ଇସଲାମାବାଦ,୨୪।୧୨: ଫେବୃୟାରୀ ୮ରେ ପାକିସ୍ତାନରେ ସାଧାରଣ ନିର୍ବାଚନ ହେବାକୁ ଯାଉଛି। ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଚାହୁଁଥିବା ପ୍ରାର୍ଥୀମାନେ ରବିବାର ସେମାନଙ୍କର ନାମାଙ୍କନପତ୍ର ଦାଖଲ କରିଛନ୍ତି। ସୂଚନାଯୋଗ୍ୟ, ପ୍ରାର୍ଥୀପତ୍ର ଦାଖଲ କରିବାର ରବିବାର ଶେଷ ତାରିଖ ଥିଲା। ତେବେ ଅନେକ ବରିଷ୍ଠ ନେତା ଶୁକ୍ରବାର ନିଜ ନାମାଙ୍କନପତ୍ର ଦାଖଲ କରିଥିଲେ।
ଡିସେମ୍ବର ୨୦ରୁ ନାମାଙ୍କନ ପ୍ରକ୍ରିୟା ଆରମ୍ଭ ହୋଇଥିଲା ଏବଂ ପ୍ରଥମେ ଶୁକ୍ରବାର ଏହା ଶେଷ ହେବାର ଥିଲା, କିନ୍ତୁ ବିଭିନ୍ନ ରାଜନୈତିକ ଦଳର ଦାବି ଅନୁଯାୟୀ ପାକିସ୍ତାନର ନିର୍ବାଚନ ଆୟୋଗ ଏହାକୁ ଦୁଇ ଦିନ ବଢାଇ ଦେଇଛନ୍ତି।
ସୂଚନାଯୋଗ୍ୟ, ନାମାଙ୍କନ ପ୍ରକ୍ରିୟା ଡିସେମ୍ବର ୨୦ରେ ଆରମ୍ଭ ହୋଇଥିଲା। ନାମାଙ୍କନପତ୍ର ଦାଖଲ କରିବାର ଶେଷ ତାରିଖ ଡିସେମ୍ବର ୨୨ଥିଲା, କିନ୍ତୁ ପାକିସ୍ତାନର ନିର୍ବାଚନ ଆୟୋଗ (ଇସିପି) ଏହାକୁ ବିଭିନ୍ନ ରାଜନୈତିକ ଦଳର ଦାବିରେ ଦୁଇ ଦିନ ବୃଦ୍ଧି କରିଥିଲେ। ଏଭଳି ପରିସ୍ଥିତିରେ ଆଜି ନାମାଙ୍କନପତ୍ର ଦାଖଲ କରିବାର ଶେଷ ଦିନ ଏବଂ କୌଣସି ପ୍ରାର୍ଥୀ ନିଜର ସୁଯୋଗ ହରାଇବାକୁ ଚାହାଁନ୍ତି ନାହିଁ। ତେଣୁ ପ୍ରାର୍ଥୀଙ୍କ ଭିଡ ଏକାଠି ଦେଖାଯାଇଛି।
ନାମାଙ୍କନପତ୍ର ଦାଖଲ କରିବାର ସମୟସୀମା ଶେଷ ହେବା ପରେ ଆୟୋଗର ଅପଡେଟ କାର୍ଯ୍ୟସୂଚୀ ଅନୁଯାୟୀ, ଇସିପି ସୋମବାରରୁ ଡିସେମ୍ବର ୩୦ପର୍ଯ୍ୟନ୍ତ ଯାଞ୍ଚ କରିବ। ନାମାଙ୍କନପତ୍ର ଗ୍ରହଣ କିମ୍ବା ପ୍ରତ୍ୟାଖ୍ୟାନ ବିରୋଧରେ ଆବେଦନ ଜାନୁଆରୀ ୩ ସୁଦ୍ଧା ଦାଖଲ କରାଯାଇପାରେ, ଜାନୁୟାରୀ ୧୦ ସୁଦ୍ଧା ନିଷ୍ପତ୍ତି ନିଆଯିବ। ଇସିପି ଜାନୁଆରୀ ୧୧ରେ ପ୍ରାର୍ଥୀଙ୍କ ତାଲିକା ପ୍ରକାଶ କରିବ, ପ୍ରାର୍ଥୀମାନେ ଜାନୁୟାରୀ ୧୨ ପର୍ଯ୍ୟନ୍ତ ନାମାଙ୍କନ ପ୍ରତ୍ୟାହାର କରିପାରିବେ। ନିର୍ବାଚନ ସଙ୍କେତ ବଣ୍ଟନ ଜାନୁୟାରୀ ୧୩ ରେ ହେବ ।
ଇସିପି ଅନୁଯାୟୀ, ଡିସେମ୍ବର ୩୧ରୁ ଜାନୁୟାରୀ ୨୦ ପର୍ଯ୍ୟନ୍ତ ନିର୍ବାଚନ ଉପରେ ନଜର ରଖିବା ପାଇଁ ବିଦେଶୀ ପର୍ଯ୍ୟବେକ୍ଷକମାନେ ଆବେଦନ କରିପାରିବେ।
