ମୁମ୍ବାଇ,୧୦ା୮: ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁର ପ୍ରାୟ ୨ ମାସ ପରେ ତାଙ୍କ ଜୀବନ ସହ ଜଡ଼ିତ ଆଉ ଏକ ଭିଡିଓ ସାମ୍ନାକୁ ଆସିଛି। ଏଥିରେ ସେ ପରିବାର ସହିତ ରୁଦ୍ରାଭିଷେକ ଏବଂ କାଳସର୍ପ ଯୋଗ ପୂଜାରେ ବସିଥିବା ନଜର ଆସିଛନ୍ତି। ବାନ୍ଦ୍ରାସ୍ଥିତ ତାଙ୍କ ୧୫ମହଲା ଫ୍ଲାଟ୍ରେ ଏହି ପୂଜା କରାଯାଇଥିଲା। ଏହି ପୂଜା ପଣ୍ଡିତ ଗୋବିନ୍ଦ ନାରାୟଣଙ୍କ ଦ୍ୱାରା ଏପ୍ରିଲ ୨୦୧୯ରେ କରାଯାଇଥିଲା।
If Rhea was so much into pooja and all… Why didn’t she attend the pooja on #SushantSinghRajput 2020 bday.
You can see how happy Sushant looks ♥️#BoycottBollywoodFilms #JusticeforSushantSinghRajput#ArrestRheaChakraborty #UddhavResignOrCBI4SSR pic.twitter.com/k6siPe5MvC
— On_Point (@on_poiint) August 2, 2020
ପଣ୍ଡିତଙ୍କ କହିବାନୁସାରେ, ଏହି ପୂଜାରେ ସୁଶାନ୍ତ, ତାଙ୍କ ଭଉଣୀ ମିତୁ ସିଂ ଏବଂ ତାଙ୍କ ସ୍ବାମୀ, ସୁଶାନ୍ତଙ୍କ କେତେକ କର୍ମଚାରୀ ଉପସ୍ଥିତ ଥିଲେ। ପୂରା ପରିବାର ବହୁତ ଖୁସି ଥିଲେ। ଏଥିରେ ସୁଶାନ୍ତ ବହୁତ ଖୁସି ଦେଖାଯାଉଥିଲେ। ପଣ୍ଡିତ କହିଛନ୍ତି ଯେ, ସୁଶାନ୍ତ କୌଣସି ମାନସିକ ଦୁଃସ୍ଥିତିର ଶିକାର ପରି ଜଣା ପଡୁ ନ ଥିଲେ। ସେ ସ୍ବାଭାବିକ ଅବସ୍ଥାରେ ଥିଲେ। ପଣ୍ଡିତ କହିଛନ୍ତି, ସୁଶାନ୍ତ ଆତ୍ମହତ୍ୟା କରିଥିବେ ଏ କଥା ବିଶ୍ୱାସ ହେଉନାହିଁ।
ପଣ୍ଡିତ କହିଛନ୍ତି, ଏହି ପୂଜା ୪ ଘଣ୍ଟା ଧରି ଚାଲିଥିଲା। ଏହି ସମୟରେ ସୁଶାନ୍ତ ପୂଜାରେ ଧୋତି ଏବଂ ଗାମୁଛା ପିନ୍ଧି ପୂଜାରେ ବସିଥିଲେ। ପୂଜା ସରିବା ପରେ ସେ ନିଜ ହାତରେ ୧୧ ବ୍ରାହ୍ମଣଙ୍କୁ ସେବା କରିଥିଲେ। ଏହି ସମ୍ପୂର୍ଣ୍ଣ ପ୍ରକ୍ରିୟା ପ୍ରାୟ ୬ ଘଣ୍ଟା ଧରି ଚାଲିଥିଲା। ସୁଖ, ଶାନ୍ତି ଏବଂ ଧନ ହାସଲ ପାଇଁ ଏହି ପୂଜା ଘରେ କରାଯାଇଥିଲା। ଏହି ସମୟ ମଧ୍ୟରେ ଏକ ନଟରାଜ ମୂର୍ତ୍ତି ମଧ୍ୟ ସ୍ଥାପନ କରାଯାଇଥିଲା। ଭିଡିଓରେ ରିୟା ଚକ୍ରବର୍ତ୍ତୀଙ୍କୁ ଦେଖିବାକୁ ମିଳିନାହିଁ।ି ଏହା ମଧ୍ୟ ପଣ୍ଡିତ ସ୍ପଷ୍ଟ କରିଛନ୍ତି।
