ରପ୍ତାନି ଉପରେ ମଧ୍ୟ ଟିକସ ଶୂନରୁ ବୃଦ୍ଧି କରି ଲିଟର ପିଛା ୩.୫୦ଟଙ୍କାକୁ ବୃଦ୍ଧି କରିଛନ୍ତି। ସେହିଭଳି ଡିଜେଲ ରପ୍ତାନି ଉପରେ ଓ୍ବିଣ୍ଡଫଲ୍ ଟିକସ ଲିଟର ପିଛା ୫ରୁ ୧୦.୫୦ଟଙ୍କାକୁ ବୃଦ୍ଧି କରାଯାଇଛି। ଫଳରେ ଡିଜେଲ ରପ୍ତାନି ଉପରେ ମୋଟ ଏକ୍ସାଇଜ୍ ଶୁଳ୍କ ଲିଟର ପିଛା ୧୨ ଟଙ୍କାକୁ ବୃଦ୍ଧି ଘଟିଛି। ଏଥିରେ ପ୍ରତି ଲିଟର ପିଛା ୧.୫ ଟଙ୍କା ନିୟନ୍ତ୍ରିତ ବିନିଯୋଗ ପାଇଁ ଅନ୍ତର୍ଭୁକ୍ତ ହେବ।
ଚଳିତ ବର୍ଷ ସେପ୍ଟେମ୍ବର ୧୭ରେ ଅନ୍ତର୍ଜାତୀୟ ବଜାରରେ ଅଶୋଧିତ ମୂଲ୍ୟ ହ୍ରାସ ପରେ ସରକାର ଘରୋଇ ଅଶୋଧିତ ଏବଂ ଡିଜେଲ ଉପରେ ମଧ୍ୟ ୱିଣ୍ଡଫଲ୍ ଟିକସର ଲାଭ ହ୍ରାସ କରିଥିଲେ ଏବଂ ଅକ୍ଟୋବର ୨ରୁ ଜେଟ୍ ଇନ୍ଧନ ରପ୍ତାନି ଉପରେ ମଧ୍ୟ ଶୁଳ୍କ ହ୍ରାସ କରିଥିଲେ। ୬ଷ୍ଠ ଚତୁର୍ଦ୍ଦଶ ସମୀକ୍ଷା ବୈଠକରେ ସରକାର ଘରୋଇ ଉତ୍ପାଦିତ ଅଶୋଧିତ ତୈଳ ଉପରେ ଟିକସକୁ ଟନ୍ ପିଛା ୧୦,୫୦୦ ରୁ ୮,୦୦୦ ଟଙ୍କାକୁ ହ୍ରାସ କରିଛନ୍ତି।
