ଓସ୍ଲୋ, ୭।୭: ରୁଷିଆ ଜନ୍ମିତ ଡଚ୍ ଚେସ୍ ତାରକା ଆନିଶ୍ ଗିରିଙ୍କୁ ଫାଇନାଲରେ ହରାଇ ବିଶ୍ୱ ଚାମ୍ପିୟନ ମ୍ୟାଗ୍ନ କାର୍ଲସେନ ଅନ୍ଲାଇନ୍ ଚେସାବ୍ଲ ମାଷ୍ଟର୍ସ ଚେସ୍ ଟାଇଟଲ ହାସଲ କରିଛନ୍ତି। ପ୍ରଥମ ଗେମ୍ରେ ପ୍ରଭାବୀ ବିଜୟ ହାସଲ କରିଥିବା ନରଓ୍ବେର କାର୍ଲସେନ ଦ୍ୱିତୀୟ ମ୍ୟାଚରେ ମଧ୍ୟ ସହଜରେ ବିଜୟୀ ହୋଇଥିଲେ। ଗେମ୍କୁ ପ୍ରତ୍ୟାବର୍ତ୍ତନ ପାଇଁ ଗିରି ଅନେକ ସୁଯୋଗ ପାଇଥିଲେ ହେଁ ତାହାର ସଦୁପଯୋଗ କରିପାରି ନ ଥିଲେ। କାର୍ଲସେନ ଟୁର୍ର ଏହାଥିଲା ତୃତୀୟ ଇଭେଣ୍ଟ। ଜୁନ୍ ୨୦ରୁ ଏହା ଆରମ୍ଭ ହୋଇଥିଲା। ପ୍ରତିଯୋଗିତାରେ ୧୨ ଜଣ ବିଶ୍ୱର ଅନ୍ୟତମ ଶ୍ରେଷ୍ଠ ଗ୍ରାଣ୍ଡମାଷ୍ଟର ଭାଗ ନେଇଥିଲେ। ”ଗତ ତିନୋଟି ମ୍ୟାଚରେ ମୁଁ ଯେପରି ଖେଳିଥିଲି ଗିରି ଫାଇନାଲରେ ତା’ଠାରୁ ଉନ୍ନତ ପ୍ରଦର୍ଶନ କରିଥିଲେ। ମାତ୍ର ବିଜୟୀ ହୋଇଥିବାରୁ ମୁଁ ଭାଗ୍ୟବାନ“ ବୋଲି କାର୍ଲସେନ କହିଛନ୍ତି। କରୋନା ଭାଇରସ ସଂକ୍ରମଣ ଜନିତ ସଙ୍କଟ ସମୟରେ କାର୍ଲସେନ ଖେଳିଥିବା ୫ ଅନ୍ଲାଇନ୍ ଚେସ୍ ଟୁର୍ନାମେଣ୍ଟ ମଧ୍ୟରୁ ଏହାଥିଲା ୪ର୍ଥ ବିଜୟ। ମ୍ୟାଗ୍ନସ କାର୍ଲସେନ ଟୁର୍ର ୪ର୍ଥ ଇଭେଣ୍ଟ ଚେସ୍ର ଲିଜେଣ୍ଡ ମାନଙ୍କୁ ନେଇ ଚଳିତମାସ ୨୧ରୁ ଆରମ୍ଭ ହେବ।
