ଡା. ରଣଜିତ୍ କର
ଆମ ଦେଶ ତୁଳନାରେ ପାଶ୍ଚାତ୍ୟ ଦେଶଗୁଡ଼ିକରେ ମହିଳାଙ୍କ କ୍ଷେତ୍ରରେ ସ୍ତନ କର୍କଟ ରୋଗ ଅଧିକ ଦେଖିବାକୁ ମିଳେ। ଆମ ଦେଶରେ ଜରାୟୁ, ମୁଖ କର୍କଟ ରୋଗ ପଛକୁ ନାରୀମାନଙ୍କର ହେଉଥିତ୍ବା କ୍ୟାନ୍ସର ମଧ୍ୟରେ ଏହା ୨ୟ ସ୍ଥାନରେ ଥିଲା କିନ୍ତୁ ଏବେ ଏହାର ଆଶଙ୍କା ପ୍ରଥମ ବୋଲି ଜଣାପଡ଼ିଛି। ପ୍ରତ୍ୟେକ ୩ ମିିନିଟ୍ରେ ଜଣେ ନାରୀକୁ ସ୍ତନ କର୍କଟ ରୋଗ ହୋଇଥାଏ।
କାରଣ: ଯେଉଁମାନେ ବିଳମ୍ବରେ ବିବାହ କରନ୍ତି ଏବଂ ଡେରିରେ ଗର୍ଭଧାରଣ କରନ୍ତି, ପିଲାଙ୍କୁ ସ୍ତନ୍ୟପାନ ନ କରାଇ ବୋତଲ କ୍ଷୀର ଦିଅନ୍ତି ସେମାନଙ୍କୁ ସ୍ତନ କର୍କଟ ହେବାର ଆଶଙ୍କା ଅଧିକ ରହିଥାଏ।
ଲକ୍ଷଣ: ସ୍ତନରେ, କାଖରେ, ବେକରେ ଗେଟା ହେବା, ନିପୁଲ୍ରୁ ରକ୍ତ ଯିବା ସ୍ତନ କର୍କଟର ଲକ୍ଷଣ। ହେଲେ ପରୀକ୍ଷା ନ କରାଇ ଚିକିତ୍ସା ଆରମ୍ଭ କରିବା ଠିକ୍ ନୁହେଁ। ଛୁଞ୍ଚତ୍ ପରୀକ୍ଷା (ଏଫ.ଏନ.ଏ.ସି) ବା ବାୟୋପ୍ସି ଟେଷ୍ଟ ଏବଂ ଅନ୍ୟାନ୍ୟ ପରୀକ୍ଷା କରି ସ୍ତନ କର୍କଟ ହୋଇଛି ବୋଲି ଜାଣିବା ପରେ ଚିକିତ୍ସା ଆରମ୍ଭ କରାଯାଏ। ଏହି କର୍କଟ ସ୍ତନରୁ ଅସ୍ଥି, ଫୁସ୍ଫୁସ୍, ଯକୃତ ଏବଂ ମସ୍ତିଷ୍କ ଆଦି ଅଙ୍ଗକୁ ଲସିକା ନଳୀ ବା ରକ୍ତ ନଳୀ ଦ୍ୱାରା ବ୍ୟାପେ।
ଚିକିତ୍ସା: ଥରେ କର୍କଟ ରୋଗ ପ୍ରମାଣ ହେଲେ ଆବଶ୍ୟକତା ଅନୁଯାୟୀ ଶଲ୍ୟ ଚିକିତ୍ସା, କେମୋଥେରାପି ଚିକିତ୍ସା ଏବଂ ବିକିରଣ ଚିକିତ୍ସା, ହରମୋନ୍ ଥେରାପି ଚିକିତ୍ସା, ବାୟୋଥେରାପି କିମ୍ବା ଟାର୍ଗେଟେଡ୍ କେମୋଥେରାପି ଚିକିତ୍ସା କରାଯାଇଥାଏ। ଅଧିକ ସୁଫଳ ଯୋଗୁ ଏବେ ବ୍ରେଷ୍ଟ୍ କରଭେସନ୍ ସର୍ଜରି ବହୁ ଲୋକପ୍ରିୟ ହେଲାଣି। ମାତ୍ର ଏଥିରେ ବିକିରଣ ଚିକିତ୍ସା ବା ଲେଜର ଥେରାପି ସୁନିଶ୍ଚିତ। ସାଧାରଣତଃ ବିକିରଣ ଚିକିତ୍ସା ୫ ରୁ ୬ ସପ୍ତାହ ପର୍ଯ୍ୟନ୍ତ ଦିଆଯାଇଥାଏ। ଆଜିକାଲି ନୂଆ ପଦ୍ଧତିରେ ବିକିରଣ ଚିକିତ୍ସା ବାହାରିଲାଣି। ସେଥିରେ କିଛି ପାର୍ଶ୍ୱ ପ୍ରତିକ୍ରିୟା ରହିଥାଏ।
କେମୋଥେରାପି ତିନି ସପ୍ତାହରେ ଥରେ ଦିଆଯାଇଥାଏ। ଥକା ଥକା ଲାଗିବା, ବାନ୍ତି ଲାଗିବା, ଜ୍ୱର ଆସିବା ଏବଂ ବାଳ ଉପୁଡିଯିବା, ଏସବୁ କେମୋଥେରାପିର ପାର୍ଶ୍ୱ ପ୍ରତିକ୍ରିୟା ହୋଇଥାଏ। ଏସବୁ ଲକ୍ଷଣ ଠିକ୍ ଭାବରେ ଦେଖି ଔଷଧ ଦେଲେ ଭଲ ହୋଇଥାଏ। ହର୍ମୋନ୍ସ ଟାବ୍ଲେଟ୍ କିମ୍ବା ଇଂଜେକ୍ସନ ୫ ବର୍ଷ ପର୍ଯ୍ୟନ୍ତ ଦିଆଯାଇଥାଏ। ଥରେ ଚିକିତ୍ସା ସରିବା ପରେ ରେସ୍ପନ୍ସ ଇଭାଲୁଏସନ୍ ଟେଷ୍ଟ୍ କରାଯାଇଥାଏ। ପ୍ରତି ତିନି ମାସ ବ୍ୟବଧାନରେ ଦୁଇବର୍ଷ ପଯର୍ର୍ୟନ୍ତ, ଛଅ ମାସ ଅନ୍ତରରେ ୫ ବର୍ଷ ପର୍ଯ୍ୟନ୍ତ, ବର୍ଷକୁ ଥରେ ଥରେ ଦଶ ବର୍ଷ ପର୍ଯ୍ୟନ୍ତ ଚିକିତ୍ସା କରାଯାଏ। ସ୍ତନ କର୍କଟ ରୋଗରୁ ମଧ୍ୟ ଆରୋଗ୍ୟଲାଭ କରିବାର ସମ୍ଭାବନା ରହିଛି କିନ୍ତୁ ଏହି ରୋଗକୁ ଠିକ୍ ସମୟରେ ନିରୂପଣ କରି ଚିକିତ୍ସା ଆରମ୍ଭ କରିବା ଜରୁରୀ। ବତ୍ତର୍ର୍ମାନ ଏଚ.ସି.ଜି. ପଣ୍ଡା କ୍ୟାନ୍ସର ହସ୍ପିଟାଲ, କଟକରେ ଶଲ୍ୟ ଚିକିତ୍ସା, କେମୋଥେରାପି, ବିକିରଣ ଚିକିତ୍ସା, ହର୍ମୋନ୍ ଚିକିତ୍ସା, ସବୁ ଚିକିତ୍ସାର ସୁବିଧା ଅଛି।
-ସିନିଅର କନସଲଟାଣ୍ଟ, ରେଡିଏସନ୍ ଅଙ୍କୋଲୋଜି, ଏଚ୍ସିଜି ପଣ୍ଡା କ୍ୟାନ୍ସର ହସ୍ପିଟାଲ, କଟକ
