ନିରାକାରପୁର,୪ା୧୦(ମାନସ ଚନ୍ଦ୍ର ପଟ୍ଟନାୟକ): ଖୋର୍ଦ୍ଧା ଜିଲା ଜଙ୍କିଆ ଥାନା ପୋଲିସ ବୁଧବାର ସିକୋ ନିକଟରୁ ଏକ ଗୋରୁ ବୋଝେଇ ଓଆର-୦୨-ବିଏକ୍ସ -୩୯୦୧ ନମ୍ବର ବିଶିଷ୍ଟ ଗାଡ଼ି ଜବତ କରିଥିବା ସହ ସେଥିରେ ଥିବା ୪ଟି ଗୋରୁକୁ ଉଦ୍ଧାର କରିଛି। ଉଦ୍ଧାର ହୋଇଥିବା ଗୋରୁ ମଧ୍ୟରେ ଗୋଟିଏ ଷଣ୍ଢ, ୨ଟି ବଳଦ ଓ ଗୋଟିଏ ଗାଈ ରହିଛନ୍ତି। ଜବତ ଗୋରୁଙ୍କୁ ଜଟଣୀଠାରେ ଥିବା ଗୋ’ଶାଳାରେ ଛଡ଼ାଯାଇଛି। ଗୋରୁ କେଉଁଠାରୁ କେଉଁ ଅଞ୍ଚଳକୁ କେଉଁ ଉଦେଶ୍ୟରେ ନିଆ ଯାଉଥିଲା ସେ ନେଇ ତଦନ୍ତ ଚାଲିଛି। ତେବେ ପୋଲିସକୁ ଦେଖି ଗିରଫ ଭୟରେ ଗାଡ଼ିଚାଳକ ଫେରାର ହୋଇଯାଇଛନ୍ତି। ଏନେଇ ଜଙ୍କିଆ ଥାନାରେ ଏକ ମାମଲା ରୁଜୁ କରାଯାଇ ତଦନ୍ତ ଚାଲିଥିବା ଜଙ୍କିଆ ଥାନା ଅଧିକାରିଣୀ ପ୍ରଜ୍ଞାଋ଼ତୁମ୍ଭରା କର ସୂଚନା ଦେଇଛନ୍ତି।
