ଖଇରା, ୨୪।୩(ଡି.ଏନ.ଏ.): ବାଲେଶ୍ୱର ଜିଲା ସିମୁଳିଆ ଥାନା ଖଇରା ବ୍ଲକ ଅଧୀନ ବଡଜୟୀପୁର ପଞ୍ଚାୟତ ସମିତିସଭ୍ୟା ପାର୍ବତୀ ସେଠୀଙ୍କ ଶ୍ୱଶୁର ଉପେନ୍ଦ୍ର ପ୍ରସାଦ ସେଠୀଙ୍କୁ ବିଜେଡି କର୍ମୀ ହତ୍ୟା କରାଯିବା ନେଇ ବିରୋଧୀ ଭାଜପାର ଅଭିଯୋଗ ଭିତ୍ତିହୀନ ସାବ୍ୟସ୍ତ ହୋଇଛି ା ମଙ୍ଗଳବାର ଶବ ବ୍ୟବଚ୍ଛେଦ ରିପୋର୍ଟରେ ବୃଦ୍ଧ ସେଠୀଙ୍କ ମୃତ୍ୟୁ ହୃଦ୍ଘାତଜନିତ ଜଣାପଡିବା ପରେ ଶାସକ ଦଳ କଡା ପ୍ରତିକ୍ରିୟା ରଖିଛନ୍ତି ା ସ୍ବାଭାବିକ ମୃତ୍ୟୁକୁ ନେଇ ଭାଜପା ନେତା ଓ କର୍ମୀମାନେ ବିଜୁ ଜନତା ଦଳ କର୍ମୀ ତଥା ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀଙ୍କ ନାମକୁ ଯୋଡି ହତ୍ୟା ଅଭିଯୋଗ ଆଣିବା ହୀନ ମାନସିକତା ଏବଂ ଏହା ସେହି ଭାଜପା ପାଇଁ ଆଗାମୀ ଦିନରେ ବୁମେରାଂ ହେବ ା
ଖଇରା ସିମୁଳିଆବାସୀ ଏହାର ଉଚିତ୍ ଜବାବ ଦେବେ। ୨୦୧୪ ଓ ୨୦୧୯ ସାଧାରଣ ନିର୍ବାଚନ ଭଳି ୨୦୨୪ରେ ଭାଜପା ମାଟି କାମୁଡିବ ବୋଲି ବିଜେଡି ନେତ୍ରୀ ତଥା ୬ନଂ. ଜୋନର ଜିଲାପରିଷଦ ସଭ୍ୟ ସୁଷମା ମହାପାତ୍ର କହିଛନ୍ତି।
ଜନତା ଦଳ ତଥା ପର୍ଯ୍ୟଟନ ମନ୍ତ୍ରୀଙ୍କୁ ବଦ୍ନାମ କରିବା ପାଇଁ ଭାଜପା ଏହାକୁ ହତ୍ୟାର ରଙ୍ଗ ଦେଇଥିବା ଡୁଙ୍ଗୁରା ସରପଞ୍ଚ ପ୍ରକାଶ ଲେଙ୍କା କହିଛନ୍ତି। ୧୬ତାରିଖ ରାତିରେ ମିଳନ ପଡିଆରେ କୌଣସି ଗଣ୍ଡଗୋଳ ଘଟି ନ ଥିଲା ବୋଲି ଗ୍ରାମବାସୀ ପୋଲିସକୁ ପୂର୍ବରୁ କହିସାରିଥିଲେ। କେବଳ ଭାଜପାର ଏକ ଷଡଯନ୍ତ୍ର ବୋଲି ବଡଜୟୀପୁର ପଞ୍ଚାୟତର ବିଜେଡି ନେତା ବାବୁ ସେଠୀ କହିଛନ୍ତି ା ୧୬ତାରିଖ ଏହି ଘଟଣାକୁ ଭାଜପା ନେତୃବୃନ୍ଦ ଏକ ହତ୍ୟାକାଣ୍ଡ ବୋଲି ଅଭିଯୋଗ କରି ୧୭ତାରିଖରେ ସିମୁଳିଆ ଥାନା ସମ୍ମୁଖରେ ଶବ ରଖି ବିକ୍ଷୋଭ ପ୍ରଦର୍ଶନ କରିଥିଲେ ା ଏହି ହତ୍ୟାକାଣ୍ଡ ପଛରେ ବିଜେଡି କର୍ମୀ ତଥା ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀଙ୍କ ସମ୍ପୃକ୍ତି ଥିବା ନେଇ ଗଣମାଧ୍ୟମ ସମ୍ମୁଖରେ ଅଭିଯୋଗ କରିବାକୁ ପଛାଇ ନ ଥିଲେ। ଉପେନ୍ଦ୍ରଙ୍କ ପରିବାରଙ୍କ ଅଭିଯୋଗକ୍ରମେ ସିମୁଳିଆ ପୋଲିସ ୬ଜଣଙ୍କ ନାମରେ ଏକ ମାମଲା(ନଂ.୧୦୦/୨୨) ରୁଜୁ କରିଥିଲା ା
